Matthew 5:19 - Ohiatonhseratokénti

¹⁹ Onka kiok, enskat oni ahariȣaiesate tsinikon ȣakȣarori, ethoʼkʼ oni nahaiere tsi asakorihonnien nonkȣeokon, neh raonhaa nenthosennaska nʼonen ienraȣe ne karonhiake; nok tanon nenthoriȣaieriton tsi ensakorionnienni enhasennanoronne ne karonhiake.

Neh Nase Tsi Shokȣatakȣen 1880 (4 Gospels by Joseph Onasakenrat)

¹⁹ Onka kiok, enskat oni ahariȣaiesate tsinikon ȣakȣarori, ethoʼkʼ oni nahaiere tsi asakorihonnien nonkȣeokon, neh raonhaa nenthosennaska nʼonen ienraȣe ne karonhiake; nok tanon nenthoriȣaieriton tsi ensakorionnienni enhasennanoronne ne karonhia-ke.

Matthew 5:19 Referans Kwoze

Deuteronomy 12:32

“Akwé꞉kon thóh naʼsewáier tsi nakwahró꞉ri; tó꞉sa othé꞉nen iaʼsewáiest tó꞉sa ó꞉ni thé꞉nen tasewatókʼtat.

Matthew 28:20

Ietsirihonnien naieriȣanoronkȣake, aionteȣeienton oni tsinikon Kȣarihonte, nok tiotkon enteȣakȣekonhatie tsiniiore ienȣatonȣentsiokton. Amen!

Matthew 11:11

Oriȣiio tsi kȣarori, tsi iah sekon noiah tehonakeraton neh senha hahaiatanoronke tsiniiot ne Saȣatis; nok sane neh nakȣa nitraha ne Karonhiake sekon neneh senha ieshaiatanoron,

Psalms 119:6

Eʼthóhʼne káti kwáh iáh tahonkatéhate, tsoríhwa tsi thóh nón꞉we natewakʼkarotáhon akwé꞉kon tsi nisatsiawenhráhton.

Titus 3:8

Ne kíʼ ne kwá tóske íken natʼrhoriátshera. Tewahkathonwentióni kwáh ákta tsi aisewahtennikonráren kíʼ nahorihoténsons, nekáti tsi nihiákon ne thonwethákwen ne Rawenni꞉io né꞉ne ahonnonthonʼniónheke nahatinakʼthóten nahotihioténseke ne kahiotenserí꞉ios, ne kíʼ ioiánere ó꞉ni onhkwetaʼkwékon enhiakoianerásten.

Daniel 12:3

Tánon tsi nihá꞉ti ne ronteʼnikonhrattókhas tenhotiswátheʼne tsi ní꞉ioht ne tsi karonhiá꞉te, tánon tsi nihá꞉ti ne shakotirihonnién꞉ni ne onkwehshón꞉ʼa ne tkarihwaié꞉ri, kwáh tsi nén꞉we tenhotihswátheke tsi ní꞉ioht ne tsi iotsistohkwarónnion.”

Psalms 119:128

Tánon káti ít꞉sere akwékon ne saianerénhseras. Ít꞉sons akwékon ne wahétkens nihiotánions.

Revelation 2:20

Ók ne kí꞉ken wátienh nakonriwá꞉kwahse: sateʼnikonriióston né꞉tho ión꞉kwe Jezebel, naónha ne wathatenatónhkwa iotokénhse tánon iakorihónhnien ó꞉ni naiakothahará꞉kwahte nakenatsherahó꞉kons ne ahonteriwathéntiaʼte kanakwaiesáhtshera tánon ne ahonhné꞉ke ne kákhwa konwahnateskontáni kaiatonhnishón꞉as.

Romans 6:15

Nahóten, káti ónen? Ahitewariwaneráke kén, tsioríhwa tsi iáh kaianerénsera thehionkwaiatóron, nók Rawenni꞉io rahoténrat ionkwaiatóron? Iáh neh thekéntons!

Deuteronomy 27:26

“‘Rawenni꞉io shakorewátha nónhka ne iáh orihwakwé꞉kon tehiontewenhnaráhkwa ne Rawenni꞉io raoianerénhseras ó꞉ni ne rahorihonhnienʼní꞉tsheras.’ “Tánon onkweʼtakwé꞉kon teieriwaʼserá꞉ko, ‘É꞉tho niʼiá:wen!’

1 Timothy 6:11

Onk kíʼ níse, Rawenni꞉io rahonkwéta, satsiatatískwak akwékon kíʼ nahorihoténsons. Sewaskènha ne karihwakwarihshióntsera, karihwiʼióston, tewetákwen, kanoronkwátsera, taiewisátstheke, tánon weriasí꞉io.

Romans 6:1

Nahóten káti aihtewénron, khére káti kén? Tehiothonwentióʼon iaihtewatasónteren kariwanerahaktserákon nón naihtsiónʼnheke ehnahontáwe ahontehiáron ne Rawenni꞉io rahoténrat?

1 Tiér 5:4

Tánon nónen enhathotáshon ne Ohénton írate ne Sakonón꞉ne kentiókwa, enshèna ne ioriwanerákwat oronhónkwa neh꞉ne iáh nonwénton tahióti naoswatʼthétsera.

Luke 11:42

Seȣententasere ise Pharisian! Akȣa nehne ieseȣakariaks tsi seȣaienthokȣas, oni tsi tekanatokenhaton nok oni nohontessonha; nok seȣentorha ne taeseȣasniene ne Niio raoriȣasonha nese tanon aonteseȣatierenton nok ethone ne kenh kaien.

Matthew 19:28

Tontahenron ne Iesos: oriȣiio tsi kȣarori, ise kehiken ne takȣanonteraties tsinonȣe nase tsiontons, nekati nʼonen onkȣe Roienha raonistskȣarane oni raoiatanerakȣatserakon enhenstskȣarake etho oni nise enseȣenstskȣaronnionke seȣanistskȣaratseratson tenhietsiiatoretake ne tekeni iaȣenre nihotitarake nʼIsraerronon.

1 Samuel 2:30

Ne kiʼ aoríhwa ne Roiá꞉ner ne Sakoní꞉io Israerʼró꞉nons rorihowanáton: ‘Í꞉i wakará꞉ratsʼte nétho sawá꞉tsire tánon ne raotiwá꞉tsires ne seshotʼtonkonkénhen ienhontawehiá꞉thaʼke ó꞉ni thenthatiʼiakénhseʼke nakʼkhénton ne tsi nénhwe enkénhake’; ók nón꞉wa ne Roiá꞉ner waharihówahnate: ‘Ahí꞉non ít꞉ken tsi nó꞉kwah ní꞉i; asèken tsi niʼiá꞉kon nenhiontʼkwéniensʼte kwáh kiʼ ní꞉i enkekwéniensʼte, tánon tsi niʼiá꞉kon nenhiontʼkénron kwáh kiʼ thóh nenhotiʼiátawenh nahotiʼnontá꞉nake.

Romans 3:8

Nontiéren tsi iáh taihtewénron, ethókiʼ, “Ánion wahét꞉ken tsi nitewátier tòhka nónwa neh éntewe ne iohiánere” ótiake nónkwe, kwáh thokén꞉en, ionkenikonrakaréwaton tsi ionkeriwáros tsi neh kíʼ ne kwáh neh wáken! Kwáh enhonwathiréwate, tsi natehonaténtion.

Acts 1:1

Tekanóhron Theophilus: Ne tiotʼthiathonseraʼtserénton nakhiatónsera neh wakʼkhiáton noriwakwékon tsi nihoʼieránion ne Ié꞉sos ó꞉ni tsi nisahkorihonʼnién꞉ni neh kwáh sonʼtahathásawen ne rahohioténsera

Luke 9:48

Ethone tasakaȣenhase: Onkakiok tenhonȣarhoton kehiken raksaha, iiki tenhakarhoton; nok oni onka tenhionkarhoton tenhonȣarhoton ki ne takatennieton; aseken neh nakȣa kenh nitraha tsinitsion, neh enkaiatanoronke.

Luke 1:15

Aseken henhaiatanoronke rahohenton ne Roianer, nok iah thahanekirhake notsitsia iah oni nʼiako-nonȣaratonta; nok tsi enthatiatata ne ronistenha Kaiatakon entnikȣekhene ne Rotkon Roiatatokenti,

Matthew 20:26

Tosa kati nise eh naseȣaier: ok eken aeseȣatatennhatseronnien nonka enrerheke aionkkoȣanen.

1 Sawátis 3:4

Ónhkaki ók enieriwánerake iakonhitseráien tsi watieiáke ne Rawenni꞉io rahoianerénsera, Asèken ne kariwáneren ne tekáias ne kaianerénsera.