Joshua 8:4 - Ohiatonhseratokénti

⁴ tsi nikarihò꞉ten kí꞉ken: “Í꞉se naʼkaná꞉tati thasehwatáset, ók tó꞉sa sóhtsi ahí꞉nonh tkénhak; sewathateweienénhtan niahisewatiaʼtón꞉ti.

Joshua 8:4 Referans Kwoze

Judges 20:29

Sók nʼIsraerʼró꞉nons kwáh thóh tsi nihonatsiókwah ne rahotisóh꞉tar ákta ne Gibeah wahonwatihiathásehte

Acts 23:21

Nók tóhsa seiatahónsatat, tsioríhwa tsi isinónwe ne kaiéri-niwásen niháti enhonatasétonke ó꞉ni enhonwaráreke. Ronahrahráston tsi iáh tathahonskaʼon iáh ó꞉ni tahathinikira tsi nióre ienhonwanonwariákʼkon. Ónen ronatateweiennentáʼon tánon rothiráre niaʼtahisariwaiéntase.”

Ecclesiastes 9:16

Tsiókonhte ne wáhken ne attokhátshera sénha ne ioiánere tsi ní꞉ioht ne kashastsʼténsera, ók iáh kíʼ ónhka tehiontatenonhthónhnionse ne tehiontkárhias nahiontenikonhratʼtókhake tó꞉ka ó꞉ni nahiontenhnikonhráhren nahó꞉ten rónhton.

Ecclesiastes 7:19

Natenikonhratʼtokhátshera sénha ne iakoiénawase nónhkwe tsi ní꞉ioht ne oiéri nahatíhake ratikoráhsons tsi nahatí꞉iere ne kanatowáhnen.

1 Samuel 15:5

Ne Saul wáhrawe ne raotinatowahnénke ne Amalekró꞉nons tánon wahá꞉tiatahkwenhtaro tsi wahaterá꞉rahte tho nón꞉we tsi niehiostehon ne kaniataratátiene ne nashakonenhrénhten.

1 Samuel 15:2

Ne aoríhwa ratónhnions ne Sakoiá꞉ner ne ratironhiakeró꞉nons, ‘Í꞉i kwáh enkheré꞉wate ne Amalekró꞉nons ne sakotishotʼtokonkénʼen ne tsi nihonahtiéren tsi iashakonahtiatónhti ne Israerʼró꞉nons nó꞉nen sathontahatiʼiákenʼne ne Egypt.

Judges 20:36

tánon ne Benjaminró꞉nons wahónt꞉thoke tsi ónenh ronhwatisénhnion. Ne Israerʼró꞉nons sashakonatékwase Benjaminró꞉nons, tsiorí꞉wa tsi ne ratiniahesénhne ne ronónhkwe ne ronwatiiatasetónhne nahatinenhrénhte Gibeah átste nakatatá꞉ti.

Judges 20:33

Káti nó꞉nen né ratiʼtsiokwahkweʼní꞉io nʼIsraerʼró꞉nons rahotiʼsóh꞉tar sahónhkete tánon sahonhnitsiokwahserónhni né Baaltamar nónhwe, ne ronhnónhkwe ne thekonhwahonhwarónhni ne Gibeah thonhtahiawénstsi tahonthoshiathánion tsi nónhwe nihonathaséhtonhne ne iohtenenhiakátes kanakerasehráien nákta ne kanatowanénhke.

Judges 9:25

Nonkweshón꞉as ne Shechem ronhnón꞉kwe wahonwatirihónthen nahonwanénhrenhte ne Abimelech nohnothoharakéshon, tánon washakotinenskwenháton ne kwáh tsikʼónhka ne thóh nónhwe nahionhtó꞉hetste. Ne Abimelech wahonwaró꞉ri ki nahorihóten.

Joshua 8:16

Ratikwé꞉kon ne ronhnónhkwe ne tsi kanatowanèn꞉ke ratikwé꞉kon skátke iehonwatinónhkon nahonwatísehre, tánon tsi nahonwásehre ne Joshua, kwáh sénha í꞉non nió꞉re tahonhtónhsehre ne kanatowanèn꞉ke.

Joshua 8:3

Sók ki ne Joshua wahathatewehienénhthaʼne ne Ai niáre skátke ne rahonkweʼtashón꞉as ronhterí꞉ios. Áhsen niwáhsen niwenhniaweheʼtseráhsen niháti washakohiaʼtharáko né꞉ne kwáh thahonkweʼtí꞉ios tánon satetsiókaras shiasakotó꞉ri

2 Kings 7:12

Kwáh shé꞉kon shaʼtetsiókaras, ók kíʼ ne ronnontí꞉io wahatkétsko kíʼ tánon washakawénhase ne rahonkwetashón꞉as, “Enkwahʼró꞉ri ne Syriaró꞉nons tsi nihonatenikonronhniháties! Ronateriéntare tsi ní꞉ioht nathonkariákon né kén nón꞉we, ká꞉ti éhren wahónʼnete tsi ronatenátaien tánon wahonthasetána kahetakésons. Ronʼnéren tsi éhren éntewete ne kanatowanénke naʼtewatonhnisákʼkha, tánon ethó꞉ne ó꞉nen tsientiónnheke tsi enhionkhiʼiéna tánon enhatiʼiéna ne tsi kanatowánen.”

2 Chronicles 13:13

Thóh né ná꞉he ne Jeroboam tohʼkàrah nihá꞉ti ne rahotiókwah ronhterí꞉ios iesakoteniéton ne tahonwanahnenhraiénhaʼse ne Judahró꞉nons ronhterí꞉ios tsi ahontahonwatiswahténi, ók ne ronátiakes tahontatkonsakánerahke nenhné꞉e.

Judges 9:32

Káti ónen, Ní꞉se tánon ne shonkwetaʼsónhas tehiotonhontsóhon tsi niwasónhtes ahisewathoriáneron tánon kahenthákes sewathá꞉set.