Joshua 11:22 - Ohiatonhseratokénti

²² Iáh ne saiáta tsiatesothaténron ne Anakim ne tsi ionhontsá꞉ien ne Israerʼró꞉nonhke; tó꞉khara khók niháti, ethosà꞉ne, thóh nón꞉we iatonathátere né꞉ne Gaza, Gath, ó꞉ni ne Ashdod.

Joshua 11:22 Referans Kwoze

1 Samuel 17:4

Tánon thóh tahatiʼiákenʼne tsi niwatohserótons ne Philistines ne ne raronhonkwénhawe ne ne Goliath ronwá꞉iats, ne Gath nón꞉we, ne rahón꞉ʼa tió꞉ton niwashí꞉tahke tánon tió꞉ton nihionká꞉rahke nihanénhies.

Joshua 15:46

tánon akwé꞉kon ne kanatowá꞉nens ó꞉ni nikanatà꞉sas ne ákta ne Ashdod, né꞉ne Ekron tiothásawe tsi nió꞉re ne Mediterranean kaniatarakeʼkó꞉wa.

Isaiah 20:1

Né shiʼioseráte nètho rateriʼioserakweʼní꞉io, rahónha thoteniéton ne ronnontí꞉io Sargon ne Assyria nón꞉we iaháraʼwe Ashdod nón꞉we tánon iahatsiaʼtónti tánon wahaié꞉na—

2 Chronicles 26:6

Né Uzziah wahonterí꞉io ne Philistiaró꞉nons. Wahashontarihʼshiónko ne kanatowanénhke Gath, Jamnia, tánon ne Ashdod, tánon wahatenhenhronhniánions tsi watanathanátʼkons ne kanatowánens ákta ne Ashdod tánon ne kén iotsétons ne Philistiaró꞉nonhke.

1 Chronicles 18:1

Onahkén꞉ke ne Ronnontí꞉io Táwit shé꞉kon ionhshasakotiaʼtónhti ne Philistiaró꞉nons tánon wasakosénhni. Éhʼren waʼsakoiatenháwiʼte tsi thotiniarotháronhne ne tsi kanatowanénhke ne Gath tánon nathatiesónhas kanataiéntonskwe.

1 Chronicles 8:13

Né Beriah tánon ne Shema ronón꞉ha nononhtsikowátʼtsions kènhne tsi kawatsirakérons né iehonanáhthaien tsitkanatowanénhke ne Aijalon tánon washakotiʼiatínekenhwe nonhkweʼshónha né nón꞉we nihatinákereʼkwe né kanatowakenhke ne Gath.

1 Kings 2:39

Áhsen nihioseráke ohnakènhke, tsi nihiótha, tenihiáse ne Shimei rahonhátseras né꞉ne Achish tánon ne Maacah wanhiniákenhne tsi thénhteron ne ronhnonhtí꞉io ne Gath nónhwe niaháne. Nónen ne Shimei saharihwáronhke tsi Gath nónhwe niehonénon,

1 Samuel 5:1

Nó꞉nen ne Philistine sahatiʼié꞉na ne raoʼneró꞉kwa ne Ní꞉io, Ebenezer nón꞉we tahatíhaʼwe tsi niahón꞉ne Ashdod;

Judges 3:3

Tsi niká꞉ien ne iatehonathaténhrons ne tsi ionhwenhtsáien né꞉ne wísk nihotinátakes ne Philistiaró꞉nons, ratikwékon ne Canaanró꞉nons, ne Sidonró꞉nons, tánon ne Hivró꞉nons né꞉ne tsi iononhténions ne Lebanon nónhwe nihatinákeres thóh tsotásaʼwe ne tsi ionónhte ne Baal Hermon tsi nióre ne Hamath Pass.

Acts 8:40

Philip Azotus neh nonnionsáre; thó꞉ne Caesarea, nionsáre, tánon tsi niaháre roteriwanothátie ne kariwí꞉ios ne kwáh tsi niaʼtekanatákes.

Deuteronomy 9:2

Nonhkweshón꞉as kwáh í꞉ken tsi ratinenhiésons ó꞉ni ratiʼshátstes; kwáh í꞉ken tsi ratikowá꞉nens, tánon sewariwarón꞉ken iáh ónhka tahiekwé꞉ni nahonwatisénhni.

Joshua 15:14

Ne Caleb washakorekwáhthe tsi rathiwatsiratátie ne Anak ne tsi kanatowanénhke—tsi ratiʼtharaién꞉tons ne Sheshai, Ahiman, tánon ne Talmai.

Judges 1:18

Né Roiá꞉ner washakoiénawaʼse nonhkweshón꞉as ne Judahró꞉nons, tánon wahontsénawasʼthe ne ionhniarónhnion kanakerahserá꞉iens, ó꞉ni ne Gaza, Ashkelon, ó꞉ni ne Ekron ó꞉ni ne aktónhtse kanakeraseraʼkérons. Ki ken onhkweshón꞉as ne kaniataratʼthontse ratinakerénions né nènhne rothiserethaiéntons ne karístatis otsónkwas, káti ne Judahró꞉nons iáh kíʼ tehothikwénion nashakotihiatinekénʼen.

Deuteronomy 2:23

Nohóntsas ne ió꞉seron ne Mediterranean atiaʼthónties thóh nónhwe nihonatenaʼtón꞉ni nonhkweʼshón꞉ʼas ne Crete nithoné꞉non. Ronónha ronwanaʼthónton ne Avvim, né꞉ne thatinakerehónwekwe, tánon akwé꞉kon ronatienawáston ne raononhóntsas kwáh tsi nió꞉re nentiè꞉ne nokwáhti iotohesthákwen ne tsi kanatowá꞉nen Gaza.)

Joshua 10:41

Ne Joshua tsi wahatoriáneron tsi tahaténhti ne Kadesh Barnea nón꞉we né꞉ne tsi iaʼtewatshéntos nokwá꞉ti ne Gaza né꞉ne kaniataraktónhtie, eʼthí꞉kare tsi niwatenáskwa ne Goshen, tánon tsi nió꞉re ne othrè꞉ke nokwá꞉ti ne Gibeon.

Joshua 15:47

Tánon ó꞉ni ne Ashdod ó꞉ni ne Gaza, kontikwé꞉kon nahonathaʼshón꞉as ó꞉ni ne kenʼnikanatà꞉sas, iéhio ne tsi kahionhatátie thóh tsi karistatátie ne Egypt tánon ne kaniatarakthóntie ne Mediterranean Kaniatarakeʼkó꞉wa.