Joshua 8:10 - Ohiatonhseratokénti

¹⁰ Sihioronhkéstsi ne Joshua wahatkétsko tánon iashakò꞉nonhke ne ronhterí꞉ios. Ethò꞉ne ne raónha ó꞉ni ne shakotihenténhse Nisraerʼró꞉nons iashakotihéntense Ai niahón꞉ne.

Joshua 8:10 Referans Kwoze

Psalms 119:60

Kwáh iáh tewakatenhniskwáhton tsi natewasteríhen nakatewénhnarahkwe ne satsiawenhráhseras.

Joshua 7:16

Oronhkéstsi nohiasahiorénhne ne Joshua ne Israel ákta niasakohiaʼténhawe, shothitiokwatʼtsions, tánon né꞉ne raotitióhkwa ne Judah wahonwathihiaʼtará꞉ko.

Joshua 6:12

Ne Joshua tsi sahiórenhne oronhketstsi wahatketsko, tánon né꞉ne tekeníhaton ionhshonteratsthe ne ró꞉thikares ó꞉ni ne ronhterí꞉ios thonsahonhnathatase ne kanató꞉wanenhke kwáh ki tsi nihó꞉thiieren ne tenhtherene: ne ohénton ró꞉natohesthakwen, né꞉ne skanenhra nohenton ronhne rathinikonhrare; noia né꞉ne ró꞉thikhares ró꞉thihonrawaton ne tsáta níkon kahonrawatskowa; ethòne, ónenh né꞉ne ró꞉thikhares ne ratihawi ne Roiá꞉ner Raonerokwa Nateriwaseronhniatshera et iwa; tánon nó꞉nakenkha, né nonahken tahó꞉thinenhrine. Kwáh ki thó꞉nahe tsi kawenhnó꞉the ne kahonrawatskowa.

Joshua 3:1

Nó꞉ia sahioʼrénhne Joshua tánon ratikwé꞉kon nonhkweshón꞉a Nisraerʼró꞉nonke oronhkéstsi wahontkétsko, sahontoserothakwenháton ne Acacia nón꞉we, tánon ákta ne Jordan niahónhne, thóh nón꞉we ionsahontaʼtohseró꞉ten tsi karí꞉wes rothiráhrekwe ne tahatihiáiake.

Genesis 22:3

Ká꞉ti Abraham síiohrhonʼkéhstsi wahatkétsko, wahohkwenià꞉ren ne raotshé꞉nen tewahónhtes, tánon iahshakoiaʼténhawe tehniiáhse ne kenʼnithotiión꞉ha raonkweʼtaʼshón꞉ʼa, tánon ne roièn꞉á Isaac; waʼthaientià꞉kon nahateká꞉tahkwe tsi enhatsaʼáhtahkwe ne ienhá꞉tate, tánon thóh nón꞉we niaʼhón꞉ne tsi nón꞉we ne Rawenni꞉io nihohró꞉ri niá꞉re.

Joshua 8:9

Káti ne Joshua iashakoténiethe, tánon thóh niahón꞉ne wahontasehtà꞉na tánon thóh nón꞉we iahonterá꞉rate, tsi iaʼtewatshénthos nokwá꞉ti ne Ai ó꞉ni ne Bethel. Ne Joshua tsi ne nón꞉we nahonhná꞉taien thóh wahasonhtíhiake.

Joshua 8:11

Rathikwekonhátie ne ronhterí꞉ios iahontakwaríshiate ne kanohakwehní꞉ioke tsi iehionthawehiathákwa ne kanatowá꞉nen tánon wahonthatoserothónhnion né꞉ne othorè꞉ke nokwá꞉ti, né꞉ne tsi naʼtetiá꞉tere nahonráhkwakon tánon ne Ai.