Luke 22:37 - Ohiatonhseratokénti

³⁷ Aseken ȣakȣarori tsi iatekakonte oni neneh eh niiaȣensere, oni enkahnane tsini kaiaton nii kiatatake. Eh nontahonȣatate tsiniiot ne tsiakoteriȣateȣaton. Aseken oriȣiio onȣe tsi onen eh niiaȣensere tsiniiot tsi teȣatrori nii akeriȣake.

Neh Nase Tsi Shokȣatakȣen 1880 (4 Gospels by Joseph Onasakenrat)

³⁷ Aseken ȣakȣarori tsi iatekakonte oni noneh oh niiaȣensere, oni enkahnane tsini kaiaton nii kiatatake. Eh nontahonȣatato tsiniiot ne tsiakoteriȣateȣaton. Asekon oriȣiio onȣe tsi onen eh niiaȣensere tsiniiot tsi teȣatrori nii akeriȣake.

Luke 22:37 Referans Kwoze

Isaiah 53:12

Né ká꞉ti aoríwa kwáh enhirákwaʼse ostónha skát꞉ne ne ratishátsʼtes, tánon kwáh thensakohiakhónhaʼse ne kanénskwen skát꞉ne ne ratiʼshátsʼtes; tsioríhwa tsi iahathatáʼkaʼwe ne kenheiátʼne, tánon éh nontahonwátaʼte tsi ní꞉ioht ne ionkwetaksénskwa; ethohʼsàne wahathá꞉wa ne karihwáneren ne iakotsiokowánen akorihwáke, tánon wasakoʼterenhnaiénhase ne iakorihwaneraháts꞉kon.

2 Corinthians 5:21

Kerístos iáh nowén꞉ton tehorihwanéren! Nok ne Rawenni꞉io eh nontahó꞉tate tsi shí꞉ken ní꞉ioht ne ahorihwanéren, eh naontá꞉we ne Kerístos ahshonkwariʼwawá꞉se ne Rawenni꞉io ahshonkwaié꞉na.

Luke 23:32

Teniiase oni ne tenonkȣetaksenskȣa iahonȣatiiatenhaȣe nenskatne iahonȣatirio.

Galatians 3:13

Nók tsi wetewatʼrewáthakwe Kerístos sahshonkwahiatáko tsi niʼiakorewátha tsi nitkáhas ne kaianerénsera. Nónen ne kaiasáke sahonwahiatiháren, rahónha wahtathatékwase ne karewathátsera tsi naʼtehionkwaterientawénrie. Asèken noriwatokénti wáton, “Nónka neh iakohiaténton ne karontáke neh tsi Rawenni꞉io sakorewáthon.”

John 17:4

Konsennoȣanaton nonȣentsiake, onen ȣakeriȣaieriton tsini skennhaon.

John 10:35

Toka kati nonȣa Niio iakohnatonkȣen tsiniiakon iontataronkatenni ne Niio raoȣenna (iahse sane teseȣateȣatane tsini kaiaton).

Luke 18:31

Ethone ne Iesos ȣasakoiatotarho ne tekeni iaȣenre Nihatikȣekonne, nok ȣasakaȣenhase: kehiken nonȣa Jerusalem ȣeteȣe, onen akȣekon enkanane tsinihotiiaton ne Rotitokensehakȣe nonkȣe Roienha raiatatake.

Luke 22:22

Akȣa ki ok iatekakonte tsi satentionhe nonkȣe Roienha tsini kariȣataton; nok ki tanon rotentasere onka ne ronkȣe enhotenninon.

St. Mark 15:27

Teniiase teninenskȣaskȣe ȣahonȣariskonte tsi ȣathonȣatiientannharen, Saiatat tsi raȣeientetakon nok saiatat sanekȣati.

Luke 22:36

Nok tontahenron; onen kati nonȣa irastst ne ronatatseraien, nok oni ne roiaraien, nok onka iah tehossaraien nassarekoȣa rotenninon ne rahotiataȣit nok enskat rassaraninon assarekoȣa.

Luke 22:52

Ethone oni ne Iesos ȣasakaȣenhase ne ratitsihenstakȣeniios oni ratisennoȣanens nok oni ne rotikstenhokonha ne ronȣaienasere, ȣahenron: shoteriȣateȣaton kenh hetsiseȣaienasere tsi seȣassarenhaȣinontie nassarekoȣa oni ne kannhia?

Luke 24:27

Ethone oni ȣasakohnikonraientaten tsini hotiiaton nʼOiatonseratokentike, ne Moïs oni ne Rotitokensehakȣe ne raonha raiatatake.

St. Mark 15:28

Onen are nehne Iakaierine tsi ȣaton tsi Kaiaton: eh nontahonȣatate tsiniiot nonkȣetaksenskȣa.