Joshua 12:1 - Ohiatonhseratokénti

¹ Nonhkweshón꞉as Nisraerʼró꞉nonhke ó꞉nenk rotiienàhon ó꞉ni ronatiaʼthakweniióston nonhóntsa ne tsitkarahkwí꞉nekens nokwá꞉ti ne Jordan, tsi nió꞉re ne Arnon ahonráhkwakon tsi nieiawé꞉non ne Jordan ahonráhkwakon tánon tsi nió꞉re nothorè꞉ke tionónhte Hermon. Tekanontiiotsérake wahonwatisén꞉ni ne nón꞉we.

Joshua 12:1 Referans Kwoze

Judges 11:18

Ethòne kíʼ ónen iahonwenhtsiatʼthénke niahónhne, wahonkwáhthaʼse ne tsi ionhontsáien ne Edom ó꞉ni ne tsi ionhontsáien ne Moab tsi nióre ne nàkon nòkwahti ne Moab iahónhnewe, né꞉ne í꞉se Nakaniataráti ne Arnon. Thóh nónhwe nahonthatohsehróthen, ók iáh tsiatehotihiáiakon ne Arnon tsioríhwa tsi thóh nónhwe nikaristhatátseʼne ne Moab.

Joshua 1:15

tsi nió꞉re nenhatihiathakweʼní꞉ioke nonhóntsa ne tsi iaʼtewatshénhtos nokwá꞉ti ne Jordan né꞉tho Roiá꞉ner Onhkwaní꞉io teshakowì꞉re. Nó꞉nen enteshakó꞉wike ratikwé꞉kon ne rahothitióhkwas ne Israerró꞉nonhke, ethò꞉ne enwá꞉ton thenthí꞉shewe tánon kén꞉en nón꞉we nashewatená꞉taien ní꞉se sonhontsà꞉ke né꞉ne tsitʼkarahkwí꞉nekens nokwá꞉ti ne Jordan, tsi niká꞉ien ne Mahís, ne Roiá꞉ner rahonkwè꞉tha, thetsisehwá꞉wi.”

Numbers 21:24

Ók kíʼ NʼIsraerʼró꞉nons ronatiokowánen wasakotinonhwariakónhnion ne tsi waterí꞉io ne tehontátʼtshons tánon wahontiénawasthe ne rahononhóntsas né꞉ne Arnon Kaniatarahtátie thontásawenh tsi nióre ne Jabbok, né nènhne ne Ammonró꞉nons nónhwe, tsioríhwa ne Ammonró꞉nons tsi karisthatátie kwáh íken tsi ioníronh tsi ní꞉ioht tsi thatínes.

Numbers 21:13

Thonhthahonténhti né nónhwe tánon shé꞉kon hionhsahonthatohsehróten né othoréke nokwáhti ne Arnon kaniataratátie, né꞉ne karahkhonkówa íken né꞉ne ièhio ne Amorʼró꞉non kanakerahseráien. (Ne Arnon né꞉ne tsi karisthatátie tsi natetátere ne Moabites tánon ne Amorʼró꞉nons.)

Isaiah 16:2

Kwáh tsi ní꞉ioht ne tewatewehiaríkʼkons otsithénha, tsi ní꞉ioht ne tehiotʼtókwen otsinákwah, kwáh kí né꞉ne akohiohʼokónhas ne Moab tsi nón꞉we natsiakʼtónhties ne Arnon nón꞉we.

Psalms 133:3

Kwáh né꞉ne tsi hioáweien tsi ionónte ne Hermon, thóh iehiosénhen tsi ionhniáhere ne Zion. Asèken thóh nón꞉we ne Roiá꞉ner nihorihwaniráton ne raoiatateríhtsera, ne natónnets ne ionhnehónwe.

Joshua 22:4

Ó꞉nen ki, tsi ki nihorahrátstons, ne Roiá꞉ner Sewaní꞉io thashaká꞉wen ne ronátiaʼkes Nisraerʼró꞉nons ne skén꞉non. Káti wás thóh nionhsásewe ne tsi tionhontsá꞉ien tsi niká꞉ien ne sewá꞉ton í꞉se sewáwenk, ne tsi ionhontsá꞉ien ne nà꞉kon nòkwah ne Jordan, né꞉tho Mahís, ne Roiá꞉ner rahonhátshera, thetsisewá꞉wi.

Joshua 11:17

Ne tsi kanakerahserá꞉ien thóh tsioténtion ne tsi Ionónhte ne Halak ne nenhtiè꞉ne ákta ne Edom, tsi nió꞉re ne Baalgad ne othorè꞉ke nokwá꞉ti, nahonráhkwakon ne Lebanon ne nenhtiè꞉ne nokwá꞉ti ne tsi Ionónhte ne Hermon. Ne Joshua né꞉ne karí꞉wes ronaterí꞉iokwe ne ronhnontí꞉io ne tsi kanakerahserá꞉ien, ók ratikwé꞉kon washakoié꞉na tánon washakononwarià꞉kon.

Joshua 11:3

Tánon ó꞉ni iashakoteriwaniéten ne Canaanites né꞉ne tetsarónhkwen nokwá꞉ti ne Jordan, ó꞉ni ne Amorʼró꞉nons, ne Hitró꞉nons, ne Perizró꞉nons, ó꞉ni ne Jebusites ne tsi ionhnontharón꞉nions kanakerahseraké꞉rons, ó꞉ni ne Hivró꞉nons né꞉ne tsi iononhthaienthàhon ratinákere ne tsi ionhnónte Hermon né꞉ne tsi wathonwenhtsá꞉ien ne Mizpah.

Deuteronomy 4:48

Kí꞉ken ohóntsa iéhio tsi nió꞉re ne tsit kaná꞉taien ne Aroer, ne tsi iéhio ne Arnon kaniataratátie, kwáh tsi nió꞉re ne othorè꞉ke tsi tionón꞉te ne Sirion, né꞉tho né꞉ne, tsi ionón꞉te ne Hermon.

Deuteronomy 2:24

“Shahakwatóhetsʼte ne Moab, ne Roiá꞉ner wasonhkwaró꞉ri, ‘Ó꞉nen, Iaʼsehwatáshawen tánon tesewaiá꞉iak ne Arnon kaniataratátie. Thóh entsién ne kaʼshatsténshera shohà꞉ke Sihon, né꞉ne Amorʼró꞉non Rononhtí꞉io ne Heshbon nónhwe, kenikwé꞉kon ne raonhóntsa. Iaʼtsisehwatiaʼtónti, tánon tasehwatáshawenh sewatié꞉nawast ne raohóntsa.

Numbers 32:19

Iáh kíʼ tahiakwatiathakweʼní꞉ioste ne thènen kaienhtátshera tsi natehónteres ne í꞉se nokwáhti ne Jordan, tsioríhwa tsi waʼhakwaiéna ní꞉i onhkwáhkwenk kénʼen ne tsitʼkharakwínekens nokwáhti ne Jordan.”

Numbers 32:33

Káti ne Mahís thaʼshakáwenh ne raotiʼtiókwa ne Gad tánon ne Reuben tánon asénhnon ne raotiʼtiókwa ne Manasseh kanakerasehrakwékon ne Ronhnonhtí꞉io Sihon rahonakerásehra né꞉ne Amorʼró꞉nons tánon ne Ronhnonhtí꞉io Og né꞉ne Bashan nónhwe, ehʼhí꞉kare ne kanataiéntons ó꞉ni naktóntsies kanakerasehráiens.

Joshua 13:8

Ne rahotitióhkwas ne Reuben ó꞉ni ne gad ó꞉ni nó꞉ia tióhton nihotitióhkwakes ne Manasseh ó꞉nen nénhne rotiienàhon nonhóntsas né꞉tho Mahís teshakó꞉wi, né꞉ne Roiá꞉ner raonhátsera, theshakó꞉wi; né꞉ne tsitʼkarahkwí꞉nekens nokwá꞉ti ne Jordan Kaniataratátie.

Psalms 89:12

Í꞉se sarihwaʼkanonhníhon tsi nihioterihwaʼtséren notoré꞉ke tánon nenhtié꞉neʼ né Tabor tánon ne Hermon atʼtsenhnonhniaʼtsherákon tsi tetsiatenonhweráton ne sasénhna.

Psalms 136:21

tánon tasakáwen nonhóntsa tsi shasakahʼohésten, asèken ne iorihwatóken raonoronhkwáhtshera tsi nénhwe enkátake;

Numbers 21:21

Ethòne nonhkweshón꞉ʼas NÍsraerʼró꞉nonhke iahonwanaténiete ne ratirihwakarénies tsi thénhteron ne ronhnonhtí꞉io Sihon né Amorʼró꞉non nónhwe nahonhníron:

Numbers 32:32

Tsi rahónha thoniarótharon kwáh tsi ienhiakwahthonhontsórenhne ne Canaan tánon ateriioseráke nienhiákwe, né káti nahónton nahionhkwatienawasthónhake nonhkwahientátsheras ne kénʼen nónhwe ne tsitʼkarakwínekens nokwáhti ne Jordan.”

Deuteronomy 2:32

Ne Sihon tashakohiaʼténhawe ratikwé꞉kon ne rahonkweʼtashón꞉as nahiakwaterí꞉io ákta ne tsi kanatowanènhke ne Jahaz,

Deuteronomy 3:1

“Ethò꞉ne, othorè꞉ke nionsaiákwe né꞉ne tsi watonwénhtsaʼien ne Bashan, tánon ne ronhnonhtí꞉io Og tashakohiaʼténhawe ratikwé꞉kon ne rahonkweʼtashón꞉as nahiakwaterí꞉io ákta ne tsi kanatowanèn꞉ke ne Edrei.

Deuteronomy 4:44

Mahís tasaká꞉wen ne Rawenni꞉io raoʼianerénseras ó꞉ni ne karihonnienhní꞉tsheras ne Israerʼró꞉nons.

1 Kings 4:19

Geber né꞉ne roʼníha ne Uri: né꞉ne tsi wathonwénhtsaien ne Gilead nónhwe nihanákere, né nènhne ne ronhnonhtí꞉ioʼkwe Sihon rokorasthónhne né꞉ne Amorʼró꞉non nahahiathótenhne tánon ne ronhnontí꞉ioʼkwe Og né꞉ne Bashan nónhwe nihanákereʼkwe Né thihatíte kí꞉ken tekeniʼiawénhre nihátiʼkwe, saiátat khók ne rakórakwe kènhne nakwékon tsi níkon ionhontsaiénthaʼkwe.