Matthew 16:17 - Ohiatonhseratokénti

¹⁷ Tontahenron ne Iesos: Sataskat Simon Jonas iaienha, iahse oȣaron, iah oni nonekȣensa tesarihotasienni, neh tanon ne Rakeniha Karonhiake thenteron.

Neh Nase Tsi Shokȣatakȣen 1880 (4 Gospels by Joseph Onasakenrat)

¹⁷ Tontahenron ne Iesos: Sataskat Simon Jonas iaionha, iahse oȣaron, iah oni nonekȣensa tesariho-tasienni, neh tanon ne Rakoniha Karonhiake thenteron.

Matthew 16:17 Referans Kwoze

John 6:45

Ȣaton tsi rotiiaton ne Rotitokensehakȣe: Niio ne entkaientakȣe tsi enhonȣatirihonnien. Neh kati nonka kiok enhoȣennarakȣen ne Rakeniha, Raonha oni enhorihonnienni, neh tohiken enhakiatorenne.

1 Sawátis 5:20

Ionkwateriéntare ne Rawenni꞉io Roiénha tsi thawénon ó꞉ni teshonkwáwi ne kanikonraienthátsera, neh꞉ne ahtsitewaientérahʼne ne kwá tókenske nʼoriwí꞉io Rawenni꞉io. Thóhnon nitión꞉ne tsi tehionkwateriwasóntere ne kwá tókenske Rawenni꞉io—ne ó꞉ni tehionkwateriwashóntere ne Roiénha Ié꞉sos Kerístos. Neh kí꞉ken ne kwá tókenske Rawenni꞉io, ó꞉ni ne kí꞉ken ne ionnheʼónwe natónnhets.

Galatians 1:16

nahawéneste ne Roiénha nakonháke, ne káti nahónton nakateriwanóten ne kariwí꞉ios ne rahonháke tsi nókwa ne iáh tehathisitaerónons, iáh ónhka tiekhehiátʼkense nahionkatenikónron,

1 Corinthians 15:50

Tsi nahóten kítons, tewatenroʼshónʼa, né tsi nahóten nowáhron ionniáton ó꞉ni nonekwénsa iáh tahónton nahontiátaren ne Rawenni꞉io rahonakeraserákon, tánon tsi nahóten ne kenhéions iáh táhonton nahkaiéna ne ionnhehónwe.

Ephesians 3:5

Tsi nihtiothohestánion nonkwesónhas iáh tehonwathiróri kí꞉ken ioteriwashéton, nók kí Rawenni꞉io rorihotáshon tsi niehóha ne Ronikonriʼióston ronkonháke ne rothiʼhiatathokénti ne rathikwekónne ó꞉ni ne iehathiriwákens.

Isaiah 54:13

Ratiʼkwé꞉kon ne sehiohʼokónhas kwáh Roiá꞉ner né ensakorihón꞉nien, tánon thenhiotenonianítonhke tsi nenhotiʼkwahtshéhake ne sehiohʼokónhas.

1 Sawátis 4:15

Tóhkaʼ entewatróri ne Ié꞉sos tsi Rawenni꞉io Roʼníha, tsi kwá tehionkwateriwasóntere ne Rawenni꞉io ó꞉ni ne ronnheʼónwe Rawenni꞉io tsi tehionkwateriwasóntere ne ronónha.

1 Tiér 5:1

Í꞉i ne katretiárons, kheretiárons ne ononsatokentíke ratiretiárons ne skátke sewakwékon. Kwáh Í꞉i wakatkáton tsi nihoronhiakén꞉en ne Kerístos, tánon enkatsʼniénon ne thóh kaiatanerakwátsera nenkarihotáshionke. Í꞉se kwaretiárons

Ephesians 2:8

Asèken nehne Rawenni꞉io rahoténrat tsi saniakénton teiahonkóthon ne tewetákwen. Iáh neh tehiorihonʼníʼon tsi nahisahiotén꞉en, nók ne tsi Rawení꞉io sakówis, neh káti ne tóhsa ónka ahiontatóharakwe.

John 1:42

Nok eh niiahoiatenhaȣe tsi ihtres ne Iesos: ȣahenron ne Iesos nonen sahoken: Ise ne Simon Jonas iahienha; Cephas entsiesanatonkȣake (neh sakat naiahiron oststenra).

Hebrews 2:14

Tsi ne ratikʼsaokónha, tsi nisakonatónkwah, tsi ónkwe íken rotiwáhrare ó꞉ni rotinekwénsa, ne Ié꞉sos né꞉ne kwáh ronónha waháton tánon wahsakotiátaraʼse kwáh tsi niʼiorihóten tsi ronónnhe. Né kíʼ aoríwah thóh nahá꞉iere tsoríwah tsi rawenhéion nontiéren enhothónte ne ranesonrónon, roshatsʼtenseráien tsi nòkwah ne kenhéion,

Ephesians 6:12

Asèken iáh seh ónkwe tehionkwaterí꞉io nók nehne rothiriwáneren rathinesonrónons ne tsi karonhiáte ionhontsiáien, ne rathikorásons, kaianerenserasónhas, ó꞉ni ne tsi ionwentsiáte rathikorásons tsi naʼtetiókaras tsi nihonatenʼniserathénion.

Luke 22:32

Nok ki tanon konhiaterennaienni, ne tosa aesariȣanoronse: Ne kati oni nise nonen tensatonnhateni enseriȣiioston, shenikonranirat Seȣatatekenokon.