Matthew 19:27 - Ohiatonhseratokénti

²⁷ Ethone Tier tahatati ȣahenron: oh kati nii nenhionkȣaiataȣen ii noriȣakȣekon ionkȣateȣenteton nok kenh kȣanonteraties?

Neh Nase Tsi Shokȣatakȣen 1880 (4 Gospels by Joseph Onasakenrat)

²⁷ Ethone Tier Iahatati ȣahenron: oh kati nii nen-hionkȣaiataȣen ii noriȣakȣekon ionkȣateȣenteton nok kenh kȣanonteraities?

Matthew 19:27 Referans Kwoze

Philippians 3:8

Iáh tekáien nó꞉ia ehnaʼiohriwanerakwáthon ne ahonwaientheríhake ne Kerístos Ié꞉sos natsiánere. Kwá oriwakwékon wakatiakwaríson nohiáson nakariʼoténsons ó꞉ni ehnithekétanon tsi ní꞉ioht ne atkarokwasónhas. Kwá Kerístos khók teʼhiʼ iatonwentsióni

Luke 5:11

Nok nonen siionsahonrarho, akȣekon ok eh taontsiakȣarisi nok ȣahonȣasere.

Luke 18:28

Tier tahatati: ok kati nii nakȣekon ionkȣateȣenteton nok kȣateranentaktenni?

Luke 15:29

Tontahoȣennaȣeron ne roniha ȣahenron: onen eso ioserake shikonhiotense iah oni nonȣenton teskonhiatennikonrateȣaton, nok sane iah nonȣenton teskenaskȣaȣi arahona kaiatakeras oȣira akenhake naiakȣatonȣeshonkȣe nakatenro okon.

St. Mark 10:28

Ethone ne Tier tahatati ȣahenron: nok nii noriȣakȣekon ionkȣatennikonranentatsion nok kȣanonteraties.

St. Mark 2:14

Tsiniiohaes eh ȣahoken Levi Alphe roienha, tsi iekarotasiata eh rentskȣahere, ȣahaȣenhase; Taknonteratie. Tontahatane ne Levi nok ȣahosere.

Deuteronomy 33:9

Sénha kowá꞉nen wahonhné꞉nesthe tsi rothiriwató꞉ken ne shonhà꞉ke tsi ní꞉ioht ne ronwatihiohokón꞉as, rontatekenhokón꞉as, tó꞉ka ó꞉ni ne shakotihienhokón꞉as. Ronatewenhnaráhkwen ne sariwatà꞉tsheras Tánon rotirihwató꞉kenʼne tsi nokwáh ne saterihwaʼseronhniá꞉tshera.

Luke 14:33

Eh kati niiot tsinitsion ne iah tenseȣateȣentetane tsini seȣaien; iah ki onkȣatenro teȣatonsere.

Matthew 9:9

Sekon isiniiore niionsare ne Iesos, eh iahoken ne ronkȣe, Ȣatio ronȣaiasts, renstskȣahere are tsi rakarotasiatha, iahatati, ȣahenron: taknonteratiesek. Tontahatenstatsi nok ȣahosere.

1 Corinthians 4:7

Ónhka ietsihionniénni ne sénha ahontesewátʼtehke tsi ní꞉ioht nahkorénshon? Iáh kén Rawenni꞉io tetʼhiáwi tsi nahoténshon sháh꞉ien? Ánion, káti, onhʼní꞉ioht tsi askwéni tahshahtaterénsaron, tsi shí꞉ken ní꞉ioht nahóten sáien ne iáh taiesháh꞉wi?

1 Corinthians 1:29

Ne náh꞉ti kí꞉ken kén꞉tons iáh ónhka thaiekwéni ne taiontaterénsaron raohénton ne Rawenni꞉io.

Matthew 19:26

Ȣasakotkatho ne Iesos nok ȣahenron: ethoneneh tsinonkȣati nonkȣene iah othenon taonton; nok ki tsinonkȣati ne Niio, oriȣakȣekon thiienȣaton.

Matthew 19:28

Tontahenron ne Iesos: oriȣiio tsi kȣarori, ise kehiken ne takȣanonteraties tsinonȣe nase tsiontons, nekati nʼonen onkȣe Roienha raonistskȣarane oni raoiatanerakȣatserakon enhenstskȣarake etho oni nise enseȣenstskȣaronnionke seȣanistskȣaratseratson tenhietsiiatoretake ne tekeni iaȣenre nihotitarake nʼIsraerronon.