Joshua 22:15 - Ohiatonhseratokénti

¹⁵ Iahónhnewe tsi tiohontsá꞉ien ne Gilead, thóh nón꞉we nonhkweshón꞉as ne Reuben, Gad, tánon ne nà꞉kon nòkwah ne Manasseh,

Joshua 22:15 Referans Kwoze

Hebrews 12:25

Shatatenhnikónrahʼrak, káti, tóh꞉sa shatarónti natiatahónsatathe tsi nikáien ne róthaʼre. Tsi niháti nenhontarónti nahonwahtahónsatathe tsi nithohtkáwenh ne Rawenni꞉io raoteriwahnotáhtshera ne tsi ionwentsiáte iáh tehothiniakén꞉en. Thóh ní꞉ioht tsi sénha káron nahitewahniákenʼne, káti, tóhkaʼ entsitewahtaróntiense tsi nikáien ne karonhiáke nónwe thathá꞉re!

1 Corinthians 1:10

Raoshahtstenserákon ne Sonkwahiáner Ié꞉sos Kerístos wahkwahretiáron, tewatenroshónʼa, nahkariwahnonwéʼon tsi naotenshóns sewahtónnions, né꞉ne tóhsa thènen taisewahnenratʼkháshion. Kwáh ieiokontakwénhak tsi skakaríwah kénhak, kwáh sheʼwahnontonnióntshera khók kénhak tánon tioríhwahkhok akénhake.

Matthew 18:17

Tokat iah othenon oriȣa tasakaonni, kentiokȣa srori; nok nesekon iah tenhataonsatatire ne kentiokȣa, satennikonranentasi tosa oni serhek roriȣiioston kenh.

Isaiah 63:10

Ók iáh teonatewenhnará꞉kwen tánon wahonwaʼnikonhrakaréwaʼte né raoʼnikonratokentítshera; né káti wahónhni wathontáʼtsion; kwáh kí rahónha wahonterí꞉io ne ronónha.

Psalms 78:8

tánon iáh tehiówenk ne thóh nahatihiathoténhake tsi ní꞉ioht ne sakotisotʼthonhkonkénʼen, rotiʼnontsistaníron tánon ratirihwaʼnónhwe ronhnónkwe, né꞉ne ónhkwe nakaweriáne iáh tehiorihwatóken, tsi thonwetákwen ne Rawenni꞉io iáh tehiorihwatóken.

Ezra 9:15

Ne Roiá꞉ner Rawenni꞉io ne Israerró꞉nonhke, thisarihwaié꞉ri, ók waskwahrí꞉hon nahiatsónhnheke. Iáh kwahrihwaní꞉rats nonhkwáh nítsera ne shonhà꞉ke; iáh othé꞉nen tehionhkwaianerenhserá꞉ien ne sahénton niahiákwe.”

Ezra 9:2

Ne Sitaeró꞉nons ronhnónkwe ne rotiniakonhátie ne tehiononhontsá꞉tes, tánon káti ne Rawenni꞉io rahonkweʼtatokentí꞉sons wahontatetkénten. Ne shakotihéntense ó꞉ni ne ronaterihóntons ronónha ratihénte nahatihetkénte.

2 Chronicles 28:13

Waʼhonníron, “Tó꞉sa kénʼen nontaietʼtsihiaténhaf kí꞉ken ratinó꞉tons! Ónenk seh ionhkwahníkon tsi nòkwah ne Roiá꞉ner tánon iatekaiéri tsi nihonakwénhen nashonkwahréwaʼte. Tánon ó꞉nen sénha í꞉sewehre tkahonsehsewáhtsere né sénha kíʼ ahionkwahnontánahke.”

2 Chronicles 26:18

né nahonwahiotátʼtie. Wahonhníron, “Uzziah! Iáh thaʼhóten tesahianerenhseráien nasatʼtsáhate ne kanetanóron rahohénton ne Roiá꞉ner. Nék khók ne rahtiʼtsihénstatsis ne Aaron nón꞉we nithonatʼwatsiríhnon tsi ronhwatiʼhiathatokentíston nétho nahatí꞉iere. É꞉ren sáset né kén nón꞉we nihiotokénti í꞉ken. Waʼtienikonhrakaréwaʼte ne Roiá꞉ner Rawenni꞉io, tánon iáh kí ó꞉nen tetsisáhien né raohiatateríhtshera.”

2 Chronicles 25:27

Tsi ná꞉he etʼtsotásawe nó꞉nen sahotiathonhthákwahse ne Roiá꞉ner, ronhwateristaienhníhaʼkwe né Jerusalem nón꞉we. Khareʼónenh tsitkanatowaʼnénhke ne Lachish niahá꞉re, ók kíʼ né ronhwáshons wahonwásehre tánon thóh nón꞉we iahonwanonhwarhiákon.

2 Chronicles 10:19

Ethó kíʼ ná꞉he nonhkweʼshón꞉as ne othorekésons tsi kanakeraseráien Nisraeʼró꞉nonke shíhonwatinenhró꞉tani tsi nòkwah ne Táwit raowátsires.

1 Chronicles 21:3

Né Joab watarihwaseráko, “Aiáwens ne Roiá꞉ner nashakahónhnien nonkweʼshón꞉as Nisraeʼró꞉nonke énska tewenniáwe sénha ahonatsokowánenhke tsi nón꞉wa ní꞉ioht! Shanontí꞉io, ratikwé꞉kon í꞉se sanhatseraʼókons í꞉ken. Nontiéren tsi í꞉sere thóh náshere tánon onhkwetaʼkwé꞉kon tashehionhnaríkʼkhon?”

1 Samuel 15:23

Asèken nahiontenontsistát꞉sate kwáh satewahét꞉ken ne karihwanerahák꞉tshera tsi ní꞉ioht ne tahióntʼkonste, tánon nahiontenontsistanírate kwáh ne ne karihwanerahák꞉tshera ó꞉ni ne kahiatón꞉ni konwasénhnaiens. Tsioríhwa ní꞉se tsi waskénron ne raowenhnaó꞉kons ne Roiá꞉ner, ne raónha kwáh nón꞉ne eh wahiakénron ní꞉se nahisanontí꞉ioke.”

Joshua 22:18

Iáh ken tahisewaʼthóntate natsisewásehre nón꞉wa? Tó꞉ka ensewatewenhnónhti tsi nòkwah ne Roiá꞉ner nón꞉wa wenhniserá꞉te, kwáh í꞉ken tsi iatehionkwè꞉thakes tsi enshakonákwahse Nisraerʼró꞉nonhke nenhió꞉renhne.

Joshua 22:12

Ne nó꞉nen Nisraerʼró꞉nons wahonaʼthón꞉tehne kí꞉ken, kwáh ratinakerahserakwé꞉kon wahontehró꞉roke né꞉ne Shiloh nón꞉we ne nahonterí꞉io ne nakonhà꞉ka kentióhkwas.

Deuteronomy 30:17

Ók tó꞉ka iáh tahisewatewénhnaraʼkwe tánon iáh thahisewaʼthóntate nahisewatahónshatate, tánon enietsihiaʼténhawe nahisewashén꞉naien nó꞉ia nihioʼokón꞉as,

Deuteronomy 7:4

tiorí꞉wa ethò꞉ne ne ietsiʼienhokónhas étren ienhonwatihiatenháwiʼte raonhà꞉ke ne Roiá꞉ner ne enskonwasén꞉naien ne akò꞉ren niʼiohokónha. Tó꞉ka thóh nenhiawènhne, ne Roiá꞉ner entsisewanáhkwaʼse tánon óksak entsisewáhtonʼte.

Numbers 32:15

Tó꞉ka í꞉se ne tsónkwes ne Reuben tánon ne Gad iáh tésehwere naʼtsisewanonteratiéson, shé꞉kon kíʼ enhsehsakotewénhtethe onhkwetakwékon ne kénʼen karakonkówa íken, tánon í꞉se kíʼ ensehwatʼkhéthate ne rahonatkaronhniátshera.”

Numbers 14:43

Nó꞉non ne Amalekró꞉nons tánon ne Canaanites iatenhietshinenhrónhko, kwáh ensewénheie tsi waterí꞉io; ne Roiá꞉ner iáh tahisewakwekónhake, tsioríhwa tsi iáh tesewathontáton natsisewásehron.”

Numbers 5:6

ne tehioterihwasonhterónhnions karihonhniennítsheras né nonhkweshón꞉ʼas NÍsraerʼró꞉nonhke akorihwàke. Nó꞉nen nónhkak tsi nítsion ne iáh tahisewarihwatokénhake rahonháke ne Roiá꞉ner tánon wahétken tsi nahitsihiaʼtiérase nónhkak akóren,

Leviticus 26:40

“Ók kíʼ tsi niensewatʼwatsírihne kwáh nènhne enhatirihwanírathe tsi rotiníkon tsi nòkwah ne rahotirihwanerahák꞉tsheras ó꞉ni thóh í꞉kare ne rahotirihwanerahák꞉tsheras ne sakotisotʼthonkonhkénʼen, ronónha nènhne ne iáh othènen karíhwa tehionhkónhni.

Leviticus 5:19

Né kíʼ né tsi enskakarhiákʼtonhke ne karihwanerenhák꞉tshera aorihwáke tsi thóh nisaiéren tsi nòkwáh ne Roiá꞉ner.

Exodus 32:8

Ónenk ahéren ronéthon tsi ní꞉ioht tsi kheró꞉ri nahaʼtísehre, owistanó꞉ron wahatiwisthanáhwenhte tánon né wahonwahiaʼtónhniate ne tionónhskwaron rátsinn owíra tánon wahonwasénhnaien ó꞉ni tahóntkawe nètho ahonteskónhthe. Ronhton né kí꞉ken nonhkwaní꞉io, tsi nikáien ne tethesakohiatinekénʼen ne Egypt.

Joshua 22:14

Oié꞉ri nihá꞉ti ne sakotihenténhse wahón꞉ne ne Phinehas, shatihiaʼtà꞉tsons ne tsi iaʼtewatsénhtos nòkwah kentióhkwas tánon shatihiaʼtà꞉tsons nohén꞉ton í꞉ken tsi ratiwatsí꞉raiens ne tsi ratiʼthá꞉raiens.

Joshua 22:16

tánon shakotiʼthará꞉nis kwáh kanenhrakwé꞉kon ne Roiá꞉ner rahonkweʼtashón꞉as, washakotiró꞉ri, “Nonhtié꞉ren tsi ki thóh nikarihwahétken tsi nesewátiere tsi nòkwah ne Sakoiá꞉ner Nisraerʼró꞉nonhke? Watsisewawenhnónhti ne Roiá꞉ner tsi wetsónhni kí꞉ken ietsienharáhkwa ne ní꞉se sewarihwà꞉ke! Iáh ó꞉nen tetsitsewanonhteráties!