Luke 17:16 - Ohiatonhseratokénti

¹⁶ Nok rasitakta ne Iesos sahatiskȣentaron tehononȣeratons. Samaritan tohiken nakaiatoten.

Neh Nase Tsi Shokȣatakȣen 1880 (4 Gospels by Joseph Onasakenrat)

¹⁶ Nok rasitakta ne Iesos sahatiskȣentaron teho-nonȣeratons. Samaritan tohiken nakaiatoten.

Luke 17:16 Referans Kwoze

Matthew 10:5

Ȣasakaȣenhase ne raotiokȣa tsi iasakotori; ȣahenron: tosa tanon eh niiahaseȣe tsi ratinakerenion ne kaiatonni ratisennaiens, iah oni tsi rohnatenataien ton ne Samaritanronon.

Revelation 19:10

Eʼthó꞉ne thóh waʼtiá꞉taièn꞉tane rashí꞉tát꞉ta nahishén꞉naien, ók wahakénhase, “Ní꞉se iáh teió꞉wenk ne naʼshé꞉re! Í꞉ih tánon ní꞉se teionkeniriwaienawákon ionkenihió꞉te skátne ne sewatenroshón꞉as ratikwé꞉kon ne ronón꞉ha ratihá꞉we norihwí꞉io né꞉tho Ié꞉sos rorihotáshion. Ahonwashén꞉naien Ní꞉io!” Asè꞉ken noriwihioón꞉we né꞉tho Ié꞉sos rorihotáshion neh iakoshatstenserá꞉wis nonkweʼokon naiontʼró꞉ri ne Ní꞉io raoteriwanhothátsera.

Revelation 5:14

Tánon ne kaié꞉ri nihá꞉ti ne rononhénion kárhios wahonhní꞉ron, “É꞉tho niiá꞉wenh!” Tánon ne ratiretsárons wahatiiatiénenhne tánon waonwashén꞉naien.

Revelation 4:10

ne tewáhsen kaiéri nihá꞉ti ratirehtsá꞉ron wahatiiataién꞉taʼne raohén꞉ton tsi niká꞉ien né꞉tho renskó꞉te anitskwará꞉ne, tánon wahonwashén꞉naien tsi niká꞉ien ne raónha enrónhneke tsi nén꞉we tánon tsi nén꞉we enkénhake; thóh wahatí꞉ien ne raonanonwaró꞉re ohén꞉ton tsi wanitskwaráhserote, tehothiriwákwen, nónen thoh nenhotí꞉iere,

Acts 1:8

Nók nónen ne Ronikonriʼióston entsisewahiatórenʼne, kwáh ensewahiatanánonʼne ne kasatsʼténsera, tánon í꞉se enskwariwaníratʼtse ne Jerusalem nónwe, kwáh kanakeraserakwékon ne Judea ó꞉ni ne Samaria, tánon ó꞉ni ne tsi iehiotonwentiokʼtaní꞉on.”

John 4:9

Takenron ne kenhen tsiothonȣisen Samaritanronon: oh neneh niiotieren tsi takeriȣanontonni akonhnekanonte Sitaeronon ȣahi nasiatoten nok nii Samaritanronon? Iah ȣahi naha tatehatitarha ne Sitaeronon tanon ne Samaritan-ronon.

John 8:48

Ethone ne Sitaeronon tontahonȣaȣennaȣeron nok ȣahonniron: Iah kenh naha tetionkȣaieriton tsi ionkȣen Samaritan nasiatoten, nok sanesonronontseraien?

John 5:23

Eh naontaȣe akȣekon ahonȣakonnienste ne Roienha, tsi nihonȣakonniensta ne Roniha. Onka iah tehokonniensta ne Roienha iah ki tehokonniensta ne Roniha, aseken raonha thotennieton.

Luke 5:8

Tsiniiot tsi ȣahatkatho ne Simon Tier, ȣathotontsothase Iesos, raton: Seȣenniio! Ehren asete ne kiatakta: aseken ȣakeriȣaneraakskon.

St. Mark 5:33

Nese ȣaonni ȣahoteronhienten ne Tsiothonȣisen, oni ioterientaratsion tsi nahaȣenne naonhake, eh niiahahe nok ȣathotontsothase nok oriȣakȣekon ontrori noriȣiio.

Matthew 2:11

Iahontaȣeiate, etho ȣahonȣaiatatsenri raksaa nikȣekon ne ronistenha Onȣari, ȣahontiskȣentaren tsi rentakere nok ȣahonȣaȣenniioste. Ȣahatinonteksi ne rahotihnata nok ȣahonhion, oȣistanoron, kanetanoron, kaienkȣarakon nok kanonkȣatseranoron iontatiatokasta.

Genesis 17:3

Eʼthó꞉ne né Abram wahatatiaʼtiè꞉nenhte kwáh tshiahakonhsó꞉taʼne nonwentsà꞉ke; tánon ne Rawenni꞉io wahawènhahse,

Luke 17:17

Ethone ne Iesos tahatati, ȣahenron: Iah kenh toshotiieȣentaon noieri nihati, kah kati niiehonenon ne tioton sekon nihati?

1 Corinthians 14:25

Tsi nahoténsons rohtiriwahshé꞉tons ne raotinikónrahkons ónenk tsi enhontʼróhri, tánon ónenk tsi tenhontentʼtsóten ó꞉ni enhonwahsénnaien ne Rawenni꞉io, rónhthon, “Oriwiʼiohónwe tsi sewahkónkon ne Rawenni꞉io kíʼ kénʼen!”