Matthew 13:46 - Ohiatonhseratokénti

⁴⁶ Nok enskat iahatsenri nehne kanoron, sahatenti, akȣekon ȣahatenninon tsinihoien nok ȣahaninon.

Neh Nase Tsi Shokȣatakȣen 1880 (4 Gospels by Joseph Onasakenrat)

⁴⁶ Nok enskat iahatsenri nehne kanoron, saha-tenti, akȣekon ȣahatenninon tsinihoien nok ȣahaninon.

Matthew 13:46 Referans Kwoze

Ephesians 3:8

Í꞉i tshiahonhá꞉a kén nitká꞉a tsi niháti ne Rawenni꞉io rahonkwetaʼsónha; tánon kíʼ Rawenni꞉io takáwi kí꞉ken kakweniensthátsera nehne hiakehawítase neh iáh tehathisitaerónons ne kariwí꞉ios tsi niwatʼrhoriátha iáh tsehiótokʼte ne Kerístos rahohiathanerakwátsera,

Colossians 2:3

Raónha ne kanontónkwa í꞉ken ne kanontétshons akwé꞉kon ne wahshetánions atsiokowáhtsheras ne kariwakwarishióntshera ó꞉ni ne aʼthokhátshera.

Acts 20:24

Kheʼrenkátiʼken ni꞉i tsi kónʼnhe iáh thé꞉nen satèkena tèken; nek khók níhkere ne hiatakókʼten ó꞉ni niákʼsa kíʼ ken kahioténsera tsi nithakáwi ne Roiá꞉ner Ié꞉sos, nahkateriwatsʼtéristhe, nehne akatʼróhri ne kariwí꞉ios nehne tsi nithoriwaiéri ne Rawenni꞉io tsi nókwa nonkwesónhas.

Matthew 13:44

Nesekon testiatieren ne Niio raonakerasera tsiniiot nʼoȣistanoron ȣasehton kaehtakon, ne ronkȣe ȣahatsenri, sahasete; nok tsi nahatsennonni sahatenti ȣahatenninon nion tsinihoien nok neh sahaninon.

Isaiah 33:6

kwáh rahónha enhiaienáwaʼse tsi nenhsenhteniseraténionʼke, enhiawetowánenhke ne kahiatakenátshera, atʼthokhátshera, tánon ne karihonhnienhnítshera; nahonwaʼtsianísehke ne Roiá꞉ner né꞉ne Zion aotsokowáhtshera í꞉ken.

Proverbs 2:4

Wé꞉so tsi sé꞉sak tsi shí꞉ken ní꞉ioht tókaʼ kahwistarà꞉ken tókaʼ ni ahsetshén꞉ri ne wahsehtánion atshoʼkowáhtshera.

Revelation 21:21

Tánon ne iotenhenrá꞉karonhtons iotenhenrentonnions tekeni neh iawenhre níkons onekó꞉ras, ne sewatenhenrát꞉tions skanekó꞉ratʼtions ió꞉ien, tánon ne tsi tekanatokenserons kwáh owistanhó꞉ronhtseroskons í꞉ken, thóh niió꞉kens tsi niiót notsisera.

Galatians 6:14

Káti ní꞉i, tsi naiotónhake, nek khók tenkerénsaron ne Sonkwaiáner Ié꞉sos Kerístos raohiása; tsi nikéntons ne raohiása ne tsi ionwentsiáte iawenhéion nakeriwáke, tánon ní꞉i kwáh thóh ní꞉ioht tsi ní꞉ioht nahonkihéion ne tsi ionwentsiáte.

Matthew 13:45

Nesekon testiatieren ne Niio raonakerasera: tsiniiot ne ronkȣe raȣesakonhaties Kanenhianorons.

Matthew 13:47

Ne sekon testiatieren ne Niio raonakerasera: tsiniiot ne kaniatarake ȣaharontion, akȣekon taioienahatie.

Revelation 18:12

natkeronhtá꞉tsheras ne owistanó꞉rons, kawistará꞉kens, owistanoronhshón꞉as, ne wahniatarí꞉ios, ariwakonhnéha, káneks tánon nonekwentá꞉ras, tekontʼtihánion ne kaientakénre, niatekonshón꞉as ne oná꞉kares, niatekonshón꞉ahs ne kaientanó꞉rons, owá꞉sas, karístatsi, tánon ne teionenhiastarát꞉tes