Joshua 6:3 - Ohiatonhseratokénti

³ Ní꞉se tánon ne senhtiókwa ronhterí꞉ios enshewanenrahserón꞉ni tensewanathatà꞉se ne tsi kanatowanénhke tsiokonhte énska ne sewenhnisera né꞉ne ia-iak nónhta nikaríwes.

Joshua 6:3 Referans Kwoze

2 Corinthians 4:7

Ne tetsitewatié꞉ren tsi ní꞉ioht ne oʼtá꞉ra katsheʼshón꞉ʼa tsi nón꞉we niwateweién꞉ton ne ahtshokowáhtshera. Ne kwáh kahsatstenhserowà꞉nen Niiò꞉ne nón꞉we nitewé꞉tha, iáh ne ontionhà꞉ke.

Numbers 14:9

Tó꞉sa tsi sewatenó꞉wenht ne Roiá꞉ner tánon tó꞉sa ietsitsánik nonkweshón꞉ʼas nètho nónhwe thatinákere. Kwáh watiesenhónhwe tsi enietʼtshisénhni. Ne Roiá꞉ner tewakwékonhse tánon shaʼkosénhnion ne niʼiohokónhas ne thonwatíneskwe; káti tó꞉sa sewáteron.”

Joshua 6:7

Ethòne wasakoró꞉ri nonhkweshón꞉a thonthasawen ratinenhrasehronhni tehonná꞉thatase ne kanató꞉wanenhke, tánon shó꞉thitsiokwa ohénton niehone nahontenhnikonhraren ne Roiá꞉ner raoneró꞉kwa nateriwasehronhniatshera thóh iwa.

Joshua 6:14

Ki ken ne tewenhniserakehaton shé꞉kon tonhsahonhnathatase ne kanató꞉wanenhke ethòne tsi thó꞉natenathaien hionsahonhne. Thóh ki nahatiiere né꞉ne ia-iak nónhta nikaríwes.

Joshua 6:2

Ne Roiá꞉ner wahawénhase ne Joshua, “Shatsià꞉nake éntsien ne Jericho, skátke nahonhnonhtihiótsera tánon ratikwé꞉kon ne ronhtinikonhraʼtsánis nahonkweʼtashónhas ronhterí꞉ios.

Joshua 6:4

Tsáta niháti ró꞉thikares, satihiatatʼtions ratihawinonhtie ne kahonrawatskowah, né꞉ne ohénton nienhonhne ne ateriwaserón꞉niatshera oneró꞉kwa. Né tsathakhaton nenhwenhniserateke níse tánon ne ronhterí꞉ios tsi ensehwanenhrahseronhni tsi tensewanathatase ne kanató꞉wanenhke né꞉ne tsáta nihioriwá꞉ke tsi nikaríwes ró꞉tihonrawaton ne ró꞉thikhares.

Joshua 6:11

Káti washá꞉konahne ki ken skanenhra rononhkwe niahatihawe ne Roiá꞉ner Raoneró꞉kwa Nateriwaseronhniatshera iwa ne énska iewateratst tehonhnathatase. Ethòne thontahonhne ne tsi nónhwe nihó꞉natenathaien tánon thóh nónhwe nahonsonhtihiake.

2 Chronicles 4:3

Akwé꞉kon nastéson nòkwahti ne tsi tehioshothátie ne kanákon tehiotihahá꞉kes tsi ní꞉ioht tsi karasesthánion, énska é꞉neken iotohetsthákwen. Né karahsesthánion thóh nikaieronhthó꞉tens tsi ní꞉ioht ne tionnónskwahrons rahtítsinn, né꞉ne énskak khók iéken tsi kasahánion nónhtat.