Matthew 3:6 - Ohiatonhseratokénti

⁶ Nok akȣekon tasakonekȣahestonhatie, Jourdain Kaihonhakon, teiakotiatokeȣenhatie tsi iakoriȣaneren.

Neh Nase Tsi Shokȣatakȣen 1880 (4 Gospels by Joseph Onasakenrat)

⁶ Nok akȣekon tasakonekȣahestonhatie, Jourdain Kaihonhakon, teiakotiatokeȣenhatie tsi iakoriȣa-neren.

Matthew 3:6 Referans Kwoze

Acts 19:18

Iakotiokowánen ne tsiakawetákwen wahakokéthoʼte, onhkwétake ieriwaníratsʼkwe ó꞉ni rontʼróriskwe akwékon tsi nihonatieráhnion.

1 Sawátis 1:9

Nók tóhka entewariwanírate nonkwariwaneraháktshera rahohénton ne Rawenni꞉io, etnenháiere tsi nahóten rorahrátston tánon ne thóh nenháiere ne tkariwaiéri: ensesonkwanikónrense nonkwariwanerahákʼtsheras tánon ensesontionnakwatáko tsi nahoténsons tahionkwaterientawénreke.

Hebrews 9:10

Tsi nék khók ne kákhwah, tánon ienekiráhtha, tánon ne tekontʼthihánion tsi ní꞉ioht tsi taiontenonwehráhton ne ahonsaiontonnakanónni. Kí꞉ken né꞉ne akwékon átsthe nòkwahti nakaianerenseráhti, thóh nék khók enkarihontáko nónen ne Rawenni꞉io oianerenseráse ensakwatáko.

Matthew 3:11

Nese ok ȣahi nii naȣenke kȣanekȣahesta nakaieronnihake tsi tsiseȣatatreȣata; nok tanon nʼonaken tare neh senha rokȣeniatseroȣanen, akȣekon iah teȣakerihonte neok oni ne rahota akathaȣa: rahonha ensetsiseȣanekȣaheste Rahonikonra tokentiserakon oni otsirake.

Hebrews 6:2

né karihonniennítshera tsi nòkwah ne athenekwahesthátshera; Tiontonnakanonniáta tehiontenonwenhrathóntha. Tánon tsi tenhonwahnanisnonshahérahse; tsi tiontʼkétskwas niakawenhéion.

Colossians 2:12

Asè꞉ken ne sahsatenekwahéste, Kerístos skátke wahetsihiatátha, tánon natenekwaheʼthátsera kwáh ó꞉ni skátke ne Kerístos tsi saiesahkétsko neh tsi nitisetáhkwen tsi niiohiò꞉te ne Rawenni꞉io raosatsténhsera.

1 Corinthians 10:2

Tsi iotsikerahrónnions ó꞉ni kaniatarahkekówah nónwe nahontenekwáhesthe ne tsi Mahís ronnwahnonteráhtiesʼkwe.

Acts 22:16

Tánon kíʼ ónen, nontsiéren tsi sénha asateráhrathe? Téstann tánon satenekwáheste tánon sahsenó꞉hare ne sariwanerahákʼtseras tsi nienʼtsiaterennaiénhase.’

Acts 11:16

Ehʼthóne sakehiáraʼne tsi niháwen ne Ronikonratokénti: ‘Sawátis onékanos tsi rotenekwahéston, nók níse ne ensewatenekwáheste ne Ronikonratokénti.’

Acts 1:5

Ne Sawátis onékanos sakonekwahétsʼtakwe, nók tsi nióre ne thoʼkára nen wenʼniseráteʼke neh ensewatenekwahétsʼtakwe ne Rahonikonraʼtokentísera ne Ronokonriʼióston.”

Luke 3:16

Tahenron ne San; neok se nii naȣenke kȣanekȣahesta, tihaiatate ohnaken tare nehe senha rokȣeniatseroȣanen, akȣekon iah teȣakerionte neok oni nahiiennikatsenanerensi, neh Onikonratokenti nok Otsire hentsiseȣanekȣahestakȣe.

St. Mark 1:5

Akȣekon ne Judée tienakere oni ne Jerusalem-ronon ronȣaiatorenskȣe: Nok ne raónha akȣekon tasakohnekȣahestonhatie Kaihionhakon ne Jourdain

Daniel 9:4

Wakaterénnaien raonhá꞉ke ne Roiá꞉ner Akeʼní꞉io ó꞉ni waʼakwarihwahní꞉rate tsi niionkwarihwané꞉ren. Waʼkí꞉ron “Saiá꞉ner Ní꞉io, tesatenonhianíhton, tánon kwakweniénhstha. Iorihwatóken ne sahrharatstátshera, ó꞉ni ne sanonronhkwáhtshera tánon tsi niiá꞉kon ne iesanorónhkhwa ó꞉ni iesawennaráhkwa.

Ezekiel 36:25

Kwáh tenhkonhiatsʼtaróhkwahthe ne kanhekí꞉io tánon enskonhiató꞉hare tsi naʼtehiesahiatatsiónston ne sahiatonhnishónhas tánon ne oiásonhs naorihoténsonhs ne tehiesahiathatiónston.

Proverbs 28:13

Iáh nonwén꞉ton thaiesaterihwahténtiaʼse tókaʼ enhsateʼnién꞉ten ahsáhsehte tsi sarihwanéren. Sasatathré꞉waht tánon é꞉ren shá꞉wit, tho ne ó꞉nen Rawenni꞉io énthion kaiaʼtateríhtshera.

Psalms 32:5

Eʼthóhʼne káti wahkerihwahnírathe nahkerihwahneraháktsheras nisèke; iáh tewaʼkatónhniʼen tsi waʼkerihwanerenháskon; Waʼkhíron, “Kwáh kíʼ enkerihwanírate nakerihwanerahák꞉tshera rahonháke ne Roiá꞉ner,” tánon saskenikónhrenhse tsi niwakeníkon nakerihwanerahák꞉tsera. Selah

Joshua 7:19

Ne Joshua wahawénhase, “Koniénha, orihwí꞉io satró꞉ri kén꞉en rahohénton ne Roiá꞉ner, ne Sakoní꞉io Nisraerʼró꞉nonke, tánon serihwaní꞉rat. Takró꞉ri ó꞉nenh tsi nishatié꞉ren. Tó꞉sa shatheʼniénten naskerihwasénhten.”

Numbers 5:7

ónenk kíʼ tsi ensehwarihwanírate ne sewarihwanerahákʼtsheras tánon kwáh enkanáʼnonhke tsi entsiʼsewaká꞉riake, tánon ne 20 iosénhtsheroʼte, né꞉ne tsi nikáien wahitsikarónhni.

Leviticus 26:40

“Ók kíʼ tsi niensewatʼwatsírihne kwáh nènhne enhatirihwanírathe tsi rotiníkon tsi nòkwah ne rahotirihwanerahák꞉tsheras ó꞉ni thóh í꞉kare ne rahotirihwanerahák꞉tsheras ne sakotisotʼthonkonhkénʼen, ronónha nènhne ne iáh othènen karíhwa tehionhkónhni.

Leviticus 16:21

Ónenk tsi tetsáron ne ratshaná꞉ke tsi tenhotshaʼnáren ranonhtsíne ne kaiatákeras tánon enharihwaníraʼte akwékon ne karihwahétkens, karihwánerens, tánon tsi iáh tehontewenhnarákwa nonhkweshón꞉as Nisraerʼró꞉nonhke, káti thoʼnòkwah ienhá꞉ren rannonhtsíne ne kaiatákeras. Ethóhʼne kíʼ ne ónhkak enhionthatiataráko ne kaiatákeras ienhonwasárihne iahonwenhtsiátʼthenke niénhre.

1 Tiér 3:21

Neh ioieronnítston iehiótsate naʼtenekwahestátsera, tsi neh ónen tsi sanónstats. Iáh nehne tsi ahonsashenóhare tsi taisahiatationtónhake, nók neh tsi ronwarahratsʼténni ne Rawenni꞉io tsi nihiakonikonrí꞉io. Tsi saniakéntha rahonháke ne Ié꞉sos Kerístos tsi shotonnhéton,

Ne꞉ne Sák Rohiaton 5:16

Ne káti, tesewatatróri tsi nisewariwáneren tsi natesewáterhe ó꞉ni sewataterenʼnaiénhas tsi natesewáterhe, né꞉ne ahonsehsewakʼkwatáko. Ne rahoterénʼnaient ne tronkwetaiéri kwáh íken tsi kasátsʼte.

Ezra 10:1

Tsi nikarì꞉wes ne Ezra tehotiakʼthónkwe tsi roterenhnaientháhkwen nohén꞉ton Nononhsatokentihkó꞉wane, tehasenhtóskwe tánon rarihwaní꞉ratskwe ne rahorihwaneraháktseras, ronatiohkowá꞉nen Israerʼró꞉nons—ronhnónkwe, konhnónkwe, tánon ratitsahokón꞉as—rahiatákʼta wahonteró꞉roke, kwáh í꞉ken tsi rothitsitowá꞉nen tsi ní꞉ioht tsi tehonsénhthos.

Luke 1:16

Nok kentiokoȣanen nʼIsraerronon sakotiienhokonha ensesakohaharate nok entsiontatreȣate tsinonkȣatti Raotiianer oni RaoNiio.