Luke 2:7 - Ohiatonhseratokénti

⁷ ȣarennakerate ne roienha neh oni ne takoȣanen, oniataraasonha ȣattoȣaȣenhekte nok tsi kontekȣaientakȣa ne katsenen ȣahoiationnite, aseken iah tehotinaktatsenrion tsi iosȣenkarentonnion.

Neh Nase Tsi Shokȣatakȣen 1880 (4 Gospels by Joseph Onasakenrat)

⁷ Sarennakerate ne roienha neh oni ne takoȣanen, oniataraasonha ȣattoȣaȣenhekte nok tsi kontekȣaien-takȣa ne katsenen ȣahoiationnite, aseken iah tehotinaktatsenrion tsi iosȣenkarentonnion.

Luke 2:7 Referans Kwoze

Galatians 4:4

Nók nónen shiaʼhontenniseríhewe ne Rawenni꞉io shiatoriwaiéntase, tahothéniethe ne Roiénha. Tsi wáraʼwe iakónkwe kanisténsera wahónton neh ronwaiénha waháton tsi warennákerathe, tánon neh skátʼke rathiteróntakwe nehne thoʼnethákwen ne Sitaerononké꞉ha kaianerénsera.

John 1:14

Nok Onkȣe rotatonni nʼOȣenna, onȣentsiake ȣarennakerate, nok ionkȣatkatton ne rahoiatanerakȣatsera, eh nihoiatanerakȣatseroten tsini hoiatanerakȣatseroten nʼenskat ok Niio Roienha, titkahere atanitenrasera oni ateriȣakȣarisionsera.

2 Corinthians 8:9

Akwé꞉kon sewaterién꞉tare ne Shonkwaiá꞉ner Iésos Kerístos tsi iaʼtekaié꞉ri tsi nithorihwaié꞉ri tánon tsi nihshonkwanorónhkhwa, akwé꞉kon rohtsakwaríhsion ne raohtshokowáhtshera ó꞉ni wahotén꞉taʼne, eh naontá꞉we ní꞉se aiesewakwáhtsheʼne.

Matthew 1:25

Nok ki tanon iah othenon tehaieren tsiniiore iarennakerate ne takoȣanen roienha; nok Iesos ȣahonatonkȣe.

Matthew 8:20

Tontahenron ne Iesos: Iohnatsonhionton naha ne Tsistso, nok kontsinakonni notsitenhokonha; Nok ne Niio Roienha akȣekon iah tehoien natkonsera.

Isaiah 7:14

Né ká꞉ti aoríhwa ne Roiá꞉ner rahonhatsíwa éntʼhion natenienhténtsera. Satkátho, ne kawí꞉non í꞉ken iowiraientásereh tánon enhionekenteronhtsheraiéntaʼne, tánon Immanuel enhonátonhkwe.

Matthew 13:55

Iah kenh naha neh teken ne rasȣenkaraketas ne Roienha? iah kenh naha Onȣari tekonȣaiasts ne ronistenha, nok ne tehontennontere, Sak, Sose, Simon tanon Jude.

Psalms 22:6

Nók I꞉i notsinonwahnéta í꞉ken, tánon iáh ónkwe thèken; iontkenrenhserónhnis notsakésons, tánon wahonkʼkénron nonkweshón꞉a.

Luke 10:34

Akta niiahare nok ȣahokentoronnion, nok ȣarenhienarhoseron oni otsitsia tahonekonti; nok raonha sahostskȣaren raosatensne tsi tiosȣenkarenton iahohiatinionte akȣa oni otokenhon ȣathosniene.

Exodus 4:24

Tsi nónhwe nihiokwènhrahre niʼhonthatosehró꞉taʼkwe tsi nieiawénon ne Egypt, ne Roiá꞉ner wathiatátken ne Mahís tánon wahateʼniénten nahoʼnonhwarhiá꞉kon.

Genesis 42:27

Nó꞉nen ne shaià꞉ta sahahnhotón꞉ko ne raó꞉iare nahonekerá꞉nonte ne raotshé꞉nen tewahónhtes tsi nón꞉we iaʼthatí꞉taʼne noʼkarahsnéha ne tsi ahontaʼtohseró꞉ten, wahatkáhtho ne raohwísta thóh é꞉neken nonatsà꞉ke káhere tsi waʼthaiará꞉kwarihte.

Genesis 43:21

tánon shíaʼákwawe tsi nón꞉we iaʼakwataʼtohseró꞉ten waʼtiakwaiará꞉kwarihte nonkwá꞉iareʼs, tánon tho é꞉neken kaiará꞉keʼs kahrónnionʼs ne tiakwaiaʼtátshonʼs onkwahwístaʼs, nonkwahwístaʼs kwáh iekakonʼtsheraié꞉riʼs, katiʼ nek tsakwahá꞉wi.

Luke 2:6

Tsinikariȣes etho ienes onen iakaheȣe naioȣiraientane.

Luke 2:8

Iah ihnon tehken eh nonȣe, katsenen sakohnaststerista astste ronnonȣestskȣe nok asontakȣekon sakotinonnaties ne raotitsenenhokon.