Matthew 11:17 - Ohiatonhseratokénti

¹⁷ Ronton: ionkȣaonraȣaton nok iah tateseȣanonniakȣen; ioterennatatitenrat ionkȣaterennote nok iah teseȣatatitenranion.

Neh Nase Tsi Shokȣatakȣen 1880 (4 Gospels by Joseph Onasakenrat)

¹⁷ Ronton: ionkȣaonraȣaton nok iah tateseȣanon-niakȣon; ioterennatatitenrat ionkȣaterennoto nok iah teseȣatatitenranion.

Matthew 11:17 Referans Kwoze

Isaiah 30:29

Kwáh ensahrenhnaiéntake tsi ní꞉ioht nokarasnéha nó꞉nen ne iotokénti tsi neteiontenonhwerátons iakahonhniseranorónston; tánon iakotonhnáhere nakaweriá꞉ne, kwáh tsi ní꞉ioht nónkak wahióntsien wahontahónsathate tsi nikawenhó꞉te nohorótha ionterenhnotákwah niáhien tsi thotenontáhere ne Roiá꞉ner, né nahosthénra í꞉ken NʼIsrael.

Matthew 9:15

Iesos tontasakoȣennaȣeron; tsinihati ronȣatihonkaraȣi tsi ȣatenniote, enȣaton kenh nahotinikonraksen seke tsinikariȣes ratikȣekonhaties ne rohniakon? ionȣatenniseriheȣe ki tanon ne ienhonȣaiatenhaȣe ne rohniakon, ethone onen enhonentontietahnion.

Jeremiah 31:4

Shé꞉kon énska iesehwáhteratsʼthe nahonshakwahriwahsehrónnien. Shé꞉kon énska iesehwáhteratsʼte tentsisehwáhkwe ne ienahkwahétʼtha tánon kwáh athonnahrahkwahʼtsherákon tsi tenʼtsisehwahniónniaʼkwe.

Matthew 9:23

Nonen siiaharaȣe ne Iesos tsi thononsote ne rasennoȣanen, ȣasakoken kentiokoȣanen ronterennotha, otiake oni ronaterakareraston.

1 Kings 1:40

Ethòne kíʼ ónenh ratikwékon sahonwásehre ne Solomon Jerusalem hionsahónhne, tehothihenrétaʼne tsi nihonatʼtsenhnonhnihátie tánon ronaterenhnothátie ne ohoró꞉ta ionterenhnó꞉thas, thoʼnióre tsi ronatʼtsarokwahthonhátie kwáh ahónton ne tahiahontsísonhkwe tsi rónhne.

Luke 15:25

Kenh kaien ne thakoȣanen ne roienha kahetakon natontare; sekon ok kati ihsi niiore tare ok naha ȣaharonke tetiotonhare, karennote, oni teiakononniakȣen.

Genesis 50:10

Shiahón꞉newe ne tsi ietheʼtáhkwa ne Atad nón꞉we ne ne ieiotohétston ne Jordan, thóh nón꞉we kwáh í꞉ken tsi waʼtewatenón꞉ianihteʼ onttsiʼtó꞉ko tsi naʼakoʼnikonhraksèn꞉seron; tánon ne Só꞉se ne wahateriwahténtiaʼte nahotshón꞉nionʼse ne roʼníha tsi niioterihwíson naiontshón꞉nion ne ne tsá꞉ta nón꞉ta nikarí꞉wes.

Matthew 11:16

Ohnahoten taontakheiatenientenste neh niionkȣetoten? neʼsʼ teshontieren ne ratiksaokonha tsi iontkerontakȣa ratistskȣaronnion nok iesakotinonks ne rontenrookon.

Matthew 11:18

Aseken ne saȣatis iah tohonekirenhaties iah oni tatehostskaonties; nok sane sekon ronȣenni: Rotkonseraien.

Luke 7:32

Akȣa neh sesakotiieren ratiksaokonha tsi iontkerontakȣa ratistskȣaronnion, nok tehotihenretha tehontatennis oni: Ionkȣahonraȣaton nok iah tateseȣanonniakȣen; Ioterennaststarat ȣakȣaterennothase nok iah tateseȣasenthon.

Luke 8:52

Akȣekon ok tehonsenthoserons, rontatonstskȣenaiahakons tsinikonȣannhatens oni tsini hotinikonranonȣaks; ȣasakaȣenhase kati: Tosa teseȣasentho: iahseteiaȣenheion, neok se neiotas.

Luke 23:27

Kentiokoȣanon nonkȣeokon ronȣanonteratiene oni tsionathonȣisen, iontatonstskȣenaiaakhonnionne nok teionsenthosere ronȣannhatens.