Matthew 4:23 - Ohiatonhseratokénti

²³ Nok ne Iesos tehoststekafenhatieskȣe, tsini ȣatonȣentsia ne Galilé, Sakotatihaties tsi kanonsoton nʼononsatokenti, rorihotasionhaties Oriȣatokenti Karonhiakeka, nok Sesakotsientonhaties nʼiatokannrotenson, tsi ok naiakoiataȣenseke nʼonkȣeokon.

Neh Nase Tsi Shokȣatakȣen 1880 (4 Gospels by Joseph Onasakenrat)

²³ Nok ne Iesos telmststekafenhatieskȣo, tsini ȣatonȣentsia no Galilé, Sakotatihaties tsi kanonsoton nʼononsatokenti, rorihotasionhaties Oriȣatokenti Karonhiakeka, nok Sesakotsiontonhaties nʼiatokann-rotenson, tsi ok naiakoiataȣenseke nʼonkȣeokon.

Matthew 4:23 Referans Kwoze

Matthew 9:35

Nok sane ne Iesos akȣekon nontahaȣenontonhatie tsi kanataienton oni iohnatakȣenraron, Sakotatiskȣe tsi ronterennaientakȣanionkȣa, rorihoȣanatonhatieskȣe nʼOriȣase Niio raoriȣatokentitsera, sesakotsientanionskȣe oni niakohnonȣaktanionniskȣe tsi ienakerenion.

St. Mark 1:39

Nese ȣaonni akȣekon niiehataȣeiatakȣe, nok Sakotatiatakȣe tsi ronterennaientakȣa ne Kalile-ronon, nok sesakoiatinekenskȣe notkonseraksen iakohnatiennine.

Acts 10:38

Sewateriéntare tsi nókwa ne Ié꞉sos Kerístos ne Nazarethro꞉non, tánon ó꞉ni ne Rawenni꞉io tsi nihohiatanorónston nikwékon ne Ronikonrarokén꞉ti ó꞉ni ne kaʼsatsténsera. Kwák tsikʼnonwéson niehawénon, ioʼiánere tsi nihotieránion ó꞉ni akwékon sesakotsientonhátie tsi nihiákon nehne iakotsenawáston nonesonrónon rahosatsténsera, Asèken nikwekón꞉ne ne Rawenni꞉io.

Luke 7:22

Ethone ne Iesos tontasakoȣennaȣeron, ȣahenron: ȣasene satsiseniroriana ne San tsinahoten ȣetsiatkatto tsi oni nahoten ȣetsiaronke: tsiekens ne teieronȣekonne, tsiontenties ne iah tehienskȣe, tsieieȣentas ne iakoststaȣis, tsionronkas ne teionhontakȣekon tsiontonnhests ne iakaȣenheion, nok Kariȣiio iontataronkatennis ne iakotent.

Matthew 11:5

Tsiekens ne teioronȣekonne, tsiontenties ne iesinaksen, tsiontons nʼiakoststaȣis, tsionronkas ne teionhontakȣekon, Tsiontonnhests niakaȣenheion, nok iontataronkatenti oriȣatokenti ne iakotent.

Matthew 13:54

Nok nonen sonsaraȣe raonakeraserakon, sakorihonnienniskȣe tsi ronterennaientakȣa; nok tsini iakonerakȣenhatonskȣe iontonnionskȣe: kah nehneh nithoha kehiken tsinihattokha, oni ne raokȣeniat.

St. Mark 1:21

Kafarnaim iahontenatorenne; tsi ȣahorhenne iaȣentatokenton, Ononsatokentike iahataȣeiate nok ȣasakorihonnien.

Psalms 103:3

rahónha sahkenikónhrenhse akwékon nakerihwaʼnerahák꞉tsheras, rahónha sahketsiéntha akwékon ne akekhratarihné꞉tsheras,

Romans 10:15

Tánon onʼní꞉ioht tsi akarihowanáthon thòka ne ronteriwahnótha iáh tiehonwanathórion? Tsi niwáton noriwatokénti, “Kwáh ioriwanerákwat tsi tahónʼne ne ronteriwanhóthas tsi niháti thatíhas ne kariwí꞉ios!”

Luke 8:1

ETHONE are onen tonsahaststekafa tsi kanataienton oni tsi ionatakȣenraron, roteriȣanotatie oni rotrorihatie tsini kanakeraseroten ne Niio raonakerasera; nok ne tekeni iaȣenre nihati Ratikȣekonne neh ronneskȣe.

St. Mark 6:2

Nok tsi ȣahaȣentatokentane tahatasaȣen ȣasakorihonnien, ȣasakotati tsi ionterennaientakȣa; kentiokoȣanen ne iakothonte tsi rothare, iakohnerakȣaskȣe oni iontonhakȣe: kah onte nithoriȣenha tsinihariȣaienteris? Tsi oni niȣattokhatseriio tsi rattokha tsi oni niionerakȣatenion ne rahoȣeienna?

Matthew 24:14

Nehoni kehiken Oriȣatokenti Karonhiake nitioteriȣinon Onȣentsiakȣekon enkarihoȣanaton, ȣene aiakaonniaten nonkȣeokon; ethone onen enȣaȣe tsi iotokte.

Matthew 12:9

Sonsahatenti netho, tsi ronterennaientakȣa niionsare.

John 18:20

Tontahenron ne Iesos tsi tontahoȣennaȣeron: ȣakeriȣakȣarision tsini kherori nonkȣeokon; tiotkon tsi ionterennaientakȣa kherionnienni, ononsatokentike oni tsinonȣe nihontkennisahata ne Sitaeronon, nok iah teȣakatroriaton naioteriȣaseton.

Luke 13:10

Enskat oni aȣentatokentike ononsatokentike sakotatihakȣe.

Luke 9:11

Sahakotokense nonkȣeokon, ȣahonȣatisere; iahonȣatiiatastsenri, ȣasakerionnien ne Niio raoriȣasonha nok sasakotsientanion ne ionskanekskȣe naonsaionton.

Luke 5:17

Khare kati are onen tsi sakotatis, raiataktatie ratistskȣaronniontie ne Pharisien, ratiianerenseronni nehne Galile, Jude, nok oni Jerusalem nithonenonseron etho ronatahonsate, nok oni ne Niio naosastensera etho ontotasi naonsaionton ne iakohnonȣaktani.

St. Mark 6:6

Nok ronerakȣaskȣe tsini honatennoȣentastskon; etho ok kati aktatiesonha tsi ionatakȣenraron sakorihonniennihatieskȣe, oni sakotatiskȣe.

St. Mark 3:10

Aseken onen sikentiokoȣanen sisesakotsienton, ne kati ȣahonni tsiki niiakon ne iakonnrare tsi ok nakannroten ok kentitiaȣenskȣe ionskaneks neok oni ne iaiakoiatosere ne raonhake.

St. Mark 1:14

Onen sihonȣannhoton ne Saȣatis, Kalilene sonsaraȣe ne Iesos Sakorihonniennihatie ne Niio rahonakerasera.

Psalms 74:8

Né tehonatonhontsónine ne kwáh tahiontkinénhstsiaʼke; akwékon waʼhontsahathanion nahó꞉ten ne iotó꞉kenti í꞉ken ne tsi ionhontsaien.

Acts 20:25

“Ónen kwáh oriwiʼio tsi katʼtóhkas kwáh iáh ónhka tsi nítion neh tionháke nieʼwakénon ne tsi niwakerihowanáton ne Rawenni꞉io rahonakerásera. Kwáh iáh ónhka tsi nítion, iáh nonwénton sékon tahonsaskwáken.

Acts 18:4

Tehathiriwatirónthakwe nononsatokentíke kwáh niatewéntake niawentathokentíke, rahteniénthakwe ne tasakonikonrakénni ne Sitaeró꞉nons ó꞉ni ne Greeks.

John 6:59

Tsi ionterennaientakȣa nonȣe kehiken neh nihaȣen sissakorionnenni Kapernaiimke.

Luke 10:9

Nok saietsitsient ne iakohnonȣaktanionni nok iestsirori, seȣenron: Onen akta iaȣetonhatie ne Niio raonakerasera.

Luke 6:17

Ethone onen tontahonnontastsnente nok tsi ionontaientaon iatonsahatane ronȣanonteratie ne raotiokȣa raotitiokȣa, oni iotiokȣatsanit niatoionkȣetotenson. Jude-ronon, Jerusalem-ronon, oni ne kaniatarakta tiakotentionkȣen Tyr-ronon oni Sidon-ronon akȣekon neh ieniente nahonȣaȣennaronke oni naonsaionton tsi iakohnonȣaktanionni.

Matthew 14:14

Nok sontahatitako ne Iesos kaonȣakon, iotiokȣatsani Sasakoken, nok ȣahonikonkararen raotanitenraserakon, nok sasakotsentanion ne iakohnonȣaktanionni.

Matthew 13:19

Ne tsi rotaonsate ne ronkȣe ne Niio raoȣenna, nok iah tehonikonraientas, Ranikonraksen tare nok ȣahanensko tsinikon kaienthonne raȣeriane: neh ȣahi neneh roton, nohahakta ionatsiakerontaon.

Matthew 3:2

Ratonne: Saseȣatat reȣat: Aseken onen akta ihȣe ne Niio rahonakerasera.

John 7:1

GALILE ok teshastekafaskȣe ne Iesos, aseken iah tohoianerasehakȣe ne Iesos ne Judé niiaonsare, neh tsi ronȣaiatisakskȣe ne Sitaeronon nahonȣario.

Luke 20:1

Tsinikariȣes sakotatiskȣe oni sakorionniennihakȣe Ononsatokentikoȣane, eh ȣahonneȣe ne ratitsihenstakȣeniios, ratiiatons oni ratiianerenseronni.

Luke 4:14

Ethone Rotkon Ronikonratokenti ȣahonikonrata ne Iesos ne Galile niiaonsare; nok ȣahasennoȣannha neh nonȣe niȣatonȣentsiate.

Luke 6:6

Tsi are oia saiaȣentatokentane, sahataȣeiate tsi ionterennaientakȣa nok ȣasakotati, saiatat etho raiatare rosnonsakenheion tsi raȣeientetakon.

Luke 7:21

Akȣa are taiotokentane ethononȣe kentiokoȣanen sasakotsentanion niatekannrake iakohnonȣaktanitha, sasakoiatinekenȣe Onatkonseraksen, nok otiake tonsasakokakȣarisi ne teieronȣekonne.

Luke 9:60

Tontahenron ne Iesos: eh kaientak naȣenheionta neh iontatiatata nakaȣenheionta, nok ki nise ȣas serioȣanatana ne Niio raonakerasera.

Luke 16:16

Kaianerensera tanon Rotitokenseakȣe ȣatatiene tsiniiore ne San. Nok eh nahe tiotasaȣe onen karihoȣanaton ne Niio raonakerasera; akȣekon ok oni iakoskennhen niaiontaȣeiate.

Acts 28:31

Wahateriwanó꞉ten ne Rawenni꞉io rahonakerásera ó꞉ni wasakorihónnien rahonháke ne Roiá꞉ner Ié꞉sos Kerístos, tsi róhtare kwáh ronikonraníron ó꞉ni rathatewenní꞉io.