Joshua 24:14 - Ohiatonhseratokénti

¹⁴ “Káti ó꞉nen,” Joshua ionsahathasonteren, “tskwenienstat ne Roiá꞉ner tánon orihwiiohonwe ó꞉ni iorihwahtó꞉kenhak tsi tsiotens. Isehʼhiashá꞉ti ne kahiatonnishón꞉ʼas nètho sahsotʼtserahokonkenʼens rathisennaienskwe ne Mesopotamia ó꞉ni ne Egypt nónhwe, tánon rahonhatsiwa ne Roiá꞉ner tsiohtens.

Joshua 24:14 Referans Kwoze

1 Samuel 12:24

Nek khók tsi tskweniénsták ne Roiá꞉ner, tánon tetieriwásnies sariwatokénhak kwáh serhiasakwékon kénhak; asèken tetiatóret tsi nahoténsons ne iorihowá꞉nens tsi niʼiatieráse.

Deuteronomy 10:12

“Ó꞉nen, ne tsónhkwes ne Israerʼró꞉nonhke, sewatahónshatat tsi nahó꞉ten ne Roiá꞉ner sewaNí꞉io tsi sewariwanonhtón꞉nis: Tsi sewasénhnaien ne Roiá꞉ner tánon thóh naʼsewá꞉ier tsi nihatró꞉ris. Tsi sewanó꞉ronk, tsi sewahiótenhs kwáh seweriaʼsakwé꞉kon,

Genesis 35:2

Sók kiʼ ne Jacob wahshakaʼwènhahse ne raonónhskon ratiʼterón꞉ton tánon ratikwé꞉kon ne skátne ratikwekonhátieʼs, “Isehʼ iaʼsewá꞉ti tsi naesewaièn꞉take ne thihatí꞉te ratiní꞉ioʼs, tánon sasewatonhnhakanón꞉ni tánon tesewatá꞉ton tsi nʼi꞉ioht tsi sewatsherón꞉nis;

2 Corinthians 1:12

Enwá꞉ton ne aiakwatená꞉ieste tsi niwé꞉ne ne onkwerienʼtiióhtshera. Tiotkonhón꞉we iotkwénies ó꞉ni tkarihwaié꞉ri tsi ní꞉ioht tsi ionkwatenhniseraténion, kwáh sénha nó꞉nen í꞉se skátne tewakwekonhatiéskwe. Ó꞉ni ne ionkwaiaʼtanonhnhatiéskwe ne iorihwanéhrakwa Rawenni꞉io raonoronhkhwáhtshera, iáh ki tho té꞉ioht tsi ní꞉ioht ne kén ionhontsá꞉te aorihonnienníhtshera.

Joshua 24:23

“Kwáh káti éhren sehwahawit ti ken thí꞉kaniioserathe sehwahien,” kwáh wahshá꞉kohtótʼthakwen, “tánon kwáh iohriwahniront tsi sehwarihwató꞉kenhak rahonháke ne Roiá꞉ner, ne Sakowenní꞉io ne Israerʼró꞉nonhke.”

Psalms 119:1

Iakotáskats tsi nikákon ne tsi niʼieweienhnótens iáh othèhnen tekanitserénhawe, thóh nón꞉we nihiakothahítake raohianerenhserákon ne Roiá꞉ner.

Ezekiel 20:18

Khèkok, wakheronhkáten ne kén nithotihiónsa ne skátke rahtináhkereh: Tó꞉sa sehwateweiénhthon ne kaianerénsehrah ne ietʼtsisotʼthonkonhkénʼen rothíson; tó꞉sa sehwáhser ne raothiriwahkáhion tó꞉sa ó꞉ni ne tesewahthatsatátions ne raothihiatonhnisónhas akarihónhni.

Psalms 111:10

Nón꞉kwe nenhonwaʼkwénienste ne Roiá꞉ner né꞉ne tsotasawáʼkwen nahiontenikonratʼtókhaʼne; nakwékon ne thóh nenhiéhiere kwáh ioiánere tsi iakonikonhraiéntas. Kwáh kíʼ ioterihwí꞉son ne tiókonte tahonwaʼnonhweratónsheʼke.

Job Tánon ne Raoronhiakensera 28:28

Tánon wasakawénhase nonkweshón꞉as, ‘Orihwiiohón꞉we, ne raoteronhkwátshera ne Roiá꞉ner tsi né nathokhátsera í꞉ken; tánon né꞉ren ahiénte ne karihwahetkénhsera né꞉ne kaʼnikonhraientátshera í꞉ken.’”

Ezra 9:11

né teskwahwí꞉hon rononhà꞉ke ne shonkweʼthashón꞉as, ne rotitokénhse. Wahonkhiró꞉ri né꞉tho tiohontsá꞉ien ne ienhiakwahtienawásthe tsi iáh tehiotkwé꞉niens tiorì꞉wa nonhkweshón꞉as ne thóh ratinákereʼkwe tehiahontsihiá꞉kon tsi ne rotinahnóntston ne ioterihwatehashón꞉as, tehioweienátsons.

2 Kings 20:3

“Takweʼhiárak nón꞉wa O Saiá꞉ner, wakonianiténten, tsi ní꞉ioht tsi tewakatekhahákwen ne sahénton iothokenskéʼonwe ó꞉ni kwáh akweʼriasakwékon, tánon thóh niwatiéren ne sahénton tsi nahó꞉ten ne ioiánere.” Tánon ne Hezekiah otsitó꞉wa tsi ní꞉ioht tsi wathashéntho.

Joshua 24:2

Ne Joshua kwáh rahthikwekon nonhkweshón꞉ʼa washá꞉kahwenhase, “Ken ki nahó꞉ten ne Roiá꞉ner, ne Rawenni꞉io ne Israerʼró꞉nonhke, rohien nahenron: ‘Wahonniseh tsi nahe tkenʼne ne ietʼtsisotʼthonkonkenʼen ihseh nahkaniatarahti ne Euphrates rahthinahkerehkwe tánon né꞉ne óia niiohokonhas rahthisennaienskwe. Ne shá꞉hiata ne kahsotʼtsera né꞉ne Terah, né roiénha ne Abraham tánon ne Nahor.

Deuteronomy 18:13

Kwáh iehiokontaʼkwénhak sewariwatokénhak raonhà꞉ke ne Roiá꞉ner.”

Leviticus 17:7

Nonhkweshón꞉as Nisraerʼró꞉nonhke iáh ónenh tetsówenhk ne iáh tahotirihwatokénhake rahonháke ne Roiá꞉ner ne tsi akonhwatinonhwariákon ne rahotitsenenhókons ne kahentákes tsi ahonwateskónhtʼthaʼse ne kaiatákeras ótkon teskaierontare. Nonhkweshón꞉as Nisraerʼró꞉nonke ónenk tsi enhontewehiénton kí꞉ken kaianerénhseras né꞉ne tsi nénhwe.

Acts 9:31

Thóh káti nontáwe neh rothiriwiʼióstons wahothiʼiéntaʼne ne skénnen neh nónwe ne Judea, Galilee, ó꞉ni ne Samaria. Ne tsi wasakoiénawaʼse ne Ronikonratokénti wahatisátsʼtenne ó꞉ni wahonatiokowánahne, tánon thóhʼnon nihononʼnhétie kakweniensthatserákon ne Roiá꞉ner rahoriwáke.

Luke 8:15

Nok kenh kaien ne tsinonȣe niionȣentsiio niiokerontaon, neh neneh iakoton ne konȣaȣennaronken, akaȣeriane iakaȣeten oni iakoteȣeienton, nok kanikonriiotserakon enkanorari.

Hosea 3:5

Onakénhke ne Israerʼró꞉nons rahonhà꞉ke ne Roiá꞉ner Raotiní꞉io niensónhne tánon enhonwaiatísake, tánon ne Táwit raotinontí꞉io í꞉ken; ethò꞉ne enhothiteronhníhake rahonhà꞉ke ne Roiá꞉ner tánon kwáh enhatiié꞉na ne raoianerétsheras noná꞉ken tewenhniséronhte.

Ezekiel 23:3

Né shiʼtiothihiónha, Egypt nónhwe nikenináhkerehkwe, wahonahthónseh tsi kiniwínon tsi kenihiataséha tánon ne iatsiáton tionatakwakaré꞉ni.

Philippians 1:10

Nahontakariwaiérike tsi ní꞉ioht tsi tensewaiatohréhthake. Ne entionniʼiósthakwe ó꞉ni iáh othé꞉nen taihsewateriwaéhsten nó꞉nen thé꞉tre ne Kerístos. Ó꞉ni káti tsi nió꞉re ienwatenniseriéhwe

Ephesians 6:24

Ne Rawenni꞉io rahoténrat ahathikwekónhake tsi niháti ronwanorónkwa ne Sonkwaiáner Ié꞉sos Kerístos akenikwekónhake ne iáh tekenhéions kanoronkwátshera.

Psalms 130:4

Ók káien ne kanikonhrénhtsera ne shonháke. Né ká꞉ti í꞉se akwahsénhnaien.

Psalms 119:80

Aiáwenhs kwáh kerhiasakwékon áksere ne saianerénhseras, ne káti ne tó꞉sa akatéhen!

Job Tánon ne Raoronhiakensera 1:1

Ronkweʼkén꞉en thoraná꞉kereʼkwe tsi watonwentsá꞉ien ne Uz. Job ronwá꞉iatskwe tánon kwáh iáh othé꞉non tewátonskwe ne othé꞉nen ahontahonwárase tánon tronkweʼtaiérihkwe, tánon ne nénska rónkwe kwáh í꞉ken tsi rorihwakweniénstakwe ne Rawenni꞉io tánon ratharonhtsiénskwe tsi nokwáh ne karihwahetkénhsera.

Genesis 17:1

Ne nó꞉nen ne Abram tióhton niwáhsen tánon tióh-ton shaʼtehaohseriiá꞉kon, ne Roiá꞉ner wahototáhshien ne Abram tánon wahawènhahse, “I꞉i ne Ní꞉io wakeʼshaststenhserowá꞉nen; takewèn꞉narahk tánon kwáh tóhsa ohthé꞉non iesarihwatshènriaʼs.

1 Samuel 7:3

Eʼthóhʼne ne Samuel waʼsakawénhase kwáh tsi niaʼtekanonsákes NʼIsraerʼronónke, “Tó꞉ka thóh nionshesewenonhátie raʼhonháke ne Roiá꞉ner kwáh tisewerhiasáhaton, kwáh káti í꞉se iasewá꞉ti ne thiʼkaniʼioseráte í꞉ken ó꞉ni ne Astartes ne tsionhá꞉ke. Tesewatókenk ne sawé꞉ri raonháke ne Roiá꞉ner, tánon tsi sewaiótens rahón꞉ha khók kénhak, tánon rahón꞉ha kwáh entsetsisewaʼiatotarísi ne rontsaʼnákes ne Philistine.”

1 Samuel 12:14

Tó꞉ka entsisewaʼkweniénstaʼke ne Roiá꞉ner tánon tentsisewarihwásnieʼse tánon ensewatahón꞉satate ne raowenhnaókon tánon iáh tahisewatewenhnarákwahne ensewatʼkón꞉ten ne raorihwatátʼtsheras ne Roiá꞉ner, tánon tó꞉ka tesenitsáron, í꞉se tánon ne ronnontí꞉io tsi raón꞉ha tniaʼniaró꞉taron kwáh entsehsení꞉sere ne Roiá꞉ner Sewaní꞉io, kwáh kiʼ enʼioianeréhake;

Deuteronomy 6:13

Skweniénstak ne Roiá꞉ner saNí꞉io, raonhà꞉a kók hentsewenniióstake, tánon sharahratstánion ne raonhà꞉a kók raoshén꞉nakon.

Psalms 81:10

Í꞉i ne Watiá꞉ner Sewaní꞉io í꞉ken, Í꞉i tekwahiatínekenʼen ne tsi tiohóntsaien ne Egypt. Tó꞉ka ká꞉ti ensewarihwaʼtokénhake, kwáh kíʼ enkwahiatatériste.

Micah 6:8

Eʼtsisewahró꞉ri, O tiónkwe, tsi nahó꞉ten ne ioiá꞉nere í꞉ken. Tánon tsi thóh kiniiot ne Roiá꞉ner tsi sewarihwanonhtón꞉nis: Ne sewahiò꞉ten ne tkarihwaié꞉ri, tánon ne iorihwató꞉ken kanoronhkwáhtshera, tánon tsi tesewatekhá꞉hakwe sewanitentón꞉hak rahonhà꞉ke ne Ní꞉io.