Matthew 18:15 - Ohiatonhseratokénti

¹⁵ Tokat tsiatatekenha enhianikonraksate, ȣas, hestsre tsiaron otasetonke, tokat enhiataonsatatse tensetsenikonratsa ki.

Neh Nase Tsi Shokȣatakȣen 1880 (4 Gospels by Joseph Onasakenrat)

¹⁵ Tokat tsiatatekenha enhianikonraksate, ȣas, hestsre tsiaron otasetonke, tokat enhiataonsatatse ten-setsenikonratsa ki.

Matthew 18:15 Referans Kwoze

Leviticus 19:17

“Tó꞉sa sehiatkonhsanósten nakorénson, ók sewarihwasehrónhni tsi naʼtesewátere, né káti ne tó꞉sa ahiʼsewarihwánerake ne ronónha ahatiʼrihónhni.

Colossians 3:13

Sewahnikonkástet tsi natesewáhtere tánon tonsasewatatenikonrenséhek tsi natesewátere nó꞉nen nónhkak té꞉nen wahontateriwakatáttshe. Ó꞉nenk tsi tentsisewahtatekirónrense kwáh tsi ní꞉ioht ne Roiá꞉ner tsi sianikonrénseh.

Galatians 6:1

Tewatenrosónhas, tóhkaʼ ónhkak naiakohiathotaréʼon tsík nahiotónhake tsi nahiakotiérenke ne wahétʼken, tsi nítion ne sewanikonróskon tehiotonwentióʼon nahonsatsisewatakwarísi; nók ónenk tsi enthisariwaiérike. Tánon sathatennikonrá꞉ren, nehne tóhsa nón níse aiesanikonrotáko.

2 Thessalonians 3:15

Nók tóhsa ietsiʼieteweienʼnaksáten tsi síken ní꞉ioht ne taisewahtatʼtiónseke; khèkhok, ietsihiaronkáten tsi tisewetákwenh níse.

Matthew 18:35

Etho oni nene nentsiseȣaierase ne Rakeniha Karonhiake thenteron, nʼiah seȣeriasakȣekon tataonseseȣatatenikonrhensere tsi nateseȣatatenikonraksata ne seȣatatekenokonha.

Psalms 141:5

Sehríhon ne rotirihwakwahríshions ahionkatewenhnaiéntonhwe; seríhon ne rotirihwató꞉ken tiontʼkerihwakwahríhshias. Tó꞉sa nonwénhton ne raonénhie ne ronhnonkwetahét꞉kens ne ahionkenontsistókaʼwe, asèken nakaterénhnaient iehiorihwakonhtákwen tsi kát꞉konte tsi nihatiweienhnák꞉sens.

Romans 12:21

Tóhsa satʼthóntat nahisasénʼni ne kariwáksen; kék, neh sehsénniont ne kariwáksen ne ioʼiánere.

1 Tiér 3:1

Kwáh ne sáka í꞉se ne sewaniákon tsisewathonwísen ónenk tsi enietʼtsiwénnaraʼkwe ne sewaniákons, ne káti tóhkaʼ ónhka tsi niháti ne iáh tethonethákwen ne Rawenni꞉io rahowénna, saweiénna kíʼ enkarihónni nahontahonnétakwe. Iáh káti tatehiotonwentióʼon ne tiowénna asíron,

1 Corinthians 8:12

Tánon thóh néntewe tsi ensehriwáhnerake tsi nòkwa ne Kerístos ne tsi wahsehriwahnerahhákten nahkorénsons ne iakoriwiʼióstons tánon tsi waskaréwahthe ne raotinikónrah ne iáh tekashastste.

Proverbs 11:30

Tkarihwaié꞉ri tiakó꞉wis natónhnhets, nok ne ateriiohseraʼón꞉we akwé꞉kon ienskáhawe.

2 Corinthians 7:12

Shontakwahiá꞉tonse, iáh né꞉ʼe tetiorì꞉wa ne ónhka aontahkhérahse, ónhka taiakoterienʼtawénrieʼon tóka ó꞉ni ne aontaiakoteráhse, né꞉ʼe aorì꞉wa iakwahiá꞉tonse ne Rawenni꞉io ahtshisewanaʼtonháhse tsi é꞉so tsi teskwariʼwahsnié꞉se.

1 Thessalonians 4:6

Kí꞉ken nahorihóten, káti, kwáh iáh ónhka tsi níh꞉tion tateiotonwentióʼon ne thóh ní꞉ioht tsi taisewahterientawénrieh tsi nòkwa ne ótiakes rotirihwiʼióstons thó꞉ka ó꞉ni ne tahontaietʼtsihianóntonse. Ónen kí꞉ken tiotserénton kwahróri, tánon kwáh íken tsi kaʼsátsthe tsi wakwahronkáten nètho Roiá꞉ner ensakoréwahte nón꞉ka ne thóh niʼieweiennóten.

Matthew 18:14

Etho kati oni neneh nithonikonroten ne Etsiseȣaniha Karonhiake thenteron, ne tosa oni enskat aieiesha nekonh niiakasa.

Matthew 18:21

Ethone Tier ȣahoteranentakten, nok ȣahenron: Saianer! toh niioriȣake enshinikonrhense nenhakonikonraksate nonkiatatekenha? tsiatak onteken niioriȣake?

Titus 3:10

Ahrhàna tékeni iewáhteratst ietʼtsihiaronkáten tsi nikáien ne tehathinenrakʼkháshions, tánon ehʼthóne kwáh tóhsa thènen saietʼtsihiatsʼtérist.