Luke 13:34 - Ohiatonhseratokénti

³⁴ Jerusalem, Jerusalem ise ne sheiaȣenttos ne Rotitokense, nok shenenhioiaks ne tiesatennietenni! toh niioriȣake ȣakatenienten nakheiataroroke ne Seienhokonha, tsinikaierha ne kitkit tsi iakoiataroroks nakoienhokonha kaneraontsokon, nok iah tesathontaton.

Neh Nase Tsi Shokȣatakȣen 1880 (4 Gospels by Joseph Onasakenrat)

³⁴ Jerusalem, Jerusalem ise ne sheiaȣenttos ne Rotitokense, nok shenenhioiaks no tiesatennietenni! toh niioriȣake ȣakatenienten nakheiataroroko no Seienhokonha, tsinikaierha ne kitkit tsi iakoiataroroks nakoienhokonha kaneraontsokon, nok iah tesathontaton.

Luke 13:34 Referans Kwoze

Acts 7:52

Ónhka onhtèken ne sewasótʼtseras neh iáh tahonwatironhiakénton ne roʼnatiatatkonkwe? Ronwatinonwáriakon ne Rawenni꞉io rahonkwetaʼsónhasʼkwe ne ronteriwanótha, raónha ne wahónʼnise tsi náhe thoriowanáton tsi ént꞉re ne tronkwetaiéri rahonátsera. Tánon kíʼ nónwa ónen etʼtsisewatennínon ó꞉ni wahtsisewáseh꞉the.

Isaiah 30:15

Asèken ne aoríhwa rá꞉wenh ne Roiá꞉ner Rawenni꞉io, né꞉ne Rahonhatsíwa Roiatatokénti í꞉ken Israerʼronónke: Tsi nathentése tánon satorísenh kwáh kí eniesahiatanónsthaʼte; sakʼthiʼkénhak tánon tasetakwénhak kwáh kí né sashatsténhsera enkénhake. Ók iáh tesatʼthontáton

Luke 23:28

Nok ne Iesos tontahatkarhateni nok ȣahenron: Jerusalem-ronon, tosa teseȣasentho nii akeriȣake; ise tanon teseȣatatasenthos, nok oni neh ne ietsiienhokonha.

Luke 19:44

Nok enhiesanatarisi, ensakohnaȣentho seienhokonha niseke ienakere; Nok iah oni tahonenre nenskat oni takanenhiaserake, ne tsi iah tesenniseraientereon tsi iataȣeiatennine ne Niio.

Zechariah 1:4

Tó꞉sa shaieʼtsiiénrenk ne ietsisoʼthonkonhkén꞉en. Wahón꞉nise tsi náhe ne rothitokenséhakwe teshakoná꞉wi nahkateriwahnhothátshera, shakothiró꞉riskwe ne tó꞉sa kariwáksen tsi ní꞉ioht tsi ahonónhnheke, tó꞉sa ne kariwanerahaktsherá꞉kon akénhake tsi ahonnónhnheke. Ók iáh ki tehionkathahonshá꞉tahton khés nahionkewenhnaráhkwen.

Hosea 11:7

Nakonkweʼtashón꞉as tehonatsiatonháties tsi nihonatekwenháties nakonhà꞉ke. Né꞉ne kwáh è꞉neken tókte iehonwanatónhnions, ók kwáh ki iáh tesakowisarakwénhnis.

Hosea 11:2

Sénha ienkhená꞉ton, sénha kí éhren enhónhnete nakonháke; iehotikonhtákwen ne konwateskontáni Baals, tánon kahiatón꞉ni ne konwatsienkwaronhniathénis.

Jeremiah 6:16

Ne Roiá꞉ner washakawénhase ne rahonkwetaʼshón꞉a: “Tsi thetsiathahásehre iatesehwáhtanh tánon tesehwatʼkathónnionf. Sehwahrihwanónhton ne ohahakáhion tánon kanónhwe ne kwáh tsiohahí꞉io. Thóh nónhwe nashaténti, tánon skénnen tsi enshón꞉nheke.” Ok wahonhní꞉ron, “Iáh, kwáh iáh thahiakwatónhtate!”

Jeremiah 2:30

Kwáh rewáhthon, ók iáh èh tehiorihonthákwen; iáh teskwahriwáhwi nahonshaʼkwahthakwaríshion. Tsi ní꞉ioht ne kahsehró꞉hen kénreks, wáhseh hiásehthe ne shonkwétah rothitó꞉kense.

Psalms 36:7

Tsi niwé꞉so satèkena ne iorihwaʼtó꞉ken sanoronhkwátshera, Ó Ní꞉io! Tèsehnes nonweshónha kwáh tsi ní꞉ioht ne kítkit tsi iakohiataséhtha nakohiohokónha ne kanerahontsiókon;

Ruth 2:12

Aiá꞉wens ne Roiá꞉ner tahiariʼwaserakwáhse tsi nisatié꞉ren. Aiá꞉wens káti ó꞉ni kwáh otokén꞉en tahiariʼwaserakwáhse ne Roiá꞉ner Rawenni꞉io ne Israel tsi kén꞉en nontáhse nahiaiaʼtanónhstate!”

Matthew 22:6

Otiake ȣasakotiiena ne kannhatsera ȣasakotikonrenseronni oni ȣasakohnaȣentho.

Matthew 22:3

Iasakotori ne raonnhatsera nasakotinonksa ne iontathonkaraȣi; iah tanon onka tetiotention.

Lamentations 1:16

“Ne kíʼ aoríhwa ne kharáke kwáh thitewakʼkhaseráheʼrhe. Iáh ónka taiekwéni naionkenikonranírate; iáh ónka taiekwéni naionkenikonráhreke. Ne iónkswens ionkesénnion; nakonkwetaʼsónha kwáh iáh othénen tesohthíʼien.

Isaiah 50:2

Onhnontiéren tsi iáh ónhka thóh tèienskwe ne sháʼkewe? Nontiéren tsi iáh ónhka thaʼieiakorihwasehrá꞉kwen shaʼthontonkhénrete? Niskaʼtianésa kén, tsi iáh takakwéni nahonsahiakoniá꞉kente? Khés iáh tesewakeshatsʼtenhseráien nahonsakʼkhenónsthate? Né tsi wakatewenhnaiéntonʼwe wasthátʼthate ne kaniatarakhekó꞉wane, Né wakónhniaʼte ne tsi kaniataraténions iahonwenhtsaʼthénhake iahónton; nahotiʼtionʼshón꞉has waʼkentsakérane ne tsi iáh teskanekáien, tánon wahonhníheʼie ne tsi nihotiʼniatáʼthens.

Psalms 91:4

kwáh enhiaróhroʼke tsi ní꞉ioht ne kítʼkit tsi iakohiataséhtha nakohiohʼokónha kanerahontsiókon, tánon ranerahontsiókonh nón꞉we nisataséhthaʼkwe; ne Rawenni꞉io rorihwaʼtóken kwáh kíʼ enhiaiatanónsthate tsi ní꞉ioht ne tehioniatasthákwa.

Psalms 81:13

Ó tsi nikaská꞉neks nakonkwetaʼshón꞉has nahionkatahónsathaʼte, nètho nʼIsraerʼró꞉nons nahionkewénhnaraʼkwe!

Psalms 57:1

Takiténhrak, Ó Sewenní꞉io, takiténhrak, asèken shonháke nón꞉we nakatón꞉nhets niʼiotekwáhsen; né tsi iotasátare ne sanerahón꞉tsa nón꞉we nenhkatekwáhsen, tsi nió꞉re ne iakothóntha kawerowánen enwaʼtó꞉hetste.

Nehemiah 9:30

Asè꞉ken wé꞉so ioserá꞉ke sehiatenikonrí꞉ioston tánon sherihowanhathénhni thóh sanhakwatsherá꞉kon ne rontsá꞉nakes ne rotitokénhse; ne kit sá꞉ka iáh teonathahonsatháton, ne káti aoríhwa ní꞉se tashé꞉ion thóh rontsá꞉nake nonkweshón꞉a ne tsi ionhontsá꞉ien.

Jeremiah 35:14

Ne Jonadab sakoienʼokónha ronatewenhnaráhkwen tsi nihoriwahtáton ne tó꞉sa ahatinekírah notsítsa, tánon kwáh nónhwah ne kénʼen wenhnisehrahténions kwáh iáh ónhka tekahnekírah notsítsa. Ók kíʼ iewakʼkonthákwen tsi kwahtharáhni, tánon kíʼ iáh teskwahwenhnahráhkwen.

Jeremiah 26:23

Sahonwahiáthiʼwe rahohénton ne Ronnonhtí꞉io Jehoiakim, wahathénnhaʼne nahonhwahnonhwarhiákon tánon ne rahohierónta tsi tionʼthatsathatahástha iehonáhti.)

Psalms 149:2

Ánion Israerʼró꞉nons ronatʼtsenhnonhníhak rahonháke ne sakohiatíson; ánion nakohiohokónhas ne Zion ronatonnárat rahonháke ne sakononhtí꞉io í꞉ken.

Nehemiah 9:26

“Ók iáh tehontewenhnaráhkwa tánon rotinontsistahní꞉ron tsi nokwáh ní꞉se tánon í꞉se iehonátses ne sahianerénhsera thóh ratishón꞉ne tánon sakotinonwarhiaʼkhónhnion s rotitokenséhakwe né꞉ne ronónha rotirihwaní꞉raton tsi nokwáh ne ronónha ne nahónton tahonsahontkarahté꞉ni isé꞉ke niahonsahón꞉ne tánon tsi nihonahtié꞉ren kowá꞉nen rotirihwaiesá꞉ton.

Deuteronomy 32:29

Iáh tehathikwénies nahontkátho nonhtié꞉ren tsi ronhwathishén꞉nion; iáh tehathikwénies nahotinikonhraiéntaʼne tsi nihiá꞉wenhen.

Deuteronomy 5:29

Tó꞉ka shí꞉ken tió꞉konte ki é꞉tho nahonhnonhoténhseke! Tó꞉ka shí꞉ken tió꞉konte aiontkweniénstake tánon akwé꞉kon ahontewenhnaráhkwake nakeriwatà꞉tsheras, káti norihwakwé꞉kon tsiahioiánerenhne ne raotirì꞉wake ó꞉ni tsi nienhontwatsí꞉rine tsi nénhwe.

Revelation 11:8

tánon ne iawenhé꞉ion raotiierón꞉tas kwáh thóh enkaién꞉take tsi iohatátse ne kanaʼtakwení꞉ioke ne kanatowanénhke ne né꞉tho iekariwáken konwanaʼtónhkwa Sodom tánon Egypt, thóh nón꞉we ne Sakoiá꞉ner natehonwaientenhnárenh.

Acts 8:1

Saul wahariwanírate tsi ronwaséhton ne Stephen. Kwáh neh sahenʼnísera neh Jerusalemró꞉nons thonʼtásawen wahathironhiáken. Akwékon ne tiakawetákwens tsiatehonarénion nahotonhontsiáke ne Judea ó꞉ni ne Samaria.

Acts 7:59

Kwáh tsiahatikóntawe ronwanenhióiaskwe ne Stephen, nehne raónha Roiá꞉ner hiahonáthon, “Saianer Ié꞉sos, tiénah nakwatónʼnhes!”

Luke 15:28

Nok tsi nahonakkȣen iah teshothontaton niahonsahotaȣeiaton; Onen ki ne roniha iahaiakenne nok ȣathorhotonnion oh naiaȣennekenha aonsahataȣeiate.

Joel 2:23

Tesewahénret natsenhnonhniá꞉tsheras, sewahioʼokónhas ne Zion, tánon sewatonhná꞉rak rahonhà꞉ke ne Roiá꞉ner ne Sewaní꞉io í꞉ken; asè꞉ken thiatenietén꞉ni nokenhnorésera thóh raoriwakwarishiontserá꞉kon; enthiateniéhten niatakaié꞉rike nokenhnorésera ne kanekákene tánon ne kokwitè꞉ne.

Lamentations 4:13

Nok thoniʼiawén:en, iehonataweiáthon neh tsi rothiriwáneren nahonkwetaʼsónhas ne iehathiriwákens tánon nahotsihénstatsis rothinhíkon Neh tsi ronnónha rothirihónni iakawenhéion nónkwe ne iathénen tehothinhíkons.

Psalms 17:8

Thóh ní꞉ioht tsi taskene tsi ní꞉ioht tsi teshé꞉nes ne ská꞉rake; tatsá꞉taset thóh tsi iotasahtare ne shá꞉nerahòn꞉tsa;

Jeremiah 35:17

Káti nónhwa, Í꞉i, ne Watiá꞉ner Keshastsʼtenserowáhnen, ne kheʼNí꞉io ne Israerʼró꞉non, enkwaiénhaʼse ne tiónkwe ne Judah ó꞉ni ne Jerusalem oriwahkwékon ne kahkaronniátshera ne wahkarahrátston. Kwáh kíʼ thóh nénhtiere tsioríwa tsi iáh tesehwathahonsahtáton nónenh sahkwahthárahse, tánon iáh thaʼtesehwariwahseráhkwen nónenh siakwahnáhton.”