Matthew 5:30 - Ohiatonhseratokénti

³⁰ Tokat tsi seȣeientetakon nasenentsati sariȣaientatenni, itsiak ihnon oni iasati: aseken senha ioianere ne skati tasenentsontake tsiniiot ne tsiatakȣekon asatetsirate.

Neh Nase Tsi Shokȣatakȣen 1880 (4 Gospels by Joseph Onasakenrat)

³⁰ Tokat tsi seȣeientetakon nasenentsati sariȣaien-tatenni, itsiak ihnon oni iasati … aseken senha ioianere ne skati tasenentsontake tsiniiot no tsiatakȣekon asatetsirate.

Matthew 5:30 Referans Kwoze

St. Mark 9:43

Toka Sasnonsa Sariȣaientatenni, itsiak; senha ioianere neiah tatasesnonsontake Karonhiakon asataȣeiate, tsiniiot ne tasesnonsontonke nok asatetsirate tsinonȣe ne tiotekhaonȣe.

Matthew 5:29

Tokat tsi seȣeientetakon naskarati sariȣaiontatenni, stako, ihnon oni iasati: aseken senha ioianere ne skati taonsaskaratake kaȣenniioki tosa tsiatakȣekon Oneson aontetsirat.

1 Tiér 2:8

Tánon nóia noriwatokénti wáton, “Onénhia ne enkakwéni nónkwe entsiakosítiake, tánon nosténra neh enkakwéni tenhiakoniohtáko.” Watiakoniotáko tsioríhwa tsi iáh tethonetákwen nowénna; neh tsi nisakoriwisaháni ne Rawenni꞉io.

1 Corinthians 8:13

Ne káti, tóhkaʼ kákkhwa kahrihónnis ne tiakawetákwen aieriwahneráhke, iáh ki nonwénhton shé꞉kon tahonsakewáhrahke, né꞉ne tóhsa ahkhehiónnien ne tiakawetákwen aieriwahneráhke.

Luke 17:2

Senha ioianere tsi katheta ȣatenenhiarakȣa ahonȣanenhianiionthase nok kaniatarhen iahonȣaiatonti, tsiniiot nasakoriȣaientaten enskat nʼeksaokonha.

Matthew 13:21

Iah tanon teioteronte ne rahonhake, ne se ȣahonni iah tatekaȣishastste: kaȣenniioʼkʼȣahorane kanikonraksensera, atatkenronniatseraʼsʼoni, akarionniate nʼoȣonna akȣaʼsoksa ȣahatatenikonrotako.

Luke 12:5

Enkȣarori ki tanon tsinahoten aeseȣastsaniseke: neh seȣatsanisek tsinahoten iakorios, nok onakenke Onesson iaiakoiatonti; neh tohiken seȣatsanisek.

Galatians 5:11

Nók kíʼ ní꞉i, tewatenrosónhas, tóhkaʼ sékon ne ahonkateriwaʼnotatiéseke tsi kwa tehiotonwentióʼon naʼiesawarakwétaron—tsi nihónton nákorensons tsi sekon ne niwakateriwanote—káti nontiéren ne Sitaeró꞉nons ahiontʼkaréwate? Tsi kwáh oriwí꞉io tsi séhkon nihiontʼkarewátha ne kariwanírats tsi séhkon ne kateriwanótʼtha ne kaiatakenhátsera thóh kaiasáke ne Kerístos iatehahiáti.

Romans 9:33

nowennaʼtokénti neh watroriátha: “Satkátho, watsiéntatse tho nón꞉we Zion onénhia ne enkakwéni nónkwe entsiakosítiake, tánon nosténra neh enkakwéni tenhiakoniohtáko. Onhkakíʼok nenthonwétakwe iáh tahonsahiontateriwásten.”

Matthew 26:31

Ethone ne Iesos ȣasakorori ȣahenron: Onȣa kenh ȣasontate enseȣatateriȣaientaten nii akeriȣake; Aseken ȣaton tsi kaiaton: enhiiente ne ranonhne, nok tenkonreni ne teiotinakarontonha.

Matthew 22:13

Ethone ȣasakaȣenhase ne kannhatsera: hetsiseȣanerenk nok tsi tetiokaras iatsiseȣaiatonti, etho nonȣe natenhionsenthoseke oni tenhionnokaraniehonheke.

Matthew 25:20

Eh ȣathatahne ne ȣisk nihoȣistaiena, ȣahonatonhase ne ȣisk natehotentson ȣahenron: Saianer! ȣisk nikaȣistake takatakȣenniaienni eh kati oni nikon ȣakeiaron ne saȣista.

Matthew 16:23

Nok tanon ne raonha tontahatkarhateni ȣahaȣenhase ne Tier: Satkonseraksen ehren iset ne kiatakta! takeriȣanera aktenni: aseken iah ki tesanikonraientas ne Niio raoriȣasonha, neok nonkȣe akoriȣasonha.

Matthew 11:6

Iakotaska ne iah tenhiontateriȣaientatennire nii akeriȣake.

Matthew 5:22

Nok nii, katon, enhostonte nonka kiok ok tenhorihose enhonakȣase ne teiatennontere; nok tokat enhaȣenhase: iah tesanikonra, enhonȣariȣente tsi katsienhaien; nok nenhaȣenhase; tesanonȣaraȣenrie, roreȣatatseraien nʼonesson ahonȣaiatonti.

Matthew 17:27

Nekiok oni ne tosa aiethiriȣaientaten, ȣas kaniatarake niiahase, nok iasarionti, neh nenteȣatierente enseskoko testskaraf etho ensetsenri enskat stater, neh iasheion ne sateionkeniriȣake.

Matthew 18:8

Nene toka sasnonsa ok neʼsʼne sasita sariȣaientatenni, stoskar, nok ihnon iasatieseron: aseken senha ioianere, asastsinokatane, skati oni asenentsontatie iasataȣeiate ne Karonhiake, tsiniiot ne tetsiaron tasasitontake oni tasenenstsontonke nok otsirake iaiesaiatonti.