Joshua 12:4 - Ohiatonhseratokénti

⁴ Kwáh ó꞉ni wahonwasén꞉ni ne ronhnonhtí꞉io Og né꞉ne Bashan nón꞉we, rahonhà꞉a khók iatesothaténronhne ne rathikowá꞉nenskwe né꞉ne Rephaim; roʼkorásthonhne ne Ashtaroth nón꞉we tánon ne Edrei.

Joshua 12:4 Referans Kwoze

Deuteronomy 1:4

Ne kí꞉ken nó꞉nen ne Roiá꞉ner shihosénhnion ne Ronhnonhtí꞉io Sihon né꞉ne Amorʼró꞉nons nahotaró꞉ten, raónha rakó꞉rahkwe ne tsi kaná꞉taien ne Heshbon, tánon ne Ronhnonhtí꞉io Og né Bashan, raónha ne rakó꞉rahkwe ne tsi kaná꞉taien ne Ashtaroth ó꞉ni ne Edrei.

Joshua 13:12

Thóh í꞉kare ne rahonhnonhtihiótsera ne Og, né꞉ne iatesaonhà꞉a ne Rephaim, né꞉ne raónha thoniarotháronhne ne Ashtaroth ó꞉ni ne Edrei. Mahís kí꞉ken shakosénhnion ki onhkweshón꞉a tánon sakohiaʼtinekén꞉en.

Joshua 13:31

Thóh í꞉kare nasénhnon ne Gilead, ó꞉ni ne Ashtaroth ó꞉ni ne Edrei, né꞉ne kanathakweʼní꞉io ne kanatowá꞉nens ne Og kanakerahserá꞉kons ne Bashan nón꞉we. Akwé꞉kon kí꞉ken ne thonwanawí꞉hons ne asénhnon rahotiwá꞉tsires tsi nithonatwatsirí꞉non ne Machir ne roiénha ne Manasseh.