Matthew 5:12 - Ohiatonhseratokénti

¹² Seȣatsennonni oni seȣatonnharen, aseken koȣanen enseȣatsennonniate ne karonhiake: aseken etho nihonȣatiierase ne thonatierenton Thotitokensehakȣe.

Neh Nase Tsi Shokȣatakȣen 1880 (4 Gospels by Joseph Onasakenrat)

¹² Seȣatsennonni oni soȣatonnharen, aseken koȣanen onseȣatsennonniate ne karonhiake: aseken etho nihonȣatiierase ne thonatierenton Thotitokensehakȣe.

Matthew 5:12 Referans Kwoze

Luke 6:23

Seȣatonnharonnion neh nonȣe niȣenniseratenion oni seȣatonȣessonnion: Aseken koȣanen tenseȣateriȣa serakȣase Karonhiake; ehse oni nehne nisakotiiera sehakȣe ne Sakotinihokonkenha ne Rotitokenseakȣe.

Ne꞉ne Sák Rohiaton 1:2

Tewatenrosónhas, neh sewanonthonniónhek tsi nisewateraswí꞉io nónen neh kwáh tsit nahoténsons tensewaʼiathónko naientʼtsihiatheniénten,

Colossians 3:24

Sewehiá꞉rak tsi Roiá꞉ner then tsi sewahriwaserá꞉kwase tsi nisakorahratstén꞉ni ne rahonkweʼtashón꞉a. Asè꞉ken Kerístos ne kwáh rahiatakweʼní꞉io neh tsioténse.

1 Tiér 4:13

Kek sahtsennonníhak tsi kwáh thóʼwa thóh ní꞉ioht tsi aisaronhiaken꞉énhake tsi nihoronhiakén꞉en ne Kerístos, nekáti nahiontónʼon kwáh asiatanánonke natʼtsenonniátsera nónen enwenéstonke ne rahohiatanerakwátsera.

Colossians 1:24

Onk ó꞉nen sewahkatʼtsennón꞉ni neh tsi nikwaroniá꞉kense, Asè꞉ken ne kéntons tsi niwakeroniáken ne tierónhke kastsnié꞉nons tsi nahóten sehkon iotaténron ne iakáshon tsi nihoronhiakén꞉on tsi nokwáh ne Kerístos raierónke, né꞉ne ononsatokénti.

Romans 5:3

Kwáh ísiʼnon, tsi nihʼionkwatonʼnáhe꞉re non kwaronhiakenserákon, tiehionkwateriéntare ne karonhiakénsera tekawisʼsátste.

Ruth 2:12

Aiá꞉wens ne Roiá꞉ner tahiariʼwaserakwáhse tsi nisatié꞉ren. Aiá꞉wens káti ó꞉ni kwáh otokén꞉en tahiariʼwaserakwáhse ne Roiá꞉ner Rawenni꞉io ne Israel tsi kén꞉en nontáhse nahiaiaʼtanónhstate!”

Psalms 58:11

Nonkweshón꞉has enhiaiéron, “Oriwiʼiohónwe tsi teshonateriwasehrakwénhnis ne tionkwetaiéris; oriwiʼiohónwe tsi káien ne Rawenni꞉io tsi rahónha rarihwénhtha ne tsi ionwenhtsáte.”

Isaiah 3:10

Ietsiró꞉ri ne iakoiáneren tsi enhotiʼianerásten, asèken ne enhónhneke tsi nahó꞉ten rotiʼioténhen.

Proverbs 11:18

Nónhka ne iáh tetiakorihwaié꞉ri iáh oʼthé꞉nen kwáh thaʼtaiontèn꞉tsha. Nok tókaʼ tho nénhshiere tsi nahò꞉ten tkariwaié꞉ri kwáh ki iorihwí꞉io tsi tensaterihwaʼserákwahse.

2 Chronicles 36:16

Ók kaierónhsera waʼhonwenhnónhni ne Rawenni꞉io raonhkweʼtaʼshón꞉a ne ratirihwakarénies, ronatharón꞉tion ne raowenhnahókon tánon sakotisterís꞉tha ne raonhkweʼtaʼshón꞉a rotitokenséhakwe, tsi nió꞉re nonàken ne Roiá꞉ner iáh tieshokwénion ne ahonsahothatiénenhke washakonákwahse ne raonhkweʼtaʼshón꞉a thóh nió꞉re tsi tehiotenonhnianíton iáh kanèka tsiahónhne nahatiniákenʼne.

Matthew 16:27

Aseken nʼOnkȣe Roienha tentre Roniha raoiatanerakȣatsera enthoiatanerakȣatakȣenhatie, oni ne raoronhiakeronon okon, ethone Skastson tsi ensakoieritse tsini iakoiotenseroten.

Hebrews 11:6

Kwáh iáh ónhka taiekwéni nahontahonwahnikonrahiérithe ne Rawenni꞉io tokà꞉iah tekáien ne tewetákwenh, asèken ónhka Rawenní꞉ioʼke nienhén꞉ien ónenk tsi enhiakoiéntake ne tewehtákwenh ne Rawenni꞉io tsi rónnhe ó꞉ni teshakorihwahserahkwénhnis nónka ronhiaiathí꞉shaks.

1 Thessalonians 2:15

Ónhka ronwahnonwahriákon ne Roiá꞉ner Ié꞉sos tánon ne rotitokenséhakwe, tánon wahonkhironiákente. Tóh nihonwahnikonrakʼsátha ne Rawenni꞉io! Kwáh onhkwetaʼkwékon tsi sakonateniakatstʼsténnis!

Philippians 2:17

Tsi thisetákwen tsi nòkwa ne Roiá꞉ner tanon tsi ní꞉ioht tsi teseriwhaʼiérits ne teskaieróntare tsi ní꞉ioht nasatsienkwarónniate ne rahohénton. Tánon nakenekwénsa tòka nónwa ónen tsi neskátne entewahʼwéronke ne iontsienkwaronʼniathákwa. Tóhka káthiʼki ehʼneniáwen꞉ne, Enkatsennónʼni ó꞉ni skátne entewathonʼnáren.

1 Kings 18:13

Iáh kén tesarihwáronhke nètho nó꞉nen ne Jezebel shiʼhiakononhwarhiakónhnionsʼkwe ne rothitokenhséhakwe ne Roiá꞉ner rahonkwetashón꞉ʼas kènhne énska tewenhniáwe niháti tsi iosthenrakarónhtons nónhwe nikhehiathasethánion, tehothitsiókwahkes wískʼson-niwásen niháti ne shothitsókwahs, tánon thaʼkhehiatkáwaʼse ne ká꞉khwa ó꞉ni noné꞉kanos?

2 Corinthians 4:17

Kí꞉ken niiorihwá꞉sas kwáh ionkwaweiennén꞉taʼs ne ionhnheʼón꞉we kaiaʼtaterihtshera knaʼ nenʼne akwé꞉kon nonkwaronhiakénhshera iáh thé꞉nen thaʼtaonsakaierontá꞉rake ne raoiaʼtateríhtshera.

Acts 5:41

Tsi natonsahontetʼkhaʼshiónko ne ratikweʼkónʼne ó꞉ni ne Ratitsiénhaiens, kwáh rohnatʼtsennón꞉ni, Asèken Rawení꞉io sakohiatarákwen neh tsi iatekaiéri tsi nihotikwénion nahontéʼen ne Ié꞉sos rahoriwá꞉ke.

Matthew 6:16

Nok nenseȣentontiete, tosa tenseȣatkonsastaren tsinihatiierha ne Kaianeren ronatkonȣaroron, nʼia-taonsahatiierkenhaʼsʼ akȣekon aionttok tsi ronentontieton. Oriȣiio tsi kȣarori tsi iehatiiatentatha.

1 Corinthians 3:8

Kwáh iáh thènen thahʼtetiatʼtíhen tsi nikáien ne raiéntʼthos tánon tsi nikáien ne shahkonekanóntens; Rawenni꞉io tiehiatát꞉tion tenshahkoriwahserákwahse né entiohianénhawe ne tiehiatát꞉tion tsi nihiakohiotén꞉en.

Luke 6:35

Neh kati ȣahonni iestsinonȣehak ne ietsikenronnis, ietsinoronk, ietsihni oni, nok tosa othenon saseȣarharek; koȣanen tenseȣateriȣaserakȣase, nok ethone oni enhietsinatonkȣake Niio Henekentsi sakoienhokonha; aseken rotanitenron tsinonkati ne ionkȣetaksen.

Genesis 15:1

Shontóhetsteʼ kí꞉ken nahorihoʼtén꞉shonʼs ne raowén꞉na ne Roiá꞉ner wahoiaʼtó꞉renʼne nʼAbram tsi ní꞉ioht ne wahotahsatáhrhahse tánon wahothón꞉teʼne ne Roiá꞉ner wahohró꞉ri, “Tósa sáhteronʼn, Abram, Í꞉i né satrenhohstáhkhwa í꞉ken; tsi naʼtensaterihwaʼserákwaʼse kwáh í꞉ken tsi enkowanénhake.”

Nehemiah 9:26

“Ók iáh tehontewenhnaráhkwa tánon rotinontsistahní꞉ron tsi nokwáh ní꞉se tánon í꞉se iehonátses ne sahianerénhsera thóh ratishón꞉ne tánon sakotinonwarhiaʼkhónhnion s rotitokenséhakwe né꞉ne ronónha rotirihwaní꞉raton tsi nokwáh ne ronónha ne nahónton tahonsahontkarahté꞉ni isé꞉ke niahonsahón꞉ne tánon tsi nihonahtié꞉ren kowá꞉nen rotirihwaiesá꞉ton.

Acts 16:25

Kák꞉non ne sihwasóntʼthen ne Kór tánon ne Silas ronaterénnaien ó꞉ni tehonwariwákwaʼse ne Rawenni꞉io, tánon ne ronátiakes ne rathinóton ronwanatahónsate.

Luke 13:34

Jerusalem, Jerusalem ise ne sheiaȣenttos ne Rotitokense, nok shenenhioiaks ne tiesatennietenni! toh niioriȣake ȣakatenienten nakheiataroroke ne Seienhokonha, tsinikaierha ne kitkit tsi iakoiataroroks nakoienhokonha kaneraontsokon, nok iah tesathontaton.

Jeremiah 2:30

Kwáh rewáhthon, ók iáh èh tehiorihonthákwen; iáh teskwahriwáhwi nahonshaʼkwahthakwaríshion. Tsi ní꞉ioht ne kahsehró꞉hen kénreks, wáhseh hiásehthe ne shonkwétah rothitó꞉kense.

Psalms 19:11

Ronónha ó꞉ni ne iorihonhníhon ne sanhátseras ronwatitokaténhni; nenhontiénawaste kowánen tsi tenhonaterihwasehrákwahse.

2 Chronicles 16:10

Né kí꞉ken wakakwéni ne Asa tsi nió꞉re tsi wahonákwase ne rotokenséhakwe wahaténhnahne nahonwaronhkwahsanérenhke. Étho kíʼ shiʼkaháwi ne Asa tahatáshawenh nashakoteniakatsʼtátʼtie nonhkweʼshón꞉as.

1 Kings 18:4

tánon nó꞉nen ne Jezebel sihononhwarhiákonsʼkwe ne Roiá꞉ner rahonkwéta rothokenséhaʼkwe, né Obadiah enskatewenhniáwe niháti iashakohiathénhawe, osthenrokónhsons waʼsakohiathasethánion tekenhtsókwahkes washakotsiokónhni wísks-niwásenh nihá꞉ti ne skenhtsiókwah, tánon waʼshakonónhthen ó꞉ni wasakonekánonhte.)

Jeremiah 26:8

tánon kwáh tsi niʼiostó꞉re wáksa tsi nahkatáti tsi nihakenáhon nètho Roiá꞉ner, wahontiéna tánon wathotihénreʼthe, “Ahówennhk nahieshaʼnonhwahrhiákon ne kíʼ aoriwáhke!

1 Kings 22:8

Ahab watharihwaseráko, “Shé꞉kon saiáta rothathénron, né꞉ne Micaiah né꞉ne roʼníha ne Imlah. Ók kíʼ ríhsons nenhné꞉he tsioríhwa tsi iáh nonhwénton tsehorihwáken né thènen ahioianeréhake nakerihwáke; tiotʼkonhónwe knahótenk karihwahétken í꞉ken.” “Iáh tehiówenk né꞉ne ashí꞉ron!” ne Jehoshaphat watharihwaseráko.

1 Kings 21:20

Nó꞉nen ne Ahab sahó꞉ken ne Elijah, wahénron, “Waseʼnónhteraʼne, tetiatátʼtsons?” “Hen, thóh nahá꞉wenhne,” ne Elijah wathariwaseráko. “Kwáh sateriwathokénston iehiokonhthákwen tsi thóh nishié꞉ra tsi nahó꞉ten ne iáh tetkarihwaiéri rahohénton ne Roiá꞉ner.

Hebrews 11:26

Wahanonthónnionʼwe nahonwahnikonrahkaréwahthe ne Kerístos aharihónni iawehtatʼtsáni sénha ne wéso satekéna tsi ní꞉ioht ne tsi níkon iohtsokowahtsheráien ne Egypt, asè꞉ken thóh nónwe iatehakánere tsi niahawenonhátie ne tkakariaktsheráhehre.

2 Kings 1:9

Ethòne ónen rasenhnowánen iahotóri wísk-niwásen niháti wahonteró꞉sen nahonwenhnónk꞉sa ne Elijah. Né rasenhnowánen wahó꞉ken tsi ionhniáhere rénskothe kíʼ wahawénhase, “Ní꞉io rahonkwéta, ronhnontí꞉io ratró꞉ris nahonthasanontátsnenhte.”

1 Kings 19:2

Nahónha iahoterihwaniéthase ne Elijah: “Aiáwens ne ratiní꞉ios ahiónhtienʼte nakíheʼie thóh nakaháwike nenhiórenhne tsi nónhwa nihiowistáhe né iáh thóh thaʼkonhierásere tsi né niseiérase ne rothithokenhséhakwe.”

Jeremiah 37:14

Watkeriwahsehráhko, “Iáh thóh thèhiot! Iáh theʼkhehiathewenhtheʼtonhátie.” Ók ne Irijah kwáh iáh ne ahakathahónshaʼthaʼthe. Khèkok, wahatiénha tánon iahatsiaténhaʼwe rahothihénton ne rahtiʼsenhnhowáhnenhs.

Philippians 1:29

Tánon ehtsisewahiatateríston. Iáh nék khók tohkàken tsi Kerístos thetsisewetákwen, nók sewaronhiakénhen ne rahónha raoriwáke.

Hebrews 10:34

Wahetsihiatiataráhse tsi nihotironhiá꞉ken ne rahtinóton, ó꞉ni tsi naotenshóns sewahiéntakwe wahitsí꞉kwah, tánon kwáh sewahtiennonniatsherá꞉kon tsi wesewahtakástathe, tsoríwah shewahtherièn꞉tare tsi sénha shé꞉kon iohrihowá꞉nen nahóten sewahien, né nénhne tsi nenwe enʼiohiánerehke.

Hebrews 11:33

Tewehtákwen tsi ní꞉ioht tsi wahʼhontirí꞉ioste tánon kanakerahserakwékon tsi wahontʼkwéni. Tóh nahatí꞉iere tsi nateiotonwentióʼon tánon wahatiʼiéna tsi nihorahrátston ne Rawenni꞉io. Wakonwatískweʼke ne kénreks,

Ne꞉ne Sák Rohiaton 5:10

Tewatenrosónhas, saietʼtsiʼhieʼiárah ne rothitokenséhawe tsi nihonatáthi rahosénʼnakon ne Roiá꞉ner. Ne thontaiétʼtsi iatheniéntens tsi naʼthehathiwisʼsátsʼte nónen rohthironhiáken.