Matthew 17:23 - Ohiatonhseratokénti

²³ Nok enthontennhane aonȣario, nok tanon asenhaton nenȣata enshatonnhete, ȣahotinikonraksen ne raotiokȣa.

Neh Nase Tsi Shokȣatakȣen 1880 (4 Gospels by Joseph Onasakenrat)

²³ Nok enthontennhane aonȣario, nok tanon asen-haton nenȣata enshatonnhete, ȣahotinikonraksen ne raotiokȣa.

Matthew 17:23 Referans Kwoze

Matthew 16:21

Ethone oni onen tahatasaȣen ne Iesos ȣasakorihotasien ne raotiokȣa tsi iatekakonte Jerusalem niienhenre, nok etho nonȣe eso enthonȣaronhiakente ne Ratitsihenstakȣeniios oni ne Ratiiatons; eh oni nonȣe enthonȣario, nok asenhaton nenȣata enshatonnhete.

St. Mark 8:31

Ethone oni onen ȣasakonikonraientaten tsi iatekakonte eso enharonhiaken nʼOnkȣe Roienha, tsi enhonȣateȣentete ne ratiianerenseronni, ratitsihenstatsiokon nok oni ne ratiiatons, enhonȣario, nok ki tanon tsi ensatonnhete nasenhaton nenȣata.

Zechariah 13:7

Ne Roiá꞉ner Roshatstenhserowá꞉nen rá꞉ton, “Ih꞉tie, asharehkó꞉wa, tánon iatsiatiaʼthón꞉ti thí꞉ken ranónhnhe ne rahtioténhseh! Tienonhwarhià꞉konh, tánon ne teiotinakarontón꞉a tenkonhrén꞉ni. Kwáh ienkhehiatiaʼthón꞉ti nakonhkweʼtahshón꞉ʼa

John 16:6

Ok eken tsiniiot ne ȣeseȣanikonrario tsi ȣakȣarori neh nikarihoten.

John 2:19

Iesos tontasakoȣennaȣeron ȣahenron: saseȣanonsarisi ne kenh Ononsatokenti, nok asen nenȣata enskenonsisa.

Daniel 9:26

Ne nó꞉nen ienwatókten enhonwário ne Rawenni꞉io raonkwé꞉ta ne kwáh iáh thé꞉nen thahonhí꞉kon. Ne kanatowá꞉nen ó꞉ni ne ionterennaientáhkhwa tenkaríhton ne tsi enhshakonenhrénhten tsi niká꞉ien ne Rawenni꞉io roiatarákwen nákte non nithawé꞉non ne kwáh roʼshatstenhserowá꞉nen rakó꞉ra. Ne tsi ienwatókten eʼtho neniá꞉wenʼne tsi ní꞉ioht nawenhnó꞉ton, tsi enwaterí꞉ioke ó꞉ni ne karihwaiesátshera tsi eʼtho ní꞉ioht tsi rokwatákwen ne Rawenni꞉io.

Isaiah 53:7

Ronwahwiʼsáton tánon ronwaronhiakénton, nek kík sá꞉ka iáh thaʼtehotskwékʼshion; kwáh tsi ní꞉ioht ne tehonakaronhtónha owí꞉ra iahonwasárihne né tsi tseriós꞉tha, tánon kwáh tsi ní꞉ioht ne teiotinaʼkaronhtónhas nètho kónhnete raohénton ne sakononwé꞉riaks kwáh thatehiothó꞉te, ká꞉ti kwáh iáh tatehotskwékʼshion.

Psalms 22:15

nakeshaststénhsera iostatʼthénhen tsi ní꞉ioht ne ionawasthakarí꞉io kát꞉tse, tánon ne kenhnasáke tsientáke iorahnénhtats; Thóh wastsiatónhti nakí꞉heie okenhráhke.

Psalms 16:10

Asèken iáh kíʼ tsiaskatsakwahíhsi tsi nòkwah ne Sheol, khès ne shonkwéta ne rorihwaʼtó꞉ken nahatkátho ne tsi ioshonwakáronhte.

Matthew 17:9

Nok nonen satontahonanontastsnentonhatie, ȣasakotiaȣenratse ne Iesos, ȣahenron: Tosa onka ietsirori tsi nahaȣen tsi ȣeseȣatkatho, tsiniiore ienshatonnhete nʼOnkȣe Roienha.

Matthew 20:19

Enhonȣanatsiakȣarision ne ionkȣetaksen nahonȣatentoriate, enhonȣasokȣaȣesson nok enhonȣaiasakestsko; nok ki tanon asenhaton nenȣata enshatonnhete.

Matthew 27:63

Nok ȣahonniron: Saianer! tsiakȣeiaras tsinahoten ratonhakȣe ne sekon sironnhe kehiken tsiaonkȣetokenha: Raȣen asen nenȣata enteȣakenheion enskatonnhete.

St. Mark 9:30

Onen are ehren sahonnete neh nonȣe, ȣathatiiaiake ne Galile; rerhakȣe ne Iesos ok iah onka taiakotokense.