Matthew 10:1 - Ohiatonhseratokénti

¹ Ethone ne Iesos iasakononke ne tekeni iaȣenre nihati raotiokȣa, ȣasakokȣeniatseron, naonsasakohnatekȣate nʼotkon aiakohnatienni, oni aonsasakotitsiente tsiok naiakohiataȣenseke.

Neh Nase Tsi Shokȣatakȣen 1880 (4 Gospels by Joseph Onasakenrat)

¹ Ethone no Iesos iasakononke ne tekeni iaȣenro nihati raotiokȣa, ȣasakokȣeniatseron, naonsasakohna-tekȣate nʼotkon aiakohnatienni, oni aonsasakotitsiente tsiok naiakohiataȣenseke.

Matthew 10:1 Referans Kwoze

Luke 10:19

Onȣa kati ȣakȣasastenseron ne taietsiniarorarake ne Kaniaraksens oni ienseȣasahate tsini hosastensera ne raksȣens: iah oni othenon taeseȣaiotastse.

Luke 24:49

Niare kati Jerusalem seȣenterontak tsiniiore ionseȣahrane nʼEnekenkha ahosaststensera.

Acts 1:8

Nók nónen ne Ronikonriʼióston entsisewahiatórenʼne, kwáh ensewahiatanánonʼne ne kasatsʼténsera, tánon í꞉se enskwariwaníratʼtse ne Jerusalem nónwe, kwáh kanakeraserakwékon ne Judea ó꞉ni ne Samaria, tánon ó꞉ni ne tsi iehiotonwentiokʼtaní꞉on.”

John 3:27

Tontahenron ne Saȣatis: iahse othenon tahakȣeni ne ronkȣe neiah Karonhiake tahontahonȣatennietasere.

Luke 6:13

Nok nonen saorhenne, iasakohnonke ne raotiokȣa, nok tekeni iaȣenre nihati ȣasakoiatarako, neh ne ȣasakonatonkȣe, Ratikȣekonhatie;

Luke 21:15

Aseken akȣa ii enkion nethone ne kanikonriio kaȣenniio oni tsiniiore ne iah onka takakȣeni aietsiriȣaiakse oni aietsirihorarake ne ietsiriȣasȣens.

Acts 19:15

Nók ne rathinesonrónons wahonwennénhase, “Riʼientéri ne Ié꞉sos, tánon ó꞉ni riʼientéri ne Kór; nók níse—ónhka níse?”

John 17:2

Tsiniiot tsi hetskȣeniatseraȣi nonkȣene, nasakaonnhete onȣe tsiniiakon hetserakȣenni.

John 6:70

Tontahenron ne Iesos: iah kenh naha ii tekȣaiatarakȣen ne tekeni iaȣenre Nitsion? nok sane sekon saiatat akȣa ranessonronon.

John 3:35

Roniha ronoronkȣa ne Roienha, akȣekon oni nihiehoriȣaȣi.

Revelation 12:1

Né꞉ne kowá꞉nen ioriwanerá꞉kwat ontothá꞉shon karonhiá꞉ke: iónkwe ne iotieronhniá꞉ton karáhkwa, tánon asontenhnékha karáhkwa iorasitakenserákwen, tánon ne kanontsí꞉ne ne iononwaró꞉ron ne kakahkwentonhniáton ne tékeni iawénhre nikatsistóhkwake.

Matthew 26:47

Sekon ok nihottare, eh ȣahoketote ne Sitas, enskat ne tekeni iaȣenre nihati kentiokoȣanen rotiokȣine, ronsharenhaȣinontie, Kanhiashonha oni, nene ratitsihenstakȣeniios sakonatorihatie.

Matthew 26:20

Nok nonen sontaiokaraȣe, atekkȣaratserakta ȣahanistskȣaren, nok oni ne tekeni iaȣenre nihati,

Matthew 19:28

Tontahenron ne Iesos: oriȣiio tsi kȣarori, ise kehiken ne takȣanonteraties tsinonȣe nase tsiontons, nekati nʼonen onkȣe Roienha raonistskȣarane oni raoiatanerakȣatserakon enhenstskȣarake etho oni nise enseȣenstskȣaronnionke seȣanistskȣaratseratson tenhietsiiatoretake ne tekeni iaȣenre nihotitarake nʼIsraerronon.

Matthew 6:13

Nok tosa aionkȣasenni ne kariȣaneron; ehren tanon takȣariȣakȣiten ne iotaksens, aseken ise ne tsiniienhenȣe ensenakereke, kasastensera oni Kanentonsera iah takariȣentane. Amen!

Matthew 4:23

Nok ne Iesos tehoststekafenhatieskȣe, tsini ȣatonȣentsia ne Galilé, Sakotatihaties tsi kanonsoton nʼononsatokenti, rorihotasionhaties Oriȣatokenti Karonhiakeka, nok Sesakotsientonhaties nʼiatokannrotenson, tsi ok naiakoiataȣenseke nʼonkȣeokon.

Matthew 9:35

Nok sane ne Iesos akȣekon nontahaȣenontonhatie tsi kanataienton oni iohnatakȣenraron, Sakotatiskȣe tsi ronterennaientakȣanionkȣa, rorihoȣanatonhatieskȣe nʼOriȣase Niio raoriȣatokentitsera, sesakotsientanionskȣe oni niakohnonȣaktanionniskȣe tsi ienakerenion.

Matthew 9:38

Hetsiseȣennitentas kati ne Rahetakȣeniio ahontasakotori kannhatesra tsi rohetaien.