Matthew 24:4 - Ohiatonhseratokénti

⁴ Tontaȣakoȣennaȣeron ne Iesos, ȣahenron: Seȣatatenikonrarak tosa onka aiotsinikonrakarhatho,

Neh Nase Tsi Shokȣatakȣen 1880 (4 Gospels by Joseph Onasakenrat)

⁴ Tontaȣakoȣennaȣeron ne Iesos, Sahenron: Seȣatatenikonrarak tosa onka aiotsinikonrakarhatho,

Matthew 24:4 Referans Kwoze

1 Sawátis 4:1

Tekanórons tewatenrosónhas, tóhsa tasewétak nónka íhienre iakoriwiʼióston, nók ietʼtsiʼiateniénten tóhkaʼ kén ni꞉ióʼne nón nitsawénon tsi iakoriwiʼióston. Asèken ronatiokowánen ne rohthitokentseseráksens tsík nonwéson nón nienhonenónseron.

2 Thessalonians 2:3

Kwáh tóh꞉sa ónka ietʼtsiríʼon naietʼtsinikonráhten kwák tsík nahontahiotierahtónhake. Asèhken iáh tahontenniseríhewe tsi nió꞉re nonakènkha aterihiósera iekáhewe tánon ne ranikonrákʼsen enhatohtáshion, tsi nikáien ne kwáh onéson niahotʼtakwahrishonhátie.

Jeremiah 29:8

Í꞉i, ne Watiá꞉ner, ne kheʼNí꞉io ne Israerʼró꞉nons, kwahtokaténni ne tó꞉sa sehwahthóntat naʼietʼtsinikonhráhten ne rotitokénse ne skátne sewahnáhkere tó꞉ka ó꞉ni nakorénsons ne rotró꞉ris enhathikwéni ne iahathiriwáhken tsi niaʼhawenonhátie. Kwáh tó꞉sa thènen karíhwah tsiónni ne rahonatetʼtshénsehras.

Colossians 2:8

Senikonráh꞉rat, káti, tóhsa ónhka aiesatenaskónniat tsi nitʼkáhas ne iáh té꞉nen tekariwásthas ne kanikonraton ne ónhkwe akonikonrowenhnahtsera, tsi nitsawénon tsi ronwahtirihonhnién꞉ni nonkweshón꞉a ó꞉ni tsi nikanikonró꞉tens ne tsi ionwentsá꞉te, tánon iáh Kerístos nón꞉we tetsawé꞉non.

Ephesians 5:6

Tóhsa ónka seríhon naiesanikonráten nehne áhonste ne tehiotenonwaroríthonte owenʼnasónhas; Asèken neh nikawenʼnoténsons neh enhothíraʼne ne Rawenni꞉io rahonahkwátsera tsi niháti ne iáh tehonwahwenʼnarákwa.

St. Mark 13:22

Aseken enhontiatontakȣe ne Keristos oni Rotitokense, ioriȣanerakȣatenion tsinenhatiieranion natahatiierekenha asakotinikonrakarhatto ne iakohianere.

Ephesians 4:14

Etʼthó꞉ne ónen iáh ieksáha tahonsahionkwatenathónkwen, neh ahionkwahiatenhawíson tsi ionontakwaronthónties tánon tsi níkon neh tahonsakawerakarathéni sók áreh ne iahionkwaiaténhawe neh tsi niʼietʼthirihonniénnis ne rathinikonrátha, tsi wasakothihéntense nakorénsons neh netahonterientawenrhéstakwe tsi nahoténsons rothisahánion

Luke 21:8

Nok tontahenron: seȣanikonrarak tosa iestsinikonrakarhatho: aseken ronentiokoȣanen enthonne enhionksennenhaȣi, enhontonne; ii ne Keristos, onen oni thoha iakaheȣe; tosa kati iestsiser.

Colossians 2:18

Tóhsa ónhka ieʼtsirí꞉hon naieʼtsihiatʼkónten tsi rónton thóh nathonkwetáthe tiorì꞉wah tsi kentokénston rohnatetʼtsens ó꞉ni iehotikontákwen tsi nihotinó꞉wens nahontahotiriwahié꞉rike tánon tsi nisakotishén꞉naiens ne ratironhiakeró꞉nons. Asè꞉ken iáh thé꞉nen satekéna tè꞉ken, ne niionkweʼtó꞉ten kwáh ronthonriótha tsi nihonhnonkwethó꞉ten tsi ronhnonthónnions

Jeremiah 37:9

Í꞉i, ne Watiá꞉ner, kwáh ronkahténhni né tó꞉sa ahisehwahthaʼtenikonhráhten tsi ahisehwaʼnonhtónnionʼwe nètho Babyloniaró꞉nons tsi kwáh iáh tahthahontahónne, ók kíʼ tentʼthónne.

Galatians 6:3

Tóhkaʼ ísere onkakʼkówa níse nók kwáh iáh thènen satesenatèken, kwáh íken tsi satatenikonrahténni.