Joshua 15:7 - Ohiatonhseratokénti

⁷ Thóh tetsioténhtion nenahonráhkwakon ne tekaʼnikónhrare tánon Debir nietsawé꞉non, tánon ethò꞉ne iatehiokwáhthase nothorè꞉ke nietsawé꞉non ne Gilgal nón꞉we, né꞉ne ahohénton ne Adummim iatehiokwáhthase ne entiè꞉ne nokwá꞉ti nahonráhkwakon. Ethò꞉ne eʼnietsawé꞉non ne tsi tioná꞉werote ne Enshemesh, ietsiohiakén꞉en Enrogel nietsawé꞉non,

Joshua 15:7 Referans Kwoze

1 Kings 1:9

Énska wenhniserátheʼkwe ne Adonijah waʼsakoteskónhthen ne teiotinakaronhtónhʼas, tèro, tánon né ionaresénhsens tiohnhónskwarons owíras né Snake Rock nónhwe, ákta ne tsi tsonáweroʼtes ne Enrogel. Waʼsakohónkaron ne ronátsakes ne Ronhnonhtí꞉io Táwit sakohiohokónhas tánon ne ronhnonhtí꞉io rahonhatserahókons né꞉ne Judah nithonénons nahonthahónhne tsi nihotéskonhte rokʼkwáhere,

2 Samuel 17:17

Ne Jonathan ó꞉ni ne Ahimaaz thototirá꞉rekwe En-rogel nón꞉we; ienhá꞉tshera ieksá꞉a sés thonienhénhʼien tánon enhonwatiró꞉ri, tánon thóh nienhén꞉ne enhonwaró꞉ri ne Ronnontí꞉io Táwit; asèken iáh tené꞉reh ne tahontaiawénhstsi tsi ianinatá꞉rane kanatowanénhke.

Joshua 7:26

Kenthonhiowá꞉nen onénhia wahatitstoʼkó꞉ten ne rahiátake, shé꞉kon nónhwa wenhniserá꞉te niwè꞉ne. Ne ki tiorì꞉wa shé꞉kon ne nónhwe ne konhwanaʼthónkwa ne kaʼnikonhrakséntshera ahonráhkwakon. Ethò꞉ne ki ne Roiá꞉ner iáh ó꞉nenh teshothenakwawenhrá꞉ti.

Hosea 2:5

Asè꞉ken ne konhwanisthénha ne iotswátonhne ne kanakwaiesátshera; tsi niká꞉ien ne iakawenhnakerátston atehenserákon tsi nihiotié꞉ren. Asè꞉ken iáwenh, “Kwáh kí enkheséhreson naskareshónhas; ronónha ionkenataranónhtens tánon ionkhenanóntens, ne teiotinaʼkarontónha ononwé꞉ron tánon nakeniatarahashónhas, nakénhie iakeiewáthas tánon ne katonhwesenhtákwah ohnekashón꞉as.”

Isaiah 65:10

Sharon nón꞉we athenhénrakon enkonwatiʼteronhtákwahke né raotiʼtshenenʼókons teiotiʼnakaronhtónhas tánon né kaiatákeras, tánon ahonrákwahkon né Achor nón꞉we né raotiʼtshenenókons tionhnóns꞉kwahrons enkontenaskwáhkeron, asèken nakonkwetaʼshón꞉has ronón꞉ha iontiaʼtisákhon.

Joshua 15:15

Thóh hionsahatén꞉ti iasakotiaʼtón꞉ti nonhkweshón꞉as ne Debir ratiʼterónhtakwe. (Kí꞉ken kanatowakénke ne konwáiatskwe ne Kiriath Sepher.)

Joshua 10:43

Sonhteweienénhthaʼne kí꞉ken, ne Joshua ó꞉ni ne rahonkweʼtashón꞉ʼas ronhterí꞉ios tsi thonatená꞉taien ne Gilgal hionshahón꞉ne.

Joshua 7:24

Ne Joshua, skátke nonhkweshón꞉as ne Israerʼró꞉nonhke, wahonwaié꞉na ne Achan, ne kawistará꞉ken, ne tehiontewehiarákwah, ne skakonhrét꞉tsa owistanó꞉ron, skátke ne Achan rahonekenʼteronhtieraʼshón꞉as ó꞉ni ne rahohiaʼtasehtieraʼshón꞉as, rahotienenhó꞉kons tionónskwahrons, ó꞉ni ne teiotinakaronhtónhas, rahotó꞉sehra, tánon nohiásons nahorihoténhsons shé꞉kon ahoiénthake; tánon iahonwahiaʼténhawe nahoráhwakon ne kaʼnikonhraksénhtsera.

Joshua 4:19

Nonhkweshón꞉as wathatiniatharihiáke ne Jordan né꞉ne oieríhaton siwenhniserá꞉te ne tiotierénhton wenhnítare tánon Gilgal nón꞉we iahontená꞉taien, né꞉ne nà꞉kon nokwá꞉ti ne Jericho.

Joshua 15:6

Iekaʼní꞉hare tsi nió꞉re ne Beth Hoglah, tánon othorè꞉ke nietsawé꞉non ne tsi iehiotewenokwáhthe iaʼtekaká꞉nere ne ahonráhkwakon ne Jordan. Ethò꞉ne thóh nietsawé꞉non ne tsi tkanénhiote ne Bohan (Bohan ne roienkénhen ne Reuben),

Joshua 18:17

Ethò꞉ne ietsokwatáse othorè꞉ke nietsawé꞉non iaʼtehiahó꞉ien ne Enshemesh tánon ethò꞉ne Geliloth iaʼtehiahó꞉ien, ákte nòkwah ne Adummim iohathátie. Ne tsi karisthatátie ethò꞉ne thóh ietsononhtatsnénhton iaʼtehiahó꞉ien nonenhià꞉ke ne Bohan (ne Bohan ne roienkén꞉en ne Reuben)