Joshua 8:14 - Ohiatonhseratokénti

¹⁴ Nó꞉nen ne ronhnonhtí꞉io ne Ai washakó꞉ken ne Joshua rahonkweʼtashón꞉as, iostó꞉re tsi wahatorhiáneron. Raónha tánon ne rahonkweʼtashón꞉as ahonráhkwakon ne Jordan niahón꞉ne nahonterí꞉io Nisraerʼró꞉nons kwáh né sahokwénhra ne tiotierénhton, iáh tehotheriènh꞉tare tsi ó꞉nenh thó꞉wa rashón꞉ne ahonthahonwatiaʼtón꞉ti.

Joshua 8:14 Referans Kwoze

Matthew 24:39

Nok iah othenon tehonnerhakȣe enȣennoton ken, tsiki niiore onen iahonnoton akȣekon oni iahakoiatenhaȣe; Etho kati oni neneh nenhiaȣenne nʼonen tentre nʼOnkȣe Roienha.

2 Tiér 2:3

Tánon thóh tsi nihonatétʼtsen kí꞉ken rohtinówens sakotirihonniénnis neh enhontʼwistónniathe tsi niʼietsiʼróris ne wakʼkarísons. Ónen kwá thóh tsi náhe ne rahononkwéta Rariwéntha sihotatheweiennentáʼon, tánon ne Sakowenkʼthos kwá íken tsi roièʼon!

Matthew 24:50

Tohiken Rannhatsera Raoianer eh nonȣe niȣenniserate nensraȣe, tsi oni niioȣistahe nʼiah othenon tenhorhareke.

Daniel 4:31

Nʼohén꞉ton nʼiahatewennókten, karonhiá꞉ke nontá꞉we ne Rawenni꞉io wahén꞉ron, “Sanontí꞉io Nebuchadnezzar, satahónhsatat tsi nahò꞉ten enkonhró꞉ri. Ó꞉nen waʼkónhkhwa ne sashatsténhsera tsi nón꞉we nisatenontiióhston.

Isaiah 19:13

Né sakotiʼhenténhse ne Zoan watonhnonwarawénrie, tánon ne sakotiʼhenténhse ne Memphis kènk tsahatiʼiéraʼte; tsi niháti ne roʼnónha kanenhiakweʼní꞉io ronaʼtenatónhkwen ne tsiʼtekaiósaien ne raotiʼtárakon kwáh wakonwatʼthaharákwahte ne Egypt.

Isaiah 19:11

Né sakotiʼhenténhse ne Zoan iaʼtetsokétote tsi thonatónhnót꞉te; ne rontenikonratʼtókhas ne ronwaʼtenikonrashonteránis ne Pharaoh teʼiotenonwaroʼríhtonʼte tsi niʼsakonatenikonráwis. Ónh ní꞉ioht tsi aksró꞉ri ne Pharaoh, “í꞉i ne tionkwéta ne kaʼtenikonratʼthókha, ehʼnitewakatwatsiríhnon ne thoʼtí꞉ionskwe rotiʼnontí꞉ios”?

Ecclesiastes 9:12

Iáh nonhwénton tesateriéntare kátke iekáhewe níse sariwáhke. Tsi ní꞉ioht notsitenhokónhas hioteiatotaréhon tsi waterístaien, tsi ní꞉ioht ne kéntsionk roiathotaréhon tsi wataháro, entewahiatotárehne né nónen kwáh iáh othé꞉nen tetsionkwárahre.

Joshua 8:16

Ratikwé꞉kon ne ronhnónhkwe ne tsi kanatowanèn꞉ke ratikwé꞉kon skátke iehonwatinónhkon nahonwatísehre, tánon tsi nahonwásehre ne Joshua, kwáh sénha í꞉non nió꞉re tahonhtónhsehre ne kanatowanèn꞉ke.

Joshua 8:5

Nakonhkweʼtashón꞉as tánon ní꞉i ienhiákwe ne tsi kanatowá꞉nen. Nó꞉nen ne ronhnónhkwe ne Ai enhtsionkihiatiaʼtón꞉ti, tenhtsiakwatkaraténi tánon enhiakwatè꞉ko, kwáh ki tsi nihionkwaiéren ne tiotierénhton.

Deuteronomy 1:1

Né kén꞉en kahiatónhsera né rowenhnasónhas ne Mahís shakotharáhni nonkweʼshón꞉a ne Israerʼró꞉nonhke nó꞉nen ionwenhtsiathèn꞉ke shehónhnes né꞉ne tsitkarahkwí꞉nekens nokwá꞉ti ne Jordan kaniatarahtátie. Ahonráhkwakon ne Jordan ákta ne Suph rónhneskwe, tsi naʼtetiátere ne tsi kanátaien ne Paran né꞉ne skáti nó꞉kwah ne tsi kanátaien ne Tophel, Laban, Hazeroth, tánon ne Dizahab né nakʼtenókwah. (

Joshua 8:13

Ne ronhterí꞉ios ronathateweienenhtàhon nahonterí꞉io ne kwáh rahthinenhrakweʼní꞉io né꞉ne othorè꞉ke nokwá꞉ti ne kanatowanèn꞉ke kanènhraien tánon ne ronátiaʼkes ne nénhne tsi iaʼtewatshénthos nokwá꞉ti kanènhraien. Ne Joshua ahonráhkwakon ne nón꞉we nahasonhtíhiake.

Joshua 8:15

Ne Joshua tánon ne rahonkweʼtashón꞉as akénhake oná꞉ken sahónhneʼte, tánon shahontè꞉ko tsi nón꞉we ne iáh othé꞉nen tekaiénthakwe ne kanakerahserá꞉kon.

Judges 20:37

Kí꞉ken ronhnónhkwe kwáh í꞉ken tsi ioshó꞉re tsi nionhsahatítatʼke ne Gibeah nónhwe; tsitʼnonhwéson tsahónhne ne kanatowanénhke tánon akwékon wasakotinonhwariakónhnion né nónhwe.