Luke 13:17 - Ohiatonhseratokénti

¹⁷ Neok ne tontahatinekȣentarenne neronȣariȣaiakskȣe; nok nonkȣeokon tehiontenonȣeratonnionskȣe tsi iontkattos nioriȣanerakȣatenion tsini haierhakȣe.

Neh Nase Tsi Shokȣatakȣen 1880 (4 Gospels by Joseph Onasakenrat)

¹⁷ Neok ne tontahalinekȣentarenno neronȣariȣa-iakskȣe; nok nonkȣeokon tehiontenonȣeratonnionskȣe tsi iontkattos nioriȣanerakȣatenion tsini haierhakȣe.

Luke 13:17 Referans Kwoze

1 Tiér 3:16

Nók kwáh tasewateweiénton tánon kakwenienstaʼtserákon kénhak. Sewanikonrihióhak, ne káti nónen enietʼtsinikonrák꞉sate, tsi niháti ne wahétken tsi ní꞉ioht tsi rontátis neh tsi nishotenserí꞉io ne tsi Kerístos tsnonteráties kwáh enhontéhen tsi nahóten rónton.

Psalms 132:18

Né ronwásons ne khehiatonhtákwen natehénsera, ók ne rahónha, ne rahononhwaró꞉reh kwáh thenhiostarát꞉teke.”

2 Timothy 3:9

Nók kwáh kíʼ iáh ainonʼtiáhonʼne, tioríhwa tsi onkwetaʼkwékon enhiontkátho tsi nitonatónnokʼthe. Neh꞉ne kwáh éhʼthoh nihiotihiatawén꞉en ne Jannes tánon ne Jambres.

Acts 4:21

Sók kíʼ ne ratitsiénhaiens ónen sénha iosátste tsi wahonwathiróri tánon sahonwanátʼkaʼwe. Wahóntʼthoʼke tsi tsehioriwákon ne ahonwatiréwaʼthe, tsioríhwa nonkwesónhas tehonwanonwerónnions ne Rawení꞉io tsi niʼiawénʼen.

Luke 20:40

Ethone onen iah onka othenon teshonȣariȣanontonni tsi ok nitioteriȣaieraton.

Luke 19:48

Iah tanon othenon tehatiriȣastsenrieskȣe nahostonte; aseken akȣekon ok nonkȣeokon ronȣaȣennanoronkȣakȣe.

Luke 18:43

Nok oksaok ȣahaken; nok ȣahosere ne Iesos tehononȣeronnionne ne Niio: Nok nonkȣeokon ne ȣaontkatto ȣattonȣanonȣeron oni nehne ne Niio.

Luke 14:6

Iah othenon tehotikȣenion nothenon ahontahonatatike.

Isaiah 45:24

Kwáh rahonháke khók ne Roiá꞉ner, nón꞉we nenhionkʼthá꞉rakwe, né꞉ne karihwaʼkwahrishióntshera tánon kashatsténhsersa; tshiehatiʼkwé꞉kon ne ronhwaná꞉kwase kwáh rahonhàke nentʼthón꞉ne tánon enhonwanatéhate.

Isaiah 4:2

Né éʼtho enwenhniseráteke ne raonhá꞉te ne Roiá꞉ner kwáh kí í꞉ken tsi enwatehiáron tánon enkowanénhake ó꞉ni enwatʼkatotseriʼióhake tánon enhiorihwanerakwáhtonhke, tánon tsi nahoténsons ne kaienthóseras watonhniátha nonhontsáke kwáh kí ne enhontenáieste tánon ne raotiʼiatanerakwátshera enkénhake niaʼtehonathaténron NʼIsraerʼronónke.

Psalms 111:3

Kaná꞉non ne kakweniensthátshera tánon ioráse ne raohiothénsera, tánon ne raorihwakwahrishión꞉tsheras tenkawishástsʼteke tsi nénhwe enkénhake.

Psalms 109:29

Aiáwens ne hiónksons né ahotiʼiatóronhke natehénsera; aiáwens né tahotiwaʼnénhke ne rahonatehénsera tsi ní꞉ioht natserónhnia.

Psalms 40:14

Aiáwenhs tsi niháti ne ronteniéntʼtha nahionkenonwaʼrhiákon, iehiokonhthakwénhak tsi ronhwaʼtisénhni tánon tehonwananitonniáten! Aiáwenhs tsi niháti ne ronatʼtsenhnónhni tsi natewaʼkanikónhrahre sonwaʼnátʼtat tánon ronhwaʼthisenhnáksat!

Exodus 15:11

“Saiá꞉ner, ónhka nó꞉ia ne niʼiohokónhas tahontahieʼsateʼnienténhste? Ónhka ahonsaʼhiesahié꞉renke, ioriwanerákwat iotoʼkénti? Ónhka ahiekwéni nahiakohióten ne ioriwanerákwat ó꞉ni ne kashatsʼtenseroʼwánens tsi nahiéʼiere tsi níse nishié꞉ra?

Isaiah 66:5

Sewatahónsatat né raowénhna né Roiá꞉ner, í꞉se né ensewaiatíshonʼkwe né raoʼwénhnake: Né kwáh í꞉se tionkwetaʼshón꞉has iesáhswenhse tánon iesatewenhtétonne nakʼsénhna iorihonhníhon wá꞉ken, “Ahnion né Roiá꞉ner ronwahiatanerá꞉kwat, né káti nahónton aiawatkátho né satonhnhaʼrátshera”; ók kí ronónha né kwáh enhonwanatéhaʼte.

Titus 2:8

Ne íh꞉sas ne tkawennaiéris né꞉ne tóhsa ahónton naieriwahkátathe, ne nahónton nahonwanatéhate ne iesáshions ne tsi iáh tahatikwéni ne thénen wahétken ahionkhiʼiénhase.