Luke 5:21 - Ohiatonhseratokénti

²¹ Oksaok are ne ratiiatons oni ne Pharisian ȣahonniron ne rahonerientakon; Oriȣiio kehiken ronkȣe tsi rateȣennaiesatha, onka nakoren eniekȣeni entsierakeȣe ne kariȣaneren neok ne Niio?

Neh Nase Tsi Shokȣatakȣen 1880 (4 Gospels by Joseph Onasakenrat)

²¹ Oksaok are ne ratiiatons oni ne Pharisian ȣahonniron ne rahonerientakon; Oriȣiio kehiken ronkȣe tsi rateȣennaiesatha, onka nakoren eniekȣeni entsiorakeȣe no kariȣaneren nook ne Niio?

Luke 5:21 Referans Kwoze

Isaiah 43:25

Í꞉i, Í꞉i ne rahónha í꞉ken Í꞉i skeriwathón꞉tha ne saterihwatewahtóntshera né꞉ne kwáh Í꞉i akerihonhniát, tánon iáh tahonsakeiáraʼke ne sariwaʼnerahák꞉tsheras.

John 10:33

Tontahonniron ne Sitaeronon; iah tekȣanenhioiahaktane ne tsioriȣat aontesariȣaieriton; neh ȣahi tsi ȣasateȣennaiesate, oni tsi thisonkȣeha, Niio satatonnis.

Luke 7:49

Nok tsinihati ne tohontonsts, ȣahonniron ne raoneriane: Oh nehne nakaiatoten onka oni kehiken sarakeȣas ne kariȣaneren.

Matthew 26:65

Ethone ne Ratsihenstoȣanen ȣaharatsionko ne raotseronnia nok ȣahenron: ȣahateȣennaiesate, nahoten taonsaionkȣatonȣentsionitakȣake ne Temoins, akȣa nonȣa ise seȣathonte ȣahateȣennaiesate; nahoten kati enseȣenren?

Psalms 32:5

Eʼthóhʼne káti wahkerihwahnírathe nahkerihwahneraháktsheras nisèke; iáh tewaʼkatónhniʼen tsi waʼkerihwanerenháskon; Waʼkhíron, “Kwáh kíʼ enkerihwanírate nakerihwanerahák꞉tshera rahonháke ne Roiá꞉ner,” tánon saskenikónhrenhse tsi niwakeníkon nakerihwanerahák꞉tsera. Selah

Leviticus 24:16

tánon enhonwanonwariákon. Ónhka Nisraerʼró꞉non tó꞉ka ó꞉ni ne tihononhontsáte ne Israerʼró꞉nonke ratinákere enhonwakenrenhserón꞉ni ne Roiá꞉ner enhonwanenhióhiaʼke tsi enrénheʼie né꞉ne kanakeraseraʼkwékon thóh neniéieʼre.

Romans 8:33

Ónhka ahiekwéni ahonwathiriwáhro neh Rawenni꞉io rahonkwetaʼsónha? Rahóna ne Rawenni꞉io sakoróris iáh tehothiníkon!

Daniel 9:19

Saiá꞉ner, takwathóntek; Saiá꞉ner, saskwaʼnikónrhens. Saiá꞉ner, takwathóntek, ó꞉ni tsi thé꞉nen knátiere! Onhnaiá꞉wenʼne onkweʼtakwé꞉kon aiakotókense tsi í꞉se ne Sawenní꞉io, tóhsaʼ satenʼnískwat! Kí kaná꞉taien tánon ne ienákere í꞉se sáwenk.”

Daniel 9:9

Í꞉se ne satanitenrátskon ó꞉ni tsisaʼnikónrhehns, iaweronhátien tsi iáh tekwawennaráhkwen.

Isaiah 44:22

Wakonhèwen éhʼren watʼkhawíton ne sarihwanerahát꞉tshera tsi ní꞉nioht ne tsi iotsatarónh꞉nion, tánon ne sarihwaneraháktsheras kwáh né꞉ne iahonhaʼwínon í꞉ken; akonhá꞉ke natonhtáse, asèken I꞉i skhonʼhiatákwen.

Isaiah 1:18

Káts kíʼ ó꞉nen, ánion tewahriwasherónhni kí꞉ken oriwasón꞉has, rá꞉ton ne Roiá꞉ner: èʼthohsáne ne sewarihwaneraháktshera thóh nahonshokothénhake tsi ní꞉ioht nonekwénhtara, thóh nenhsewashokothénhake tsi ní꞉ioht nóniete; èʼthohsáne tsi onekwénhtara niwashokóten tsi ní꞉ioht ne tetsonekwenhtarákaras, thóh nenskarákenhne tsi ní꞉ioht ne karáken ohnonwéron.

Psalms 130:4

Ók káien ne kanikonhrénhtsera ne shonháke. Né ká꞉ti í꞉se akwahsénhnaien.

Psalms 103:3

rahónha sahkenikónhrenhse akwékon nakerihwaʼnerahák꞉tsheras, rahónha sahketsiéntha akwékon ne akekhratarihné꞉tsheras,

Luke 5:17

Khare kati are onen tsi sakotatis, raiataktatie ratistskȣaronniontie ne Pharisien, ratiianerenseronni nehne Galile, Jude, nok oni Jerusalem nithonenonseron etho ronatahonsate, nok oni ne Niio naosastensera etho ontotasi naonsaionton ne iakohnonȣaktani.

Matthew 9:3

Nok ne ratiiatons tahonniron ne rahotinikonrakon: oriȣiio tsi rariȣaiesatha kehiken.

Micah 7:19

Kwáh kíʼ shé꞉kon tentre tánon ensheshonkwenténhre; kwáh kíʼ enharatatiéson nonkwahrihwaneraháktshera. Akwé꞉kon isehienhóti nonkwahrihwaneraháktsheras tsi nón꞉we ne kwáh tionó꞉tes kaniatarakeʼkowáhne.

Psalms 35:5

Ánion thóh nihatiʼhiathothénhak tsi ní꞉ioht ne kahwáeh nó꞉nen iahó꞉te né ieká꞉has, né꞉ne Roiá꞉ner raoronhiakeró꞉non sakotorihátsie!

Luke 3:8

Teiotitokentonhak kati natatreȣatatsera tsi saseȣatatreȣat, nok tosa saseȣerhek aheseȣatonheke oni ne seȣerientakon: Abraham sakȣaniha: aseken ȣakȣarori tsi iah othenon tahonoronse ne Niio, kehiken kanenhiakeron aontasakoiatinekenȣe nʼAbraham sakoienhokonha akenhake.

Luke 5:22

Nok tanon ne Iesos Sakonikonraienteritsion, ȣasakaȣenhase, ȣahenron: ohniiotieren tsi eh nikanikonroten seȣanontonnions?