Luke 1:68 - Ohiatonhseratokénti

⁶⁸ Tahonȣanonȣeraton ne Roianer Israerronon Rao-Niio, ne tsi sasakaȣeiarane nok sasakohnerensi ne raotiokȣa,

Neh Nase Tsi Shokȣatakȣen 1880 (4 Gospels by Joseph Onasakenrat)

⁶⁸ Tahonȣanonȣeraton ne Roianer Israerronon Rao-Niio, ne tsi sasakaȣeiarano nok sasakohnerensi ne raotiokȣa,

Luke 1:68 Referans Kwoze

Psalms 106:48

Tehonwaʼnonhweráton ne Roiá꞉ner, né꞉ne sakoní꞉io í꞉ken nʼIsraerʼró꞉nons, né꞉ne tsi nienhénwe tánon tsi nénhwe enkénhake. Tánon onhkweʼtakwé꞉kon ahiaiéron, “Éhʼtho niʼiáwenh.” Tehonwaʼnonhweráton ne Roiá꞉ner!

Luke 7:16

Akȣekon ok taiontonneke nok tehonȣanonȣeronnionskȣe ne Niio; iontonhakȣe: oriȣiio tsi raiatanoronkoȣa nahoketote nonkȣentiokȣakon; nok ȣasakotenre ne Niio ne raotiokȣa.

Psalms 41:13

Tehonwaʼnonweráton ne Roiá꞉ner, né꞉ne Raotiʼní꞉io í꞉ken NʼIsraerʼró꞉non, né꞉ne tsi nénhwe enkénhake. Éhʼtho Naʼiáwenhne.

Psalms 111:9

Thesakoteniéthenhni ne raotihiatakenhá꞉tshera ne rahonkwetaʼshón꞉has; né꞉ne tsi nénhwe enkénhake tsi ró꞉shon ne raoterihwaʼseronniátshera. Iotokénti tánon kwáh í꞉ken tsi iorá꞉se ne raosénhna.

Exodus 4:31

Tahonnhétaʼkwe, tánon ne sahatiʼriwáhronʼke né Roiá꞉ner tsi sakohiaʼthoʼrènʼen tánon rotkathó꞉sehron tsi nihonwahʼnateniaʼkatsʼténhni, waʼthonsáhkeʼte tánon wahonterénhnaien.

1 Kings 1:48

tánon wahaterénhnaien, ‘Thóh teninonhweráton ne Roiá꞉ner, ne Sakoní꞉io Nisraerʼró꞉nonhke, ónhwa wenhniseráte wahahiónhnien saiáta ne tsi kwahtsiraʼthátie wahononhtí꞉iosʼthe, tánon wahakeríhon ní꞉i akatʼkátho!’”

Ephesians 1:3

Ánion thetsitewanonweráton ne Rawení꞉io ó꞉ni rahónha ne kanísera ne sonkwaiáner Ié꞉sos Kerístos! Ne tsi tehionkwateriwasóntere ne Kerístos sonkwahiatateríston neh tsi nitesonkwáʼwi noriwakwékon ne kariwiʼiostóntsera ahohiataterítsera ne karonhiáke tiohontsáte.

Luke 2:38

Eh oni noneh onȣe, ȣathononȣeronnion oni neneh ne Raȣenniio, nok ȣahakororianion ne raonha rahoriȣake tsiniiakon ne iakorharekȣe aonsaiontnerensi ne Jerusalem ronon.

1 Tiér 1:3

Ánion tetsitewanonweráton ne Rawenni꞉io ó꞉ni rahónha Roiénha ne Sonkwaiáner Ié꞉sos Kerístos! Tsioríhwa tsi nikowánen ne rahoténrat thesonkwáwi náse atón꞉nhets neh tsi shokʼhétskwen ne Ié꞉sos Kerístos ne kenheiátne. Neh kí꞉ken kananónk꞉tha ne tewaiéronke ne ionnheʼónwe ahraráhtsera,

Ephesians 1:7

Neh꞉ne rahonekwénsa ne Kerístos tsi nihoronhiakénton tsi rahwenhéion ne Kerístos tionkwatatewenʼnihióʼon, ne ken ton skanikonrénhen nonkwariwaneraháktsera. Tsi nikowánen ne Rawenni꞉io rahoténrat,

1 Chronicles 29:20

Ethó꞉ne ne Táwit washakothárahse nonkweʼshón꞉as, “Tetsisewanonweráton ne Roiá꞉ner Sewaní꞉io í꞉ken!” Tánon kíʼ kwáh kanenhrahkwé꞉kon ne iakotsataró꞉ron watonhwanonweráhton ne Roiá꞉ner, né Sakoní꞉ioʼkwe ne sakotisotʼtonhkonhkénʼen, tánon kwáh ehtáke tsi wathontʼtsákete tánon tahónhion ne kakwenienstátshera ne Roiá꞉ner ó꞉ni ne ronnontí꞉io.

1 Chronicles 29:10

Thóh rahotihénton ne kanenhrakwé꞉kon Ronnontí꞉io Táwit wathononhweráton ne Roiá꞉ner. Wahénron, “Saiá꞉ner í꞉se Tiewenní꞉iokwe né shawatsotʼthonkonhkénʼen Jacob, í꞉se taiesanonhweratónhseke tsi nénhwe ó꞉ni tsi nénhwe enkénhake!

Genesis 14:20

tánon tehonwanonhwerá꞉ton né Rawenni꞉io né kwáh Thótte, ráonha tahshakoiaʼténhawe ne tesewatátswenʼs ne sahtsaʼná꞉ke!” Tánon ne Abram tahá꞉wen orihwakwé꞉kon ne oieríhaton nié꞉ken.

Genesis 9:26

Kwáh ó꞉ni wahén꞉ron, “Thón꞉ion ne kanonhweratónhtshera ne Roiá꞉ner ne Raoní꞉io ne Shem; tánon ánion ne Canaan ne ronwatenahskónniaʼt.

Luke 19:44

Nok enhiesanatarisi, ensakohnaȣentho seienhokonha niseke ienakere; Nok iah oni tahonenre nenskat oni takanenhiaserake, ne tsi iah tesenniseraientereon tsi iataȣeiatennine ne Niio.

Genesis 24:27

tánon wahén꞉ron, “Tehonwanonhwerá꞉ton ne Roiá꞉ner, ne Raoní꞉io ne riioʼténhse Abraham, tsi iáh tehorihwanorón꞉on tsi rotienawáhston ne iorihwató꞉ken kanoronhkwáhtshera ó꞉ni tsi nihorihwató꞉ken tsi nonkwá ne riioʼténhse. Ók tsi nonkwá ní꞉i, ne Roiá꞉ner kwáh wahakhén꞉teʼse tsi nieiawé꞉non ne tsi thotinónhsote ne riioʼténhse raohwá꞉tsire.”

1 Samuel 25:32

Ne Táwit warénhaʼse ne Abigail, “Tehonwanonweráton ne Roiá꞉ner ne sakoʼNí꞉io Nisraerʼronónke, tsi raón꞉ha se taiató꞉ri ne tahitsatátʼken nón꞉wa wenhniseráte!

1 Kings 8:15

Wahénron, “Tehonwanonhweráton ne Roiá꞉ner Sakoní꞉io Nisraerʼró꞉nonhke! Rotienawáston tsi nihorahratsʼténhni ne rakenikénhen Táwit, nó꞉nen sahoróri,

Psalms 130:8

Kwáh seh rahónha enshaniákenʼte ne Israel tsi nòkwah ne kahiathatón꞉tsheras.

Luke 1:71

Tsi ensesonkȣanerensi tsi ionkhinaskonni ne ionkhisȣens.

Luke 24:21

Iakȣerhakȣe rahonha onte enseshakoskontako nʼIsraerronon; nok sane onen neh onȣa asen-aton nonta etho nitiaȣenhon.

Hebrews 9:12

Nónen ne Kerístos hiatriótʼkaʼwe nètho atóhsera tánon énskak khók iahónteratsʼthe tsi hiahatáwehiate nonkwetakwékon akorihwáhke ne thóh nónwe ne kwáh iotokénti ionáktaien, iáh tiehóha ne kaiatákeras rahotinekwénsa iáh ó꞉ni ne tehotinákares rahtísinn nahotiahátonke, kék, raónha khók rahonekwénsa hiaháhawe tánon ne wahatiénawasthe né꞉ne tsi nénhwe enhionkwahniákenthe.