Joshua 22:25 - Ohiatonhseratokénti

²⁵ Ró꞉shon ne Jordan tsi karisthatátie ne tsi naʼtetewá꞉tere tánon ó꞉ni ní꞉se tsónhkwes ne Reuben ó꞉ni ne Gad nón꞉we. Iáh othé꞉nen thatesewatherihwasónhtere ne Roiá꞉ner.’ Ethò꞉ne ne tsi wesewawatsirahtátie nonhtié꞉renk tensakotí꞉tasthe nonhkwahwá꞉tsires tsi ronhwasénhnaiens ne Roiá꞉ner.

Joshua 22:25 Referans Kwoze

Acts 8:21

Iáh thetewakwékon iáh ó꞉ni teshiátare nonkwahiotenserákon, tsioríhwa ne seriáʼne tsi iáh tetʼkariwaiéri ne rahohénton ne Rawení꞉io.

Nehemiah 2:20

Eʼthó꞉ne watekerihwaserá꞉kwase tánon wakeién꞉hase, “Ne Rawenni꞉io ne tsi karonhiá꞉te kwáh enteshón꞉tion nahionkwahianerásten. Ní꞉i ne tsitewaiò꞉tense, Kwáh tentitewáthane tánon entsitewatenatón꞉ni. Ók ní꞉se kwáh iáh thaó꞉then tesewá꞉ien nahisewaianerenhseraiéntake khéhs norihwaka꞉ion ne Jerusalem nón꞉we.”

1 Kings 15:30

Né kí꞉ken aoríhwa thóh nahawénhnen tsioríhwa ne Jeroboam wahawénhrathe ne Roiá꞉ner rahonakwáhtshera, né sako Ní꞉io Nisraerʼró꞉nonke, né tsi nihotieránion ne karihwáneren tánon washakahónhnien Nisraerʼró꞉nons thóh nahatí꞉iere.

1 Kings 14:16

Ne Roiá꞉ner enshakotewénhthete Nisraerʼró꞉nons tsioríhwa ne Jeroboam rorihwáneren tánon iashakosárihne Nisraerʼró꞉nons nahatirihwánerake.”

1 Kings 12:16

Nó꞉nen nonhkweshón꞉as sahónt꞉thoke né ronhnontí꞉io tsi iáh seh thaʼsakotahónsathaʼte, wathotihénrethe, “Thorèsek ne Táwit ó꞉ni ne rahowátsire! Kát꞉ke onhtèken ne tkhènhne nahionhkhihiatséraʼse? Né tsiónhkwe Nisraerʼró꞉nonke, Áhnion tsi tewathénhti! Iawerohátien ne Rehoboam rahónha rathatsiatakéna!” Káti nonhkweshón꞉as Nisraerʼró꞉nonke tahotinákwen,

2 Samuel 20:1

Nón꞉wa ne ne iáh othènon teharihwástha Sheba ronwáiats neh roʼiénha ne Bichri, ne ne Benjaminró꞉non, tahiotokéntane thóh nón꞉we níreskwe. Wahatá꞉tiste iehonrawátsta tánon wathohénrete, “Iáh othènen thateionkwateriwaʼshón꞉tere ne Táwit, iáh othènen ne sataʼionkwawenhkónwe ne Jesse roʼiénha! Sewakwé꞉kon tsitisewatohseróhton nionshá꞉sewe, Ó Israerʼró꞉nons!”

1 Samuel 26:19

Ónenh kiʼ nón꞉wa tserí꞉hon natiá꞉ner ne ronnontí꞉io nahothónhte ne raowenhnasónhas ne raonhá꞉tsera. Tó꞉ka raón꞉ha ne Roiá꞉ner wahiónhnien naskatʼkónten, aiá꞉wenhs ahoienkwaráswoh; ók tó꞉kaʼ ónkwe, aiá꞉wenhs ahatiriwaiésha raohén꞉ton ne Roiá꞉ner, asèken wahontiatinékenhwe ne kén wenhniseráte ne ne tó꞉sa othènon ahontiatáhetste ne rahohóntsa ne Roiá꞉ner, ‘rontón꞉nions wáhs, neh teseriwásnies ne thiʼhátite ní꞉ios.’

Joshua 22:27

ók khé꞉kok, ne naiakhiiénesthe nonhtsonhkweʼtashón꞉as ó꞉ni ní꞉se tsonhkweʼtashón꞉ʼas, tánon ó꞉ni noná꞉ken takawatsiratátie, ne tsi kwáh í꞉ken tsi shakwahsénhnaiens ne Roiá꞉ner nohén꞉ton tsi rotható꞉sehrothe ne tionhkwahiéston nahontsahatónhake skátke ne watéskonhte ó꞉ni ne skarì꞉wa í꞉ken tsi ionkwahró꞉ron. Ne kí꞉ken nahotískweke tsi niensewatwatsí꞉rihne tsi nasakonénhase nonhkwahwá꞉tsires tsi iáh othé꞉nen tatesewaterihwaʼsónhtere ne Roiá꞉ner.

Joshua 22:24

Iáh! Thóh nahakwá꞉iere tiorì꞉wa tsi iakwahtsà꞉nis ne tsi niahawenonhátie tsi niensewatwatsí꞉rihne enshakonénhase nonhkwahwá꞉tsires, ‘Nahó꞉ten tesewaterihwasónhtere ne Roiá꞉ner, ne Sakoní꞉io Nisraerʼró꞉nonke?

Joshua 22:26

Káti wahatsón꞉ni ne ietsienharáhkwa, iáh né꞉ne tó꞉ka ken ahiakihiaʼteskónhtkhake tó꞉ka ó꞉ni nahonthaiakwáhiesthe,

Psalms 16:5

O Saiá꞉ner, í꞉se takerakwénhni natienhtátsera ó꞉ni natkéra tehiontnekonhthákwah; í꞉se í꞉shawe tsi niahonkenionhátie.