Joshua 12:7 - Ohiatonhseratokénti

⁷ Ne Joshua tánon nonhkweshón꞉ʼas Nisraerʼró꞉nonke washakotisén꞉ni ratikwé꞉kon ne ronhtinontí꞉ios ne tsi kanakerahserá꞉iens ne tsi iaʼtewatséntos nokwá꞉ti ne Jordan, né꞉ne Baalgad tsiothásawe iéhio nahonráhkwakon ne Lebanon thóh nietsawè꞉non tsi Tionónte ne Halak ne nentiè꞉ne nokwá꞉ti ne Edom. Ne Joshua watenhnaríthe kí꞉ken ohóntsas tsi naʼtehóntere ne rahothitióhkwas tánon thashaká꞉wen ne tsi nénhwe enhonawenhkón꞉weke.

Joshua 12:7 Referans Kwoze

Joshua 11:17

Ne tsi kanakerahserá꞉ien thóh tsioténtion ne tsi Ionónhte ne Halak ne nenhtiè꞉ne ákta ne Edom, tsi nió꞉re ne Baalgad ne othorè꞉ke nokwá꞉ti, nahonráhkwakon ne Lebanon ne nenhtiè꞉ne nokwá꞉ti ne tsi Ionónhte ne Hermon. Ne Joshua né꞉ne karí꞉wes ronaterí꞉iokwe ne ronhnontí꞉io ne tsi kanakerahserá꞉ien, ók ratikwé꞉kon washakoié꞉na tánon washakononwarià꞉kon.

Joshua 11:23

Ne Joshua kwáh ohontsakwé꞉kon wahatié꞉nawatste, tsi ki nihoró꞉ri ne Roiá꞉ner ne Mahís. Ne Joshua Israerʼró꞉nons thasaká꞉wen nahonawenhkónhweke tánon tenkahiakhónhnionke, énska ne sohthitioiókwah enhatiienà꞉seron. Káti nonhkweshón꞉as wahonorihsénhthane tsi waterí꞉io.

Joshua 9:1

Ratikwé꞉kon ne ronhtinonhtí꞉ios ne tsi iaʼtewatsénthos nokwáti ronathohetsthákwen ne Jordan wahatiriwà꞉ronhke tsi ní꞉ioht nonkweshón꞉as ne Israerʼró꞉nonke shakotisénhnion ne tehontaʼtsons. Ne ronhtinonhtí꞉ios ne tsi ionontahrón꞉nions ó꞉ni nononhtaʼthónties ne satekanakeraserí꞉hen ne Palestine nón꞉we wahatirihwà꞉ronhke nónhne. Tánon ó꞉ni ne ronhtinonhtí꞉ios ne iowenokwáseron ne tsi watonhwenhtsá꞉ien ne Mediterranean Kaniatarakeʼkó꞉wa wahatiriwà꞉ronhke nónhne. Iekaníhare ne Thontinonhtí꞉ios tsi nió꞉re ne othorè꞉ke nòkwah ronatohetsthákwen ne Lebanon wahatiriwà꞉ronhke tsi nihonatkweniónhkwen ne Israerʼró꞉nons. Kí꞉ken ronhtinonhtí꞉ios ne wahatiriwà꞉ronhke tsi nihonatkweniónkwens ne Israerʼró꞉nons né꞉ne sakotinonhtí꞉ios ne Hitró꞉nons, ne Amorʼró꞉nons, ne Canaanites, ne Perizró꞉nons, ne Hivró꞉nons, ó꞉ni ne Jebusites.

Joshua 3:17

Tsi nikarì꞉wes nonhkweshón꞉as thakéson rónhne tehothihiaiakonhátie iahontsiaʼténhen, ne rokhá꞉res ne rahá꞉wi ne Roiá꞉ner Rahoneró꞉kwa Naterihwaʼseronhniá꞉tshera tho í꞉wah iahontsiát꞉ten tsi nón꞉we niráthe né꞉ne shatekaniatharíhen ne Jordan kwáh tsi nió꞉re ratikwé꞉kon wathatihiá꞉iake.

Deuteronomy 2:4

Wahakró꞉ri nahontakwá꞉ion né kén꞉en iotiè꞉ton noriwaʼshónhas ‘Kwáh onenthó꞉wa iahí꞉sehwe ne tsi tiononhtaʼrón꞉nions ne Edom, né꞉ne raonatinakeraʼsehrá꞉kons ne íhnon tsi ní꞉ioht tsi sewatatenónhkwe, né꞉ne Esau raowátsires. Kwáh ki enietsitshà꞉nike,

Deuteronomy 2:1

kharehó꞉nen thonsahiakwatʼkarahté꞉ni tánon iohontsathèn꞉ke niahà꞉kwe, né꞉ne tsi nihiothahí꞉non tsitʼkanéksker ne Aqaba, kwáh ki tsi niháwenh ne Roiá꞉ner, tánon kwáh í꞉ken tsi karí꞉wes waʼtsiakwahtawénhrie tsi iononhtaʼrón꞉nions ne Edom.

Genesis 36:30

Dishon, Ezer, tánon Dishan; ne kí꞉ken ne raotiʼtaraʼshón꞉ʼahs ne Horʼró꞉nonʼs, ne tsi ionhontsá꞉ien ne Seir.

Genesis 36:20

Ne kí꞉ken raonekenhteronʼtsheraʼshón꞉ʼahs ne Seir ne ne Horʼró꞉non, ne ne sihatinakereʼón꞉we tsi ionhontsá꞉ien: Lotan, Shobal, Zibeon, Anah,

Genesis 36:8

Katíʼ ne Esau tsi ionontahrónnion kanakerahserá꞉ien ne Seir nón꞉we nahatatíʼteron; né Esau ne ne Edom ó꞉ni ronwá꞉iats.

Genesis 32:3

Né Jacob ratirihwakarénieʼs ohén꞉ton iahshakotó꞉ri naontahón꞉ion norí꞉wa ne iatateʼkén꞉ʼa Esau ne ne tsi tiohontsá꞉ien ne Seir, ne ne Edom kanakerahserá꞉kon.

Genesis 14:6

Ó꞉ni ne Horites ne ne tsi ronatenontahrónnionhs kanakerahserá꞉ien ne Seir kwáh tsi niió꞉re ne Elparan tsi ieiótte ne iahonwentsathenhá꞉ke;

Psalms 135:11

Sihon, né sakononhtí꞉iokwe ne Amorʼró꞉nons, tánon ne Og, né꞉ne ronhnontí꞉iokwe ne Bashan nón꞉we, tánon tsi nikanakerásehra ne Canaan—