Matthew 26:24 - Ohiatonhseratokénti

²⁴ Kenh kaien nʼOnkȣe Roienha satentionhe tsikiniiot tsi kaiaton ne raonha raiatatake; nok tanon rotentasere ne ronkȣe nʼenhotenninon nʼOnkȣe Roienha! Senha aioianerenhon ne tosa nonȣenton ahonakeraton netho ronkȣe.

Neh Nase Tsi Shokȣatakȣen 1880 (4 Gospels by Joseph Onasakenrat)

²⁴ Kenh kaien nʼOnkȣe Roienha satentionhe tsikiniiot tsi kaiaton ne raonha niiatatake; nok-tanon rotentasere ne ronkȣe nʼenholenninon nʼOnkȣe Roienha! Senha aioianerenhon ne tosa nonȣenton ahona-keraton netho ronkȣe.

Matthew 26:24 Referans Kwoze

Luke 24:46

Oni ȣahenron: etho niiot tsi kaiaton; eh oni nateiotonȣentsiohonne neh enharonhiaken ne Keristos, nok nasen-aton nonta tahontahatkestsko ne kenheiatne.

Matthew 18:7

Iakotontestennire nonkȣeokon ne kariȣaientatennisera; etho neneh tsi tenhiontateriȣaieniatenniheke; nok ki rotentasere ne ronkȣe nensakoriȣaientaten.

1 Corinthians 15:3

Wahtiohétsthen tsi nahóten wahtienáhon, ne nahonháʼa tsorihowáhnen: nètho Kerístos tsi rahwenhéion né iorihónni nonkwahriwanerahákʼtshera, tsi nikahiáton Noriwatokentíke;

John 17:12

Tsinikariȣes iakȣakȣekonhatieskȣe nonkȣene, sasennakon kheiatanonstatonhatieskȣe; kheiatanonstaton ne takonkȣetaȣi; iah oni nenskat tehaȣenheion, neok ne kaiatatonsera roienha neh naontaȣe akaierine tsinikaiaton.

Luke 22:22

Akȣa ki ok iatekakonte tsi satentionhe nonkȣe Roienha tsini kariȣataton; nok ki tanon rotentasere onka ne ronkȣe enhotenninon.

St. Mark 14:21

Oriȣiio onkeken tsi satentionhe nonkȣe Roienha, tsi ki niiot tsi kaiaton neraonha raiatatake; nok ki tanon rotentasere netho ronkȣe nenhotenninon nonkȣe Roienha; senha aioianerenhon ne tosa nonȣenton ahonakeraton.

Matthew 26:54

Oh kati tanon naiaȣenne naiotiȣennaierite tsini kaiatonnion kenton ehse nenhiaȣenne?

Daniel 9:26

Ne nó꞉nen ienwatókten enhonwário ne Rawenni꞉io raonkwé꞉ta ne kwáh iáh thé꞉nen thahonhí꞉kon. Ne kanatowá꞉nen ó꞉ni ne ionterennaientáhkhwa tenkaríhton ne tsi enhshakonenhrénhten tsi niká꞉ien ne Rawenni꞉io roiatarákwen nákte non nithawé꞉non ne kwáh roʼshatstenhserowá꞉nen rakó꞉ra. Ne tsi ienwatókten eʼtho neniá꞉wenʼne tsi ní꞉ioht nawenhnó꞉ton, tsi enwaterí꞉ioke ó꞉ni ne karihwaiesátshera tsi eʼtho ní꞉ioht tsi rokwatákwen ne Rawenni꞉io.

St. Mark 9:12

Tontasako-ȣennaȣeron nok ȣahenron: etho neneh, Elie rahentene oriȣakȣekon enshakȣatako; nok kenh kaien tsini kaiaton nonkȣe Roienha raiatatake iatekakonte tsi eso enharonhiaken, nok enhonȣakenron.

Matthew 26:56

Akȣa ki tanon neok ne tahotiȣennaierite tsi nahaȣenseron, tsi nihotiiaton ne Rotitokensehakȣe Ethone neraotiokȣa ȣahonȣateȣentete nok ȣahonteko.

Zechariah 12:10

“Kwáh enkenáhʼne tsi nithotwatsirí꞉nonh ne Táwit ó꞉ni ne ronahtiakhésons ne Jerusalem nón꞉we né꞉ne kenténrat ó꞉ni aterén꞉naient. Enhonwakenhénhion tsi niká꞉ien ne ronwaháson tsi rawenhé꞉ion, kwáh enhothinikonratsénhsehke ne rahonhà꞉ke tsi ní꞉ioht tsi enhiakonikonrátsen ne enskakʼkok iakowí꞉raien nenhiahié꞉heie. Kwáh kátsi towá꞉nenh tsi tenhonsénhtho, kwáh tsi ní꞉ioht nahiakothónse nénhskak khók iakonekenterontsherá꞉ien.

Psalms 55:23

Ók í꞉se, Ó Sewenní꞉io, iensehiáthente tsi nón꞉we ne kwáh tioshón꞉wes; né sakonaséhtha tánon natiokenthashónhas kénk nentontíhionke enhonnhíheie. Ók kwáh kíʼ shonháke nón꞉we nenhtewakethakwénhake.

Psalms 55:15

Aiáwenhs ne iónkʼshons ahonhníheie nohénton iahotihiátiwe; aiáwenhs tsiahonónhneke tsi iahónsnenhte ne tsi tsohontsáien ne kenhéion! Asèken ne karihwahét꞉ken tsi rotinonsóhtons kénteron tánon ne raoneriáne.

Acts 28:23

Sók kíʼ wahonwenniserahrákwase ne Kór, tánon iakotsokowánen táien neh siwenniseráte tsi nónwe nihotawehiáthonne ne Kór. Oronkéne tsi nióre nokarasnéha wahsakonikonraientáten ne rahoteriwanothátsera ne Rawenni꞉io rahonakerásera, tánon wahateniénten niasakonikonrénhawe tsi nòkwa ne Ié꞉sos tsi nahatárakwe ne Mahís raoianerénsera tánon tsi nihothihiatónnions ne roʼnatiatatkonʼkwe.

Acts 4:28

Tsi wahonteróhroʼke neh꞉ne kwáh oriwakwékon thóh nahatíʼiere tsi nòkwa ne sahsatsténsera ó꞉ni tisanonwéʼon tsi ónenk iatesariwaiéntaʼse tsi thóh neniáwenʼne.

Acts 2:23

Tsi niʼtióseron tsi nihotenikonríson ne Rawenni꞉io ónenk siatehoriwaiéntaʼse tsi Ié꞉sos seh entsisewatiakwaríshaʼse; tánon waʼtsisewanonwariákon neh tsi wahetsiríhon ne rothiriwáneren tahonwaientennáren.

John 19:28

Ethone kati onen ne Iesos tsi roterientaratsion tsi onen akȣekon ieioieriton, ȣahenron naontakaierite tsini kaiaton: ȣakeniatathens.

John 19:24

Nok ȣahonniron; tosa tanon neneh teteȣarit, teȣaȣastotsi tanon nok enhionkȣatokense onka raoȣenk enȣaton. Neh ȣaonni eh nahaȣenne neneh iakaierine tsini kaiaton, tsi ȣaton: ȣahontatiakhonhase nakaȣensonkenha, nok nakekkare ȣahatiȣastotsi neh neh. Eh kati nahatiiere ne sotar.

Zechariah 13:7

Ne Roiá꞉ner Roshatstenhserowá꞉nen rá꞉ton, “Ih꞉tie, asharehkó꞉wa, tánon iatsiatiaʼthón꞉ti thí꞉ken ranónhnhe ne rahtioténhseh! Tienonhwarhià꞉konh, tánon ne teiotinakarontón꞉a tenkonhrén꞉ni. Kwáh ienkhehiatiaʼthón꞉ti nakonhkweʼtahshón꞉ʼa

Genesis 3:15

Tanon ne entsien ní꞉se ó꞉niare tánon ne tsothonwí꞉sen ne tentsatatswensehke tánon tsi nathenhontereke ne sehiohokónha tánon nakohiohokónha; thenhianonhtsistarihte, tánon ní꞉se ientshiatiatón꞉ti tánon entshiakó꞉tarike.”

Matthew 26:31

Ethone ne Iesos ȣasakorori ȣahenron: Onȣa kenh ȣasontate enseȣatateriȣaientaten nii akeriȣake; Aseken ȣaton tsi kaiaton: enhiiente ne ranonhne, nok tenkonreni ne teiotinakarontonha.