Matthew 4:10 - Ohiatonhseratokénti

¹⁰ Nok tanon tontahenron ne Iesos: ehrenset, satkonseraksen! Aseken kaiaton, tsi entsennaien ne Roianer, ia Niio, raonha ok oni hentseȣenniiostake.

Neh Nase Tsi Shokȣatakȣen 1880 (4 Gospels by Joseph Onasakenrat)

¹⁰ Nok tanon tontahenron ne Iesos: ehrenset, sat-konseraksen! Aseken kaiaton, tsi entsennaien no Roianer, ia Niio, raonha ok oni hentseȣenniiostako.

Matthew 4:10 Referans Kwoze

Deuteronomy 10:20

Skweniénstak ne Roiá꞉ner saNí꞉io tanon rahonhatsí꞉wak kók entsenhnaiénseke. Sariwatokénhak ne raonhà꞉ke tánon nensaráhratste rahoshén꞉nakon kók kénhak.

Joshua 24:14

“Káti ó꞉nen,” Joshua ionsahathasonteren, “tskwenienstat ne Roiá꞉ner tánon orihwiiohonwe ó꞉ni iorihwahtó꞉kenhak tsi tsiotens. Isehʼhiashá꞉ti ne kahiatonnishón꞉ʼas nètho sahsotʼtserahokonkenʼens rathisennaienskwe ne Mesopotamia ó꞉ni ne Egypt nónhwe, tánon rahonhatsiwa ne Roiá꞉ner tsiohtens.

Luke 4:8

Tontahenron ne Iesos: Ehren iset Satkonseraksen! Aseken kaiaton ne ȣaton: saiatat ok ne Niio Raȣenniio hentseȣenniiostake, nok raonhaa hentseniahesenhake.

1 Samuel 7:3

Eʼthóhʼne ne Samuel waʼsakawénhase kwáh tsi niaʼtekanonsákes NʼIsraerʼronónke, “Tó꞉ka thóh nionshesewenonhátie raʼhonháke ne Roiá꞉ner kwáh tisewerhiasáhaton, kwáh káti í꞉se iasewá꞉ti ne thiʼkaniʼioseráte í꞉ken ó꞉ni ne Astartes ne tsionhá꞉ke. Tesewatókenk ne sawé꞉ri raonháke ne Roiá꞉ner, tánon tsi sewaiótens rahón꞉ha khók kénhak, tánon rahón꞉ha kwáh entsetsisewaʼiatotarísi ne rontsaʼnákes ne Philistine.”

Ne꞉ne Sák Rohiaton 4:7

Éhʼtho káti, Rawenní꞉io꞉ke nòkwati iasewatatátkaf. Tóh꞉sa tatʼtsisewariwásnies ne ranesonrónon, tánon ahéren énsrete tsi nónwe nísewes.

1 Tiér 5:9

Sewariwanirónhak tsi tisewetákwen ó꞉ni tóhsaʼ thénen karíwa tsi tiónni, tioríhwa sewateriéntare nakorénson ne thoʼnetákwen nonhontsiakwékon tsi kwáh thoʼní꞉ioht tsi rohtironhiáken.

Matthew 16:23

Nok tanon ne raonha tontahatkarhateni ȣahaȣenhase ne Tier: Satkonseraksen ehren iset ne kiatakta! takeriȣanera aktenni: aseken iah ki tesanikonraientas ne Niio raoriȣasonha, neok nonkȣe akoriȣasonha.

Job Tánon ne Raoronhiakensera 2:1

Énska wenhniserá꞉teʼkwe ne ratironhiakeró꞉nons wahón꞉newe ne tahatí꞉taʼren raohénton ne Roiá꞉ner, tánon Sakoriwaros thóh nón꞉ne rahiatará꞉tse.

Job Tánon ne Raoronhiakensera 1:12

Tánon ne Roiá꞉ner wahawénhase ne Sakoriwaros, “Thóh niiáwenh kwáh tsi naoténsons ró꞉ien í꞉se shasatstenhserá꞉kon eniohnathátere, ók kwáh tó꞉sa enskaréwate ne Job.” Ethò꞉ne ne Sakoriwaros ehrensárete raohénton ne Roiá꞉ner.

1 Chronicles 21:1

Né Sakoriwaros wahateniénten nashakoritstónhnien nonkweʼshón꞉as Nisraeʼró꞉nonke, ká꞉ti wahahónhnien ne Táwit niatahorihwaʼiéntaʼse nahasenhnaróhroʼke.

Job Tánon ne Raoronhiakensera 1:6

Nón꞉wa ne thóh wenhniserá꞉teʼkwe nó꞉nen ne ratironhiakeró꞉nons tahónhne nahonthaténeste raohénton ne Roiá꞉ner tánon ne Sakoriwaros tá꞉re nonhnè꞉e washakotsatárahse.

Psalms 109:6

Rónhton, “Né tsi sewaʼhiataráko ne ionhkwetahétken nahotkónhten; tánon tsi sewaʼríhon né꞉ne tehiatátʼtions rorihwáʼroh.

Exodus 23:25

Tó꞉ka enseksénhnaien, ne Watiá꞉ner Saní꞉io, Kwáh kíʼ ne enkonhiathaterísthaʼkwe ne kákhwa ó꞉ni nonékanos tánon akwékon èhren entkáwithe ne sannratarinétsheras.

Isaiah 30:22

Eʼthòne kwáh ensitákʼsate ne kawistaráken ioterorókston ne sahiatonhnisónhas tánon ne sáwenk owistanó꞉rons iotstánions. Kwáh kí thensaréniaʼte tsi ní꞉ioht ne tehiótsions oniatarahasónhas, kwáh kí ensehiénhase, “Éʼren í꞉sewet!”

St. Mark 1:13

Kaieri niȣasontasen nikariȣes kontirio rohnariskonhonhaties, nok ronȣaiatanonstatonhaties ne rahoronhiakeronon okon, eh oni nahe ȣatenientenseronnes nʼotkon nahonikonrotako.

Luke 10:18

Tontahenron: Akȣa eh niiot tsi tehikanere ne ranesonronon tontahaiatenne Karonhiake tsiniiot nateȣanennekaraȣe.

Luke 11:18

Tokat nonȣa notkonseraksen ok raonhake tehoriȣatironte, oh kati niiot tsi enȣahteke ne raonakerasera? Seȣatonse ȣahi Beelzebul ȣakienaȣase tsi sekheiatekȣatha nonatkonseraksen.

Luke 13:16

Iah kati tetkariȣaieri naȣentatokentike aonsakonȣanerensi enskat nʼAbraham sakoienha nonen satekon iaȣenre niioserake siioneren notkonseraksen.

Luke 22:3

Ethone onen nʼOtkonseraksen ȣahonikonrata ne Sitas Iskariot ronȣanatonkȣa saiatat tsinihati ne tekeni iaȣenre Nihatikȣekon ne Iesos.

Luke 22:31

Ȣahenron oni ne Roianer: Simon! Simon! Iah tehatorissens nonessonronon renekha naiasheȣe tsiniiot nonatsia.

John 13:27

Nok nonen siiarennekȣane, onen ȣahotienhase nʼotkonseraksen: Nok ne Iesos ȣahaȣenhase: tesasterihen eh natsier tsinahoten sariȣaien.

Acts 5:3

Tiér wahoriwanóntonse, “Ananias, nontiéren tsi wahsatʼthóntate ne Ranesonrónon nahontahianiarótaroke tánon wahʼhiónʼnien naʼtianowénten ne Ronikonratokénti neh tsi ostónha wasatiénawasʼte nowístha tsi nisatʼkáriakʼse ne saienthátsera?

Acts 26:18

Tensekakwarísi ó꞉ni tonsashekaraténi tsi non natetiókaras tsi teioskwátʼte niehónne tánon shèkwa ne Raneshonrónon rahosatsténsera nók Rawenni꞉io rahosatsténsera tontashéhion, káti tsi entionkétakwe ne rahothiriwanerahákʼtsera enskanikonrén꞉en tánon enhatiʼiéna neh skátʼke ahonnéseke tsi niháti ne Rawenni꞉io sakohiatarákwen.’

1 Corinthians 5:5

ranesonrónon tsi sewahtiakwarísien kí꞉ken rónkwe onhʼnaiáwenhne ahkariwahthónʼton tsi rón꞉ne, ne nahónton ne raotónnhets ahkaniákenʼne nen tewenhniseráhteke nónen téntʼre ne Roiá꞉ner.

1 Corinthians 7:5

Tóhsa tetiatatenonhiánits tsi nahtetiátere, nek khók tóhkaʼ kén né entʼkahénthe entiateriwahserónni kénk nikariwésʼsha ahshaʼtatenakthóhtaʼse nahsaterénnaien, nók ethò꞉ne ientsitiatasónteren tsi nihiorennáʼon tsi seniniákon. Né kí꞉ken enshanónstathe ne tóhsa tahianikonrahkénni ne Ranesonrónon tioríhwa tsi iáh tsatekaiéri tsi niʼtishatateniarótaron.

2 Corinthians 2:11

Né: aorihwà꞉ke ne tóhsa ne ótkon né꞉ʼe è꞉neken ahaterihwà꞉rahkwe, ionkwaterién꞉tare wáhi tsi nihaʼnikonhrò꞉ten.

2 Corinthians 11:14

Kwáh iáh kiʼ teionehkhé꞉rent! Shé꞉kon kiʼ ne ranehsonhró꞉non enhakwé꞉ni ne raronhiaʼkehró꞉non ahatatón꞉ni ó꞉ni kaswathéhtshera akénhake.

2 Corinthians 12:7

Orihwiioʼón꞉we ó꞉nen né꞉ʼe enktharáhkwe ne iorihwanerahkwahténions wakatkáhthon. Ne aorí꞉wa shaiá꞉ta ne ranesonróhnon raonkwé꞉ta tahotó꞉ri nahakeronhiá꞉kenʼte, neh naontá꞉we tóhsa sótsi akatatonníheke.