Matthew 11:5 - Ohiatonhseratokénti

⁵ Tsiekens ne teioronȣekonne, tsiontenties ne iesinaksen, tsiontons nʼiakoststaȣis, tsionronkas ne teionhontakȣekon, Tsiontonnhests niakaȣenheion, nok iontataronkatenti oriȣatokenti ne iakotent.

Neh Nase Tsi Shokȣatakȣen 1880 (4 Gospels by Joseph Onasakenrat)

⁵ Tsiekens no teioronȣekonne, tsiontenties ne iesi-naksen, tsiontons nʼiakoststaȣis, tsionronkas ne te-ionhontakȣekon, Tsiontonnhests niakaȣenheion, nok iontataronkatenti oriȣatokenti ne iakotent.

Matthew 11:5 Referans Kwoze

Luke 4:18

Iakenikȣekon ne Raȣenniio rahonikonra, aseken rakiatanoronston; neh ahoriȣa thakatorion nʼakherionnien ne iakotent, nok aonsakhetsiente niakaȣeriasanonȣaks.

Isaiah 29:18

Né thóh entewenhniseráteʼke ne tehionhontaʼkwékon kwáh kí entsakoktón꞉teʼne naowenhnaʼhókons ne kahiatonhserakweʼnónhni, tánon thóh entkahiákenhne tsi naʼtetiosaʼtahkéras ó꞉ni tetsiókaras tánon ne teieronhkwékon kwáh kí entiékhenhne.

Ne꞉ne Sák Rohiaton 2:5

Sewatahónsatat, tekanóron tewatenrosónhas! Ne tsi ionwentsiáte Rawenni꞉io sakohiatarákwen ne iakóten né꞉ne ahothiʼkwatséhake tsi nòkwa ne tewethákwen tánon nahathiʼiéna ne Rawenni꞉io Raonakerásera tsi nisakorahrastén꞉ni tsi nihiákon ne ronwanorónkwa.

Matthew 21:14

Ok kenh tontaiaȣen tsi ȣahonȣaiatorenne ne tehatironȣekon oni ne rontsinokata nok akȣekon tontasakotsientonhatie.

John 10:38

Kenh kaien neh nenȣakierenhatie, nok iah taontaskȣetakȣane, taseȣetak neh nikaȣeiennoten; eh naontaȣe aeseȣaterientarane oni aonteseȣetakȣe tsi iakehnikȣekon ne Rakeniha.

John 10:25

Iesos tontasakoȣennaȣeron, nok ȣahenron: Onen kȣarori nok iah tetiseȣetakȣen; neh ȣakeriȣanirati tsini kaiotenseroten ȣakiote Raosennakon ne Rakeniha.

John 5:36

Senha tanon ii iorihoȣanens ȣakeriȣanirati tsiniiot ne Saȣatis: aseken tsi nikaiotenserotens ne Rakeniha rakkȣeniatseraȣi tsi nakiere, neh kati tsi eh nikierha, neh ȣakeriȣanirati tsi Rakeniha takatorion.

John 3:2

Asonthenne ȣahoiatorenne ne Iesos, nok ȣahenron: Seȣenniio, ionkȣaterientare tsi Niio thiatennieton neh nasiere tsi askȣarihonnien tsiniiot ne Sakotatis: aseken iah onka takakȣeni neh nakaiere tsi nisierha ne iah tanikȣekon ne Niio.

John 2:23

Tsinikariȣes Jerusalem ihres, kentiokoȣanen taonȣetakȣe, netsi iontkathos ioriȣanerakȣatenions tsini haierhakȣe.

St. Mark 9:25

Sahatkatto ne Iesos tsi akȣekon ok etho nontaiakaȣenonhatie ethone ȣahateȣennatsaniten notkon, ȣarenhase: Satkon iah tesatati iah oni tesaronkas, ii, ȣakonrori tontatsiakenn ne kenh raksaa raiatakon tosa oni nonȣenton ionsasataȣeiat.

St. Mark 7:37

Akȣa ihken tsi rotinerakȣenhatonskȣe ronton: akȣekon tkaieri tsini hoieren; sesakotsienta ne teionhontakȣekon tsiontatis niah teiontatiskȣe,

Matthew 10:8

Saietsitsient nʼiakononȣak tanionni oni ne iakoststaȣis, Saietsiionnhet nʼiakaȣenheion; iesentenraton, Sasetenrat ki.

Matthew 9:30

Nok tonsanironȣeksi; ȣasakotiaȣenratse, ȣahenron: tosa onka ietsirori.

Isaiah 66:2

Oriwaʼkwékon kí ken katsaná꞉ke ioshaʼáhnion, tánon káti orihwaʼkwékon kí꞉kens Í꞉i akáwenk, rá꞉ton né Roiá꞉ner. Ók né kí kíken tsi nikáien né kwáh tenkhehiatʼkáneren, né nehthàke iakotatónhni tánon né teiakawerhiaʼsaríhon, ronón꞉ha rotiʼiatíshonʼkwe nakewenhnaʼókons.

Isaiah 43:8

Ohénton nontaietsihiaʼténhaf nonkweshón꞉has ne teieronwèkon, né꞉ne teiekaratárion, tsi nikáien ne tehionhontakwékon, né꞉ne tehionhontónhtons!

Psalms 146:8

ne Roiá꞉ner tesesakokakwaríshions ne teieronhwèkon. Ne Roiá꞉ner sesakoiatakwahríshions ne teiakonowiʼiákon; ne Roiá꞉ner sakonorónhkwah ne iakorihwakwahríshion.

Psalms 22:26

Né iakó꞉then kwáh thenhiontskáon tánon enhiakó꞉tane; tsi nihiákon ne ronwahiatísaks kwáh thenhonwaʼnonweráton ne Roiá꞉ner. Aiáwenhs ahitiónnheke tsi nénhwe enkénhake!

2 Kings 5:14

Sók kíʼ ne Naaman Jordan niaháre, tsáta nihioríhwake iahatéskowe, tsi kíʼ nihorihwatáʼti ne Elisha, tánon kwáh kíʼ sahaiewénhtane. Né tsi rónhnhe kwáh kíʼ sahiohiánerenhne tsi ní꞉ioht ne ieksáha.

2 Kings 5:7

Nó꞉nen ne ronnontí꞉io Nisraerʼró꞉nonke wahawenhnanóthen ne kahiatónhsera, waharatsiónhko ne rahotserónhniat tsi nonthahathónhneke tánon wahénron, “Onh ní꞉ioht tsi ró꞉rahre ne Syriaró꞉non ronnontí꞉io nakʼkwéni ahí꞉tiente kí꞉ken rónhkwe? Í꞉rehre ken Ní꞉io ní꞉i í꞉ken, naonkeshastsʼtenseraiénhthake tsi nòkwah natónnhets ó꞉ni ne kenhé꞉ion? Tehiostwát꞉the tsi í꞉rehre tahiakenirihwakéna!”

Matthew 5:3

Iakotaskat nʼiakonikonrenton: aseken akoȣenk ne karonhiake.

Acts 2:22

“Sewatahónsatat kí꞉ken owennasónhas, neh sewahʼIsraerónons! Ié꞉sos ne Nazarethʼronon nahahiathótenʼne neh Rawenni꞉io kwáh tehióskwatʼte tsiʼsewenestén꞉ni ne ioriwanerakwathénions ó꞉ni sewatʼkáton, tsi rahonháke ne Ié꞉sos non nihohiotátiesʼkwe. Kwáh hiatesewahiá꞉ti sewateriéntare kí꞉ken nahorihótens, asèken kwáh kén꞉en tsi natesewátere éhʼtho niʼiawén꞉en.

Zechariah 11:7

Tsi nihá꞉ti ne rothinaskwaní꞉nonh ó꞉ni ne ronatenaskwahní꞉nonh ne teiotinakarontón꞉a wahonké꞉nhane, tánon ne wahkhehiaʼtennikónhrahren ne teiotinakarontón꞉a ne konhwanawenhʼthóhsere. Tekahnahkárahke wahkatʼtháwah: nénhska ne wahkenáhthonkwe “Ataniténron” tánon nó꞉ia “Skarihwakʼiken.” Tánon wakhehiatenhnikónhrahren ne konhtiʼtshé꞉nen.

Exodus 4:11

Ne Roiá꞉ner wahénron, “Ónhka thonʼwáwis ne rónhkwe ne tsi rashaʼkáronthe? Óhka ronhionhʼniénhnis ne tahahóntaʼkweke tó꞉ka ó꞉ni nahaʼtewenhnáton? Ónhka tonwáhwis nahatʼkathósehke tó꞉ka ó꞉ni taharónweke? Kwáh Í꞉i, ne Watiá꞉ner.

Isaiah 29:19

Né tiʼiakawé꞉ron iaweronhátie enhieiéna náse atonhnarát꞉tshera rahonhàke ne Roiá꞉ner, tánon ne kwáh iakotenhténion nonkwehókons kwáh kí enhiontonhnáren rahonhàke tsi nikáien ne Roiatatokénti khók í꞉ken ne Israerʼronónke.

Matthew 11:4

Tontasakoȣennaȣeron ne Iesos, ȣahenron: ȣasene nok satsisenirori ne Saȣatis tsinaoten tsiatkathos onitsiaronkas.

Matthew 12:13

Ethone kati onen ȣahaȣenhase ne ronkȣe: sanentsakȣarisi, ȣahanentsakȣarisi nok sahaieȣentane.

John 9:7

Nok ȣahaȣenhase: ȣas, nok ionsasatkonsohare tsi tionaȣerote ne Siloeʼ (nehneh sakah naiahiron teȣatennieton) eh kati niiahare nok ionsahatkonsohare, nok shaken nonen etho satontare.