Matthew 12:36 - Ohiatonhseratokénti

³⁶ Nese ȣaonni kȣarori: tsi neh tonhiontatiatoretakȣe nonkȣe nʼonaken teȣenniseronte tsinikon tiakotati ne kaȣennaksen.

Neh Nase Tsi Shokȣatakȣen 1880 (4 Gospels by Joseph Onasakenrat)

³⁶ Nese ȣaonni kȣarori: tsi neh tonhiontatiatore-takȣe nonkȣe nʼonaken teȣenniseronte tsinikon tia-kotati ne kaȣennaksen.

Matthew 12:36 Referans Kwoze

Ecclesiastes 12:14

Rawenni꞉io kwáh oriwakwékon tehahiatórehthe tsi nenhtewátiere, ahioianeréhake khóni nahonhetkéntahke, iehióhe tsi nahionkwatiérenhke nathaséhtonhke.

Romans 2:16

Éhʼtho káti, tsi ní꞉ioht tsi kateriwanhótʼtha ne kariwí꞉ios, thóh káti nen hiotonhátie tsi nióre tewenniserónte nónen ne Rawenni꞉io, rahonháke ne Ié꞉sos Kerístos, tenhahiatórete tsi nihotiriwasehtánions nonkwesónhas.

Revelation 20:12

Tánon waʼkhé꞉ken ne ronenhé꞉ion, ratisennhowá꞉nens tánon ken nihatisénhnasas, ronhné꞉te ohénton tsi wanitskwaratseró꞉te, tánon ne kahiatonseraó꞉kons ontenhotonkonháton. Shé꞉kon ó꞉ni ó꞉ia kahiatónsera ontenhotónko, né꞉ne kahiatónhsera ne iónhnhe. Tánon ne ronenhé꞉ion wathonwatiiatórehte ne tahioianenhá꞉we tsi nihotiiotenhseró꞉tens, ne tsi nikaiá꞉ton ne kahiatonhserá꞉kons.

Matthew 10:15

Oriȣiio tsi kȣarori tsi senha enhioteseroȣanaten neh nonȣe, tsiniiot ne Gomor oni ne Sodome nonen tontesakoiatoretane tsi nenseȣatonȣentsiarisi.

Matthew 11:22

Nese karionni katon, tsi kȣarori: Tikenha tsi nensakoteȣeiennatsaniten ne Tirronon, oni ne Sitonronon, nʼonen tontesakoiatoretane tsinise niiot.

Matthew 12:37

Aseken saȣenna entsisarihokeȣate, saȣenna oni ensariȣente.

Romans 14:12

Kwáh káti tsi tewahiatátʼtion tsi tentsitewariwaserákwaʼse ne Rawenni꞉io tsi naionkwatiéren.

Ne꞉ne Sák Rohiaton 3:6

Tánon kíʼ nawenʼnáson kwá né꞉ne ótsire. Kwá ohontsiakwékon tsi iáh tetkaiéri, thóh nón nihiotienawáston nonkwaiéronke tánon ne tehioreniáton ne wahétken ne tewahiatakwékon. Kwá enhiotsirótake tsi nikaríwes entiónnheke, nótsire kwá onèson nón nitewétha tsi hioʼtsiénnis.