Luke 24:44 - Ohiatonhseratokénti

⁴⁴ Nok ȣasakorori ȣahenron: eh ȣahi niȣakieron tsi kȣarori sekon shiteȣes: tsi iatekonte enkanane tsini hotiiaton ne Moïs oni Rotitokensehakȣe nok oni ne Karennakon nii kiatatake.

Neh Nase Tsi Shokȣatakȣen 1880 (4 Gospels by Joseph Onasakenrat)

⁴⁴ Nok ȣasakorori ȣahenron: eh ȣahi niȣakieron tsi kȣarori sekon shiteȣes: tsi iatekonte enkanane tsini hotiiaton ne Moïs oni Rotitokensehakȣe nok oni no Karennakon nii kiatatake.

Luke 24:44 Referans Kwoze

Zechariah 12:10

“Kwáh enkenáhʼne tsi nithotwatsirí꞉nonh ne Táwit ó꞉ni ne ronahtiakhésons ne Jerusalem nón꞉we né꞉ne kenténrat ó꞉ni aterén꞉naient. Enhonwakenhénhion tsi niká꞉ien ne ronwaháson tsi rawenhé꞉ion, kwáh enhothinikonratsénhsehke ne rahonhà꞉ke tsi ní꞉ioht tsi enhiakonikonrátsen ne enskakʼkok iakowí꞉raien nenhiahié꞉heie. Kwáh kátsi towá꞉nenh tsi tenhonsénhtho, kwáh tsi ní꞉ioht nahiakothónse nénhskak khók iakonekenterontsherá꞉ien.

Zechariah 9:9

Sewatonhnhá꞉ren, sewatonhnhá꞉ren, tiónkwe ne Zion! Tesehwahén꞉ret naʼtsenhnonhniá꞉tshera ne Jerusalem nón꞉we! Iasehwatʼkáto, ne tsi Sewahnonhtí꞉io tiohá꞉ke nonhtahawenonhátie! Tsi táhre tekahrensáhron tánon rotʼkwenionhátie, ók eʼtà꞉ke rotahtón꞉ni tánon tewahòn꞉tes rohshaténtie— nitsioʼnaskwahiónha, né꞉ne tewahòn꞉tes akohiénʼa.

Luke 9:22

Sekon are sahenron: Iatekakonte tsi eso enharonhiaken nonkȣe Roienha, enhonȣateȣentete ne ronaterihonton, ratitsihenstatsi okon oni ne ratiiatons; ienkaheȣe oni henhonȣariote, nok ki tanon Asen-aton nenȣata enshatatonnhete.

Isaiah 7:14

Né ká꞉ti aoríhwa ne Roiá꞉ner rahonhatsíwa éntʼhion natenienhténtsera. Satkátho, ne kawí꞉non í꞉ken iowiraientásereh tánon enhionekenteronhtsheraiéntaʼne, tánon Immanuel enhonátonhkwe.

Revelation 19:10

Eʼthó꞉ne thóh waʼtiá꞉taièn꞉tane rashí꞉tát꞉ta nahishén꞉naien, ók wahakénhase, “Ní꞉se iáh teió꞉wenk ne naʼshé꞉re! Í꞉ih tánon ní꞉se teionkeniriwaienawákon ionkenihió꞉te skátne ne sewatenroshón꞉as ratikwé꞉kon ne ronón꞉ha ratihá꞉we norihwí꞉io né꞉tho Ié꞉sos rorihotáshion. Ahonwashén꞉naien Ní꞉io!” Asè꞉ken noriwihioón꞉we né꞉tho Ié꞉sos rorihotáshion neh iakoshatstenserá꞉wis nonkweʼokon naiontʼró꞉ri ne Ní꞉io raoteriwanhothátsera.

Hebrews 10:1

Ne Sitaerononké꞉ha Kaianerénsera iáh tiekaiataiéri tánon iáh teʼiohrihwí꞉io ne tahontaiontenákerasthe ne kwáh kaiatakweʼní꞉ios; kwáh nek khók tsi iotasátare ne iohʼiáneres tákonne. Kwáh tiókonthe ne sáka iehiétaskwe ne iontienkwahronniatákwa, wahtoserohetsʼtánions. Onʼkáti naiáwenhne ne kaianerénsera, tsi nikéntons kí꞉ken iontienkwahronniatákwahs naiakahónnien nonkwesónhas naiakohiánereke ne Ni꞉ióʼne niá꞉ien?

John 5:46

Aseken natsiseȣaȣennarakȣake ne Moïs, askȣa ȣennarakȣake ki oni nii: aseken ii akatennikonra tsini hoiaton.

Zechariah 6:12

Tiorì꞉wa né꞉tho Roiá꞉ner Roshatstenhserowá꞉nen ráton, ‘Rónkwe ne Onénhrah ronwáhiats kwáh enhohianerásten tsi nonhwehnenhréhseke tánon enshanonhsón꞉ni ne Roiá꞉ner raononhsatokénhti.

Isaiah 9:6

Asèken raksáha ronakeráton nonkwariwàke, Roskenrakéta owiráha tionkhiʼiáwi! Ne kahshatsténsera ranenhsáke nón꞉we nikáhere; tánon ne ronhwasénhnawi Roiatanerákwah Ratsenhaieskówa, Roshatstenhserowánen Ní꞉io, né꞉ne tsi nènhwe Kanhísera enkénhake, rahónha Ronwakowánen ne skénnen í꞉ken.

Isaiah 28:16

Ne káti wahón꞉ni tsi nihatónhnions ne Roiá꞉ner Ní꞉io, Satkátho, watsiéntatse tho nón꞉we Zion nahonhnitskwará꞉kwe onénhia, ne ne watenenhiátʼkenhse, ne ne kanenhianóron thenwatʼiosaién꞉taʼkwe, ne ne ioníron tsi enwaʼnitskwáhraʼkwe: “Ne tionkwé꞉ta nón꞉ka nentsiaʼkétakwe kwáh kíʼ iáh thaʼtahiakahonhnaríkʼkhon.”

Psalms 118:22

Nonénhia ne ratinonsónhnis rotikenronhníhon né kanenhiakwení꞉io iahónton ne tsi tekahiósaien.

Zechariah 13:7

Ne Roiá꞉ner Roshatstenhserowá꞉nen rá꞉ton, “Ih꞉tie, asharehkó꞉wa, tánon iatsiatiaʼthón꞉ti thí꞉ken ranónhnhe ne rahtioténhseh! Tienonhwarhià꞉konh, tánon ne teiotinakarontón꞉a tenkonhrén꞉ni. Kwáh ienkhehiatiaʼthón꞉ti nakonhkweʼtahshón꞉ʼa

Hosea 3:5

Onakénhke ne Israerʼró꞉nons rahonhà꞉ke ne Roiá꞉ner Raotiní꞉io niensónhne tánon enhonwaiatísake, tánon ne Táwit raotinontí꞉io í꞉ken; ethò꞉ne enhothiteronhníhake rahonhà꞉ke ne Roiá꞉ner tánon kwáh enhatiié꞉na ne raoianerétsheras noná꞉ken tewenhniséronhte.

Ezekiel 34:23

Kwáh enkhenonhtiʼiotséron tsi ní꞉ioht nakenhátshera Táwit né káti ne énskat khók ahiotiʼiéntake ne ranónnhe, tánon kwáh rahónʼa ensakotenhnikonhráhren.

Isaiah 52:13

Sewatʼkátho, nakenhá꞉tshera kwáh kí enhohʼianerásthen; kwáh enhonwasenhnakaráthaʼte tánon enhonwahiatakaʼráhtaʼte, tánon kwáh í꞉ken tsi èhʼneken enkénhake.

Genesis 22:18

Kwáh ohontsakwé꞉kon nonkwehshón꞉ʼa enionkeriʼwanón꞉tonhse nakheiaʼtaté꞉riste, tsi kiʼ nikheiaʼtateríston ne sahwá꞉tsire ne tiorí꞉wa tsi takewennaráhkwen.”

Hebrews 9:8

Ne Ronikonratokénti teioswátʼthe tsi sakorihoniénnis kí꞉ken nahorihoténsons tsi ní꞉ioht tsi iahiontáwehiate ne kwáh íken tsi iotokénti ionáktaien iáh ahrèkho tekanotónkwen tsi nikaríhwes ne átsthe nòkwahti natósherah shékon nikáthe.

John 5:39

Seȣatennikonraren tsi seȣaȣennanotons ne kaiatonseratokenti, nese ȣahi seȣaniahesen aheseȣanatonhase tsiniieiothahinon ne Karonhiake, neh oni kariȣanirasts nakeriȣasonha.

Zechariah 14:4

Ne thóh nenhkahá꞉wike tsi ionónhte ne Olives nón꞉we natenhátahne, né꞉ne tsitkarahkwí꞉nekens nokwá꞉ti ne Jerusalem. Ethò꞉ne ne tsi iohnónhte ne Olives tenwahtó꞉ren tsitkarahkwí꞉nekens tsi nió꞉re ne tsi iaʼtewatséntos kowá꞉nenh ahonráhkwakon enwá꞉ton. Sahtehionnonhtí꞉en othorè꞉ke nienkaié꞉rahte nenhiotáhtere entiè꞉ne ne nienhkaié꞉rahte.

Daniel 7:13

Tsi ní꞉ioht tsi waʼkatkahthóseron ne tsi niwahsón꞉tes, kwáh né ne ón꞉kwe teskaieróntare tsi wahíken. Tsi nón꞉we ní꞉keʼs nontahawenonhátie teiotshátare ne raiaʼtákta, tánon eʼtho niaháre tsi niká꞉ien ne wahónnise shihrónnhe tánon waʼthonwatenròseron.

Daniel 2:44

Né꞉ʼe nenkahá꞉wike né ratikoráhshon tsi ionhwentsiá꞉te né Rawenni꞉io ne karonhià꞉ke enhanakerahserón꞉ni né ne iáh nonwén꞉ton thiiaontókten. Iáh ó꞉ni nonwén꞉ton thiiakonwaʼshén꞉ni, nok kwáh ienkakóntahkwe tsi eniakotkóntenʼ né ó꞉ia raotinakeráhsera tánon eʼthó꞉ne tsi nén꞉we tsi enkatátie.

Ezekiel 17:22

Kén kíʼ nahó꞉ten ne Ronhnontí꞉io Roiá꞉ner ratónhnions: “Kwáh Í꞉i entkeronhthohaʼráhko ne kwáh karónhtes nonenhthakwénte tánon éntsiake ne ónhwak ionhathontáhon; kwáh Í꞉i ienhtshiéntʼtho ne kwáh tiotehnónhthaʼte,

Jeremiah 23:5

Ne Roiá꞉ner ráton, “Táwe nekawistáheks nónen enhihiaʼtaráko ahononhtí꞉ioʼke ne tronkwetaʼiéri tsi nitotwatsirínonh ne Táwit. Nètho ronnonhtí꞉io kwáh kariwaʼkwahrishonʼtsherákon tsi enhashá꞉riʼne ó꞉ni thóhʼnenháiere ne tkariwaiéri ó꞉ni ne kaiáneren ne ne kwáh ohontsakwékon.

Numbers 35:25

Né khók ensewánhike ne sewaterihwatewáʼthon íken, tánon ne ienákere entietshiniákenhte tsi nó꞉kwah ne iakawenhéhion ronhtátenonhkwe, tánon tsitʼkanatowánen nenhtsetsiʼiaténhawe tsi nónhwe iesewaniakenʼne. Tánon thóh nónhwe iensewaná꞉kereʼke tsi nióre ienhrénheʼie ne kwáh é꞉neken thótʼthe ratsihénstatsi íken.

Numbers 21:8

Ethòne ne Roiá꞉ner wahoróri ne Mahís karístatsis nahó꞉ten rón꞉niat nóniare tánon kanakarahkénhiate ieroháren, ne káti nahónton tsi nihiákon ne óniare iakokárionh nahiontkátho tánon nahonsahieiewénhtane.

Genesis 3:15

Tanon ne entsien ní꞉se ó꞉niare tánon ne tsothonwí꞉sen ne tentsatatswensehke tánon tsi nathenhontereke ne sehiohokónha tánon nakohiohokónha; thenhianonhtsistarihte, tánon ní꞉se ientshiatiatón꞉ti tánon entshiakó꞉tarike.”

John 3:14

Nok tsini hoieren ne Moïs tsi roniarakestskȣen Kahentake koȣa; etho oni neneh nenhiaȣenne nʼOnkȣe Roienha enhonȣaiatakaratate.

Luke 24:46

Oni ȣahenron: etho niiot tsi kaiaton; eh oni nateiotonȣentsiohonne neh enharonhiaken ne Keristos, nok nasen-aton nonta tahontahatkestsko ne kenheiatne.

Jeremiah 33:14

Ne Roiá꞉ner wahénron, “Táwe ne kawistáheks nónenh ne enkénhaʼne tsi niʼkhehiarahratsʼténni nonhkweshón꞉a ne Israeronónhke ó꞉ni ne Judah nónhwe.

Genesis 49:10

Ne Judah kwáh enhoienawaʼkónhake ne kanontiió꞉tshera aóʼnhia, Tánon ne tsi nienhathwatsi꞉rine tió꞉konte enhatikó꞉rake. Nonkwehshón꞉ʼahs ohwísta enhonwakariaʼkséhake tsi niwathwistaró꞉roks ne kanakerahserá꞉kon; kwáh tsi niió꞉re nonkwehshón꞉ʼa ráonha raonkweʼtaʼshón꞉ʼahs enhón꞉ton. Tánon teniontshaʼktón꞉sheke ne raohén꞉ton tsi nenhonwawennaráhkhwake.

Genesis 14:18

Tánon ne Melchizedek né ronnontí꞉io í꞉ken ne Salem tahanaʼtarénhawe tánon otsí꞉tsa tahanekénhawe; ráonha ne ratsihènhstatsi kén꞉ne, ráonha roiotʼénhse ne Rawenni꞉io ne Kwáh É꞉neken Thótte.

Hebrews 7:1

Kí꞉ken Melchizedek raónha ne Ronontí꞉ioʼkwe ne Salem nónwe tánon raónha ne ratsihénstatsi tsi nòkwa ne Rawenni꞉io ne Kwáh É꞉neken Thótte. Né Abraham shatontahotentionhátie ne tsi wahterí꞉iokwe shakoshennionhátie ne kaiéri nihatinontiʼiotsheráke, Melchizedek iatoteráhte tánon wahohiatatériste,

Hebrews 3:5

Mahís rorihwahtókenʼne ne Rawenni꞉io raonónskon tsi ranhátsheraʼkwe, tánon né rotarákwen tsi nahorihoténsonsʼkwe ne Rawenni꞉io enhénron tsi niahawenonháti.

Acts 7:37

Rahónha ne Mahís sakoróri ne Israerʼró꞉nons, ‘Enthoténiehte ne rotokénhse tsi ní꞉i ní꞉ioht ne kwáh ne sehsewahià꞉ta.’

Luke 22:37

Aseken ȣakȣarori tsi iatekakonte oni neneh eh niiaȣensere, oni enkahnane tsini kaiaton nii kiatatake. Eh nontahonȣatate tsiniiot ne tsiakoteriȣateȣaton. Aseken oriȣiio onȣe tsi onen eh niiaȣensere tsiniiot tsi teȣatrori nii akeriȣake.

Luke 21:22

Aseken onen nehne kareȣatatsera enȣenniserontakȣen; noriȣakȣekon akanane tsini kaiaton.

Luke 9:44

Seȣataonsatat tanon kehiken nikaȣennotens: Aseken ienȣatenniseriheȣe nenhonȣaiena nonkȣe Roienha oni enhonȣatsiakȣarisi rahotisnonke ne ronnonkȣe.

Matthew 26:56

Akȣa ki tanon neok ne tahotiȣennaierite tsi nahaȣenseron, tsi nihotiiaton ne Rotitokensehakȣe Ethone neraotiokȣa ȣahonȣateȣentete nok ȣahonteko.

Matthew 26:54

Oh kati tanon naiaȣenne naiotiȣennaierite tsini kaiatonnion kenton ehse nenhiaȣenne?

Matthew 16:21

Ethone oni onen tahatasaȣen ne Iesos ȣasakorihotasien ne raotiokȣa tsi iatekakonte Jerusalem niienhenre, nok etho nonȣe eso enthonȣaronhiakente ne Ratitsihenstakȣeniios oni ne Ratiiatons; eh oni nonȣe enthonȣario, nok asenhaton nenȣata enshatonnhete.

Amos 9:11

Ne thóh entewenhniserá꞉teke kwáh kí ensetkétsko ne tsi rotaskwahkárenhre ne Táwit ne iorieniénhen, tánon ensetkwahtáko tsi natehiorí꞉hon, tánon ensetkétsko ne iorihwenhtáhserons, tánon enskenonsónhni kwáh tsi nitsotónhne ne wahón꞉nise tkénhne;

1 Tiér 1:11

Ne Rahonikónra ne Kerístos tsi neh ronatsiénni ohénton tontʼróri ne rahoronhiakénsera ne Kerístos tánon ne kahiatanerakwátseras enhiononterátie.

Acts 3:18

Rawení꞉io wahónʼnise tsi náhe thoʼrihowanáthon tsi nithoʼtíhas ne rothitokenséhawe ne Kerístos tsi enharonhiáken, tánon neh warónniaʼthe neh oriwí꞉io ahónton kí tsi naháwenʼne.

St. Mark 9:31

Sakorihonniennihakȣe sane ne raotiokȣa raton-hakȣe: iatekakonte nonkȣe Roienha tsi ȣahonȣateȣentete rahotisnonke ne rotiriȣaneraakskon, enhontennhane enhonȣario; nok ki tanon nonen enhaȣenheion, asenhaton nenȣata enshatatonnhete.

Matthew 1:22

Neh ȣahonni etho nahaȣenseron nahoȣennaierite ne Niio, Rotitokensehakȣe ronȣaȣennakaratatskȣe, ratonhakȣe:

Acts 2:27

Asèken iáh thóh tiaskátʼkaʼwe tsi tiohontsiá꞉ien ne kenhéion; iáh tasatʼthóntaʼte ne rohriwatóken sanhátsera nahohiatát꞉ken natʼtsathonkwákon.

Acts 13:40

Satatenikónrahrak, káti, nehne tsi nahóten rónen ne rotithokenséhakwe neh tóhsa níse thóh nahisahiátawen: