Matthew 3:12 - Ohiatonhseratokénti

¹² Rahaȣe ne rasheȣata, akȣekon enhaseȣe ne rahonatsia, rahononsoharake ienhateȣeienton; nok ne kaȣahe otsirake nʼiah teȣasȣas ienhoti.

Neh Nase Tsi Shokȣatakȣen 1880 (4 Gospels by Joseph Onasakenrat)

¹² Rahaȣe ne rasheȣata, akȣekon enhaseȣe ne ra-honatsia, rahononsoharako ienhateȣeienton; nok ne kaȣahe otsirake nʼiah teȣasȣas ienhoti.

Matthew 3:12 Referans Kwoze

Malachi 4:1

Satkáhtho, nenhnísera tá꞉we, iotékha tsi ní꞉ioht ne iontenaʼtarontáhkhwa, nó꞉nen ratikwé꞉kon ne rontatkowanáhtha tánon ratikwé꞉kon ne karihwahétkenʼs rotiióʼtens kwáh kawá꞉ʼeh enhón꞉ton; nenhnísera ne én꞉wawe kwáh kiʼ eniakotiaʼtátsaʼahte, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs, ká꞉tiʼ kwáh iáh tshiaʼtaonsahonwanèn꞉rahse nohté꞉ra khehs nʼonhateshón꞉ʼa.

Matthew 13:30

Ioneronhatie tetsiaron tiateiaron tsiniiore ienȣatonnisa; nok tsini ieienthokȣas, enkheienhase nakennhatsera: neh niare taseȣatierent seȣako ne kanatsiaksen nok seȣenthokonnianion naontsahatonhake; akenonsoharake tanon niiaseȣahaf ne kanatsiio.

Luke 3:17

Rahaȣe ne raosheȣata, nok enhatataseȣase, nok raononsoharake ienhateȣeienton ne raonatsia; nok ne kaȣahe otsirake iah teȣasȣas ienhoti.

Jeremiah 51:2

Tehononhóntsathe entʼthónʼne nakonhwáhsehwe, tsi ioweráhre ienkáhaʼwe tsi ní꞉ioht ne káwahe. Kwáh tsík nonhwéson nónhwe nenhthónʼne niakonhwahtsiatónhti nenhwenhniseráhte tsi naʼtenhionikonhrárahke.

Isaiah 41:16

Ní꞉se kwáh kí ensheiásehwe tánon tsi iowerá꞉re ienhkáhawe, tánon ne tsi teioweratáse kwáh kí tenhiakoréniaʼte. Eʼthó꞉ne kí ní꞉se kwáh ensatonhnáren rahonhá꞉ke ne Roiá꞉ner; rahonhá꞉ke né Roiatatokénti khók í꞉ken NʼIsraerʼronónke ní꞉se kwáh kí ensará꞉sehse.

Matthew 13:41

Onkȣe Roienha enteshakotori ne Raoronhiakeronon okon, neh tenshatiiestahsi ne Kariȣaiesatatsera ne raonakeraserakon, nok oni ne iakoriȣare ne ȣahetken.

Psalms 1:4

Ók ne rotirihwáneren iáh né èhʼthoh tèhiot, né꞉ne teshontiéren tsi ní꞉ioht nahiónsehwe tsi iahó꞉te ieká꞉has.

Jeremiah 7:20

Ne káti, Í꞉i, ne Wakenonhtí꞉io Watiá꞉ner, kwáh entʼkáweron nahkenahkwatsherowahnhátshera ne kénʼen Ononhsatokentiʼkówaʼne. Kwáh enthekhehiawerónhase nonhkweshón꞉a tánon kwáh sahtenhiothónhake ne konhtiʼtshénenhs, iekaníhare ó꞉ni ne tsi iorontó꞉tons tánon ne kaienthóhtsheras. Nakenahkwátshera thóh nenhióthon tsi ní꞉ioht nótsire iáh ónhka tahkakwéni nahónswahthe.

John 15:2

Akȣekon rannhatiaks tsinikon ne iah teȣaianiiontha nakonhake, sakoratensta tsinikon ne ȣaianiiontta, naiaȣens kenha senha eso aonhianiionten.

Jeremiah 15:7

Kwáh tsi niatekanáhthake ne tsi ionwenhtsáte iakwahʼhiatónti ne tsi iahó꞉the tsi ní꞉ioht ne kawáhe. Wakwáhthonte, akonhkwetashón꞉a, Wakhenonhwahrhiakon ne ietʼtsihienokónha tioríhwa tsi iáh thatesehwatáhon tsi nikariwáksen tsi nisehwahwehiennótens.

Jeremiah 17:27

Ók ónenk tsi enhionkewénhnarahkwe tánon enhatikwéniensʼte ne tsatákhaton nónhta ne tsi iawenhthatokénti. Kwáh iáh tehiówenhk ne thènenh ahathikaréni ne iorhiénatsthe ne tahonnhóhetsthe tsi iotenhenrahkáronthe ne Jerusalem né nenhwenhniseráhteke, asèken tó꞉ka éhtho nenhatíhiere, kwáh enkahté꞉kaʼthe ne tsi iotenhenrénton ne Jerusalem. Enwahtenonhkwentsahatónhake tsi rotinonhsóhtons ne rontinonhtí꞉ios ne Jerusalem, tánon kwáh iáh ónhka thahiekwéni nahiónswahthe.”

Isaiah 30:24

tánon ne teonákares tionónskwahron tánon ne tewahóntes ne ratiʼtarakarát꞉thos kwáh kí né enhónhneke ne iaʼwenhnekerát꞉then, né꞉ne waʼséhwenh ne rahkareniátha tánon tehionató꞉ken wáts꞉ton.

Isaiah 17:13

Ne iakahontsaʼkerónons iakoronkwénstatre kwáh né꞉ne wé꞉so watnekíne, ók kí ensakoʼtewenhnaiéntonhwe, tánon kwáh enhontèko nahí꞉non nónwe nienhónhne, ensakósehre tsi ní꞉ioht ne kaʼwàhe ne tsi iononhtarónhnions nohénton takáwerakwe tánon tsi niʼhioienkwáhrote nohénton thenkaweraʼtáse.

Isaiah 5:24

Né꞉se wahónhni, kwáh tsi ní꞉ioht nótsire tsi watʼtsahátha ne kawá꞉he, tánon ne iohontátʼthen tsi ehʼtàke niewétha ne tsi iotónhkote, káti ne raotithé꞉ra enhiótʼken, tánon ne raotiʼtsítsas thenkáthen tsi ní꞉ioht nokénhra; asèken rohtiʼkenhrataníhon ne raoʼrihonhnienhnítshera ne Sakoiá꞉ner ne ronterí꞉ios ratironhiakeró꞉nons. Ó꞉ni rotikenronhnihon ne raowenhnaokons ne Roiatató꞉kenti Saiá꞉ta ne Israerʼronónke.

Isaiah 1:31

Tánon ne rahshátste rónkwe thóh nenhotiʼiátahwenh tsi ní꞉ioht ne ioientá꞉ten tsi niiostó꞉re ióteks, tánon ne rahohioténhsera tsi ne ní꞉ioht ne watʼtsirahtón꞉kwas; ronónha tánon ne raotiʼiothénseras skát꞉ne tsi enhontsatátʼtsa, tánon iáh ónhka tahiekwéni nahonsaionswáhthe.

Psalms 35:5

Ánion thóh nihatiʼhiathothénhak tsi ní꞉ioht ne kahwáeh nó꞉nen iahó꞉te né ieká꞉has, né꞉ne Roiá꞉ner raoronhiakeró꞉non sakotorihátsie!

Job Tánon ne Raoronhiakensera 21:18

Asè꞉ken ne ronónha thóh nahiotón꞉hake tsi ní꞉ioht ne kawá꞉he ne tsi iówerare, tánon tsi ní꞉ioht nosehwaséhri tsi iahó꞉te iaʼkáhawe.

Matthew 13:43

Ethone onen ne tiakoriȣaieriton tenhionteronronten tsi niiot ne Karakȣa, raonakeraserakon ne Konȣaniha, onka tehahontakarontakȣen naharonkate, raronk.

Amos 9:9

Asè꞉ken, kwáh enkathénhnane, tánon nahonwanáwake nonkweshón꞉as Nisraeró꞉nonke iatahonwatí꞉ieste nohontsakwé꞉kon tsi ní꞉ioht nónhkak iakahowákon ne ionsewátha, ók iáh kí ne skanénha ohontsá꞉ke tsekaiéntas.

Hosea 13:3

Eʼthó káti kwáh thóh nenhatihiató꞉theken tsi ní꞉ioht noronhnekéha iahonhawí꞉non khés kwáh né꞉ne iohawéien ne iostó꞉re teskahawehiákwah, tsi ní꞉ioht ne kawá꞉he kwáh skenénha kátses noskwenhkarà꞉ke ne tsi iethetáhkwa khés ne tsioienkwahró꞉te tsi tekatsiserá꞉ton.

Jeremiah 4:11

Táhwe tsi nienkáhewe nónenh nonhkweshón꞉a ne Jerusalem enhonwahthiró꞉ri tsi nihiowehrahtsánit tahkahwerenháwi ne kahenthakehkówah nonhtahiaweʼnonhátse ne tahothihiathónko. Kwáh iáh kenkthakáweraske né nék khók ne osehwáhsehri hiahióti—

Isaiah 66:24

Tánon kwáh ienhatiʼiákenhne tánon enhotkátho né ronenhehiónkwen raotiʼieronhtashónhas né nonkweshón꞉has né iáh tehionkewenhnará꞉kwen; asèken né raotiʼtsinonwanhétas kwáh iáh tahkonhníheie, né raotiʼtsíres kwáh iah tahonswát꞉tonhke, tánon kwáh tsi niaʼtehionkwétake tsi enhonwatíswenh.

Isaiah 27:4

Iah tewakenakwens; Tó꞉ka ne entewakon nohiktas tánon nhó꞉nionhwaras, kwáh thóh nienhenke nahiatsaterí꞉io. Kwáh kí enkatsahá꞉thakwe.

Matthew 13:42

Nok tsi tkanonkȣaien nʼonesson iensakotiiatonti, etho nonȣe natenhionsenthoseke oni tenhionnokaraniehonheke.

Luke 3:16

Tahenron ne San; neok se nii naȣenke kȣanekȣahesta, tihaiatate ohnaken tare nehe senha rokȣeniatseroȣanen, akȣekon iah teȣakerionte neok oni nahiiennikatsenanerensi, neh Onikonratokenti nok Otsire hentsiseȣanekȣahestakȣe.

Isaiah 28:28

Nonátsia tekanatsiaʼríton ne rontenatahrón꞉niaʼtha, ók iáh ónka tehathétha ne tsió꞉konte iahokontákwen; tionkwéta ne rohonwíseres ne iokahkwentónhtons kásehre tsi kanatsiaʼkérons, ók iáh kíʼ thatehanahʼtsarí꞉tha.