Matthew 2:16 - Ohiatonhseratokénti

¹⁶ Ȣahonakȣen nʼErod sahattoke tsi ronȣanikonrhatenni ne ratisennoȣanens, ȣahatennhane ȣahontataȣentho nʼeksaokonha tsi ni Kanata, oni tsi niiaonȣentsia ne Bethlehem, tekeni teiakaoseriiakon nontontasaȣen, aseken etho niiore nitiotasaȣe tsi ronȣarorʼ ne Ratisennoȣanens.

Neh Nase Tsi Shokȣatakȣen 1880 (4 Gospels by Joseph Onasakenrat)

¹⁶ Ȣahonakȣen nʼErod sahattoke tsi ronȣanikonr-hatenni no ratisennoȣanens, ȣahatennhane Sahonta-taȣentho nʼeksaokonha tsi ni Kanata, oni tsi niiaon-ȣentsia ne Bethlehem, tekeni teiakaoseriiakon nonton-tasaȣen, aseken otho niiore nitiotasaȣe tsi ronȣarorʼ ne Ratisennoȣanens.

Matthew 2:16 Referans Kwoze

Isaiah 59:7

Né ronhshiʼtákes thóh nienkatá꞉ke tsi nó꞉kwah ne wahhét꞉ken í꞉ken, tánon teoʼtisteríhens nahonwahnéh꞉kwahte ne iáh othènon tehoníkon; né raonanontonhnióntsheras né꞉ne wanontonhniontsheráksens í꞉ken, né nahatiʼrihwéntʼtho tánon atkaronhniátshera í꞉ken ne tsi ronahatátie ne iohahowánens.

Proverbs 28:15

Nón꞉kwe ne rotí꞉ten iáh tehotí꞉ien nahontatiaʼtakéhnha tókaʼ ne raianerenhserón꞉nis iáh tetionkweʼtaié꞉ri; ne shatehonatiaʼtátteron ne kèn꞉reʼks iotonriá꞉ien tókaʼ ó꞉ni ne ohkwá꞉ri tewahkwataséhonhs.

Revelation 17:6

Tánon wák꞉ken né꞉tho iónkwe tsi ne iononwarathónton ne raotinekwénhsas ne rotiiatatokéntis ó꞉ni raotinekwénhsas ne rotiriwatokénʼne rahonhà꞉ke ne Ié꞉sos. Nó꞉nen sák꞉ken, ní꞉i teiotenonhiá꞉niton tsi onkeriwanerá꞉ko.

Hosea 10:14

Ne káti aorì꞉wa tsi niioritstá꞉re nateriióhsera kwáh kí ienhonwanatiaʼtón꞉ti ne shonkweʼtashón꞉as, tánon akwé꞉kon ne sathenhenrashón꞉as enkarihwéntʼthonke, kwáh kí tsi ní꞉ioht ne Shalman tsi sakotónhton ne Beth-arbel ne tewenhniserátekwe sahonterí꞉io ethò꞉ne ne kaʼnisténhseras sakonwatihiaʼtaratiónko skátne nakotiioʼokónha.

Daniel 3:13

Eʼthó꞉ne ne ronnontí꞉io wahotawénratshe tsi nahonà꞉kwen tánon wahatén꞉naʼne ne áhsen nihá꞉ti raohén꞉ton naontahonwatiiaʼténhawe.

Isaiah 26:21

Asèken ne Roiá꞉ner thahiákens tsi nón꞉we thénteron ne nasakoréwaʼte ne ratinákereh nonhontsàke ne raoʼtirihwaneraháktsheras entkarihónhniaʼte; nonwenhtsa kwáh enweneste nó꞉nekwenhsa nètho ionekwáhon, tánon iáh shé꞉kon tahonsahiakoróhroke ne ronhwatíʼrio.

2 Kings 8:12

“Onʼnontiéren tsi tesaséntʼthos, sénshie?” ne Hazael waharihwanónton. “Tsioríhwa tsi wakateriéntare tsi niwahét꞉kens tsi nenhseiérase nonkweshónʼas Nisraeʼró꞉nonke,” ne Elisha watharihwaseráko. “Entsirotónhnion ne watenhenró꞉tons, enseiawenhthóʼseron ne kén nithotiʼiónsas, ensenonwenhserário ne sakotihiohokónhas tsi nióre ienhonhníheʼie, tánon ensehiataratsónko ne rahonathonwisenhtseraʼsónhas ne kontíhawe nahiotiwiraiéntaʼne.”

Judges 16:10

Ne Delilah wahoró꞉ri ne Samson, “Satkátho, waskenonhwarorihtónhni tánon iáh tesetʼró꞉ri norihwí꞉io. Asatʼthóntate tatró꞉ri onh nahatí꞉iere nahatikwéni ne ónhkak ahiesánerenke.”

Genesis 49:7

Sré꞉waht ne raotinaʼkwáhtshera, aseʼkénh ioweiennatshá꞉ni, Tánon ne raotinaʼkwáhtshera, aseʼkénh kwáh í꞉ken tsi kaʼniakátsteʼ! Kwáh tenkhekháhshiaʼse ne Jacob nón꞉we, tánon tenkheiaréniaʼte NʼIsraelronón꞉ke nón꞉we.

Proverbs 28:17

Nónhka rohnhí꞉kon tókaʼ shakohséhton, tho niiohsnó꞉re tsi raʼshonhionhnia tsi nón꞉we nenhonwaiaʼtà꞉ta. Tóhsa sateʼnién꞉ten tahtstáhste.

Job Tánon ne Raoronhiakensera 12:4

Kaierónhsera natiatóthen tsi nokwáh nakaterohseraʼshón꞉as; Í꞉i, ne iehiná꞉ton ne Rawenni꞉io tánon wathakerihwaserá꞉kwahse, khonkweʼtaié꞉ri tánon iáh othé꞉non tewakení꞉kon kónkwe, ók Í꞉i ne kaierónhsera í꞉ken.

Numbers 24:10

Ne Balak wahatsiʼkwakwenónhni ne ratshanáke tsi nahonákwen tánon wahawénhase ne Balaam, “Iekhonnónhkon naseréwate ne tehiakwahtáʼtshons, ók ónenh áhsen nihioríhwake kék wasehiatatéristhe.

Numbers 22:29

Ne Balaam watharihwasehráko, “Tsioríhwa tsi waskenonhwarorihtónhti! Tó꞉ka akasarenháwake akonhnonhwariákhonke.”

Genesis 39:17

tánon kwáh tho ní꞉ioht tsi sahokaratón꞉hahse, watónnions, “Thí꞉ken Hebrew rahnhá꞉tshera, tsi niká꞉ien ne kén꞉ʼen tetshiaʼténha ne tsi tewanákere, tahataweiáhstahkwe ne nahakeʼnikonhrakaré꞉wahte;

Genesis 39:14

iaʼakó꞉nonke ne ronnón꞉kwe aohnhaʼtsheraʼó꞉konʼs tánon waʼakawènhahse, “Sewatkáhtho kí꞉ken! Teiakení꞉teron thoiaʼténha kí꞉ken Hebrew ne kén꞉ʼen kanónhskon nahshonkwaʼnikonhrakaré꞉wahte! Kén꞉ʼen tahataweiáhstahkwe ne ne skátne aiatiá꞉rate, tánon kí tsi niiorakaré꞉ni waʼtewakhén꞉rehte;

Matthew 2:1

Herod Shihonontiio, nihonakeraton ne Iesos tsi tkanataien ne Bethlehem, etho kati ȣahonneȣe Asen nihati Ratisennoȣanens tsi tkarakȣinekens nontahonne.

Matthew 2:7

Ethone onen nʼErod otasetonke ionsasakononke ne ratisennoȣanens, ȣasakoriȣanontonse: katke akȣa nonȣe nithonatkathon notsistok.

Matthew 2:17

Ehare nonȣe enskat tahoȣennokate tsinithaȣen ne Rotokonsehakȣe Jeremi:

Revelation 12:4

Ne rentáhsake wahónhewe nasénhaton nieiotsistohkwarónhnions tánon ohontsá꞉ke wahtewatesénhniete. Ethò꞉ne ne rononwahrontsétha waʼthá꞉tane ahohénton ne iónkwe tsi niká꞉ien ne ó꞉nenh thó꞉wa aiowiraién꞉taʼne, ne káti nahón꞉ton ahononwarhià꞉khon ne roiénha kwáh tsi niiostó꞉re enrehnakerá꞉te.