Joshua 10:13 - Ohiatonhseratokénti

¹³ Ne entieʼkhené꞉kha karáhkwa iáh tetsiothorianéron tánon ó꞉ni nashonthenhné꞉kha karáhkwa tsi nió꞉re nonhkweshón꞉a wahonwatisén꞉ni ne tehontatʼtsons. Thóh nón꞉we kí꞉ken nikahiá꞉ton né꞉ne Kaiatonhserákon ne Jashar. Nenhtieʼkhené꞉kha karáhkwa asénhnon ne tsi karonhiá꞉te nón꞉we natká꞉thaʼne tánon iáh tsiatehiotsénhtho nenhniserakwé꞉kon.

Joshua 10:13 Referans Kwoze

Habakkuk 3:11

Tsi natewatʼtsiró꞉ke ne tehió꞉ka sáwenk kaienkwí꞉res tánon tsi natehiahó꞉ien ne tehiostaratʼte sashí꞉kwahra; ne karáhkwa tánon nasonhthenhné꞉kha karáhkwa watʼkenítane.

Isaiah 38:8

Satkátho, kwáh enkónhni nahontasá꞉taren tsi niahorakwenhenhátie thóh raorakwahkenhenʼióntha ne Ahaz nahonsonkéte oiéri nihiokhá꞉hake.” Sók kí ne karáhkwah sontʼthá꞉te ne karakwahkenhenʼióntha oiéri nihiokhá꞉hake né tsi nienhiorakwénhen.

Joshua 10:14

Iáh nonhwénton ne tiotierénhton, tánon iáh ó꞉ni shé꞉kon nón꞉wa, ne nahonnhiseroténhake, nó꞉nen ne Roiá꞉ner wahowénhnaraʼkwe ne rónhkwe. Ne Roiá꞉ner Israerʼró꞉nons nòkwah taharihwárahkwe tsi wasakoterí꞉iose!

Judges 16:28

Ethòne ónen ne Samson wahaterénhnaien, “Sanonhtí꞉io Saiá꞉ner, asatʼthónthate, Sewenní꞉io sathóntat saskehiárah; sathónhtat, Ní꞉io, táskon ne kashastsʼténsera énskak khók iesewáteratst, né káti ne énskak khók iekáient akʼkwéni ne sathahonsahiáwenhne ne kí꞉ken Philistiaró꞉nons ne tehionkʼkharathákwen.”

Luke 18:7

Nok ne Niio, iah onteken tataontasakonnhe ne sakoiatarakȣen tiotkon onȣe iatehotihenretha raonhake, ethoneh ne sane roniskohe nahatreȣate ne rononha raotiriȣake.

Joel 3:15

Nentieʼkhené꞉kha karáhkwa ó꞉ni nahsonthenhné꞉kha tahioká꞉rahwe, tánon ne tsi iotsistohkwarón꞉nions iáh ó꞉nenh tahtetsoswatʼte.

Joel 2:10

Watsahontsíshonkwe ne raotihén꞉ton, asè꞉ken ne tsi Rawenni꞉io wahá꞉wake ne tsi karonhiá꞉te. Ne karáhkwa tánon nasonthenhné꞉kha karáhkwa enwaterakwáhton, tánon ne tsi iotsistohkwarón꞉nion iáh ó꞉nen thatahonsakaswát꞉thete.

Psalms 148:3

Tehonwanonweráton, ne kará꞉kwah tánon nasonthenhnékha karákwah; tetsisewanonweráton, sewakwékon ne tesewatsistokwátʼtes!

Psalms 19:4

Kíʼ ó꞉ni naotiwénhna ohontsakwékon nitewé꞉tha, ó꞉ni nahotiwenhnaókon iehionhontióktha ne tsi ionwenhtsáte. Né tsi karonhiáte rothosehró꞉te ne kará꞉kwah aoriwáke,

Esther 8:13

Kí꞉ken entkarihowanáhton ne kaianerénhsera akwé꞉kon nón꞉kwe naiakotó꞉kenhse tsi kanakerahseraké꞉ron ó꞉nen kíʼ nen né꞉ʼe ne Sitaeró꞉non enhonatateʼweiennentá꞉ʼon naonsahshakotikáriaʼkse ne ronwatíhswenhs nó꞉nen ienwatenhniseríhewe.

2 Samuel 1:18

(Wahaténhnaʼne nètho Karénhna ne Ahén꞉na nahonwatiʼrihónhnien nonkweʼókons ne Judah nón꞉we; thóh nón꞉we nikaiá꞉ton Kaiatonhserákon ne Jashar.) Wahén꞉ron:

Isaiah 24:23

Eʼthó꞉ne nasontʼthenhnékha karákwah kwáh enhioneráko, tánon nentsekhenékha karákwah enwatéhen; asèken ne Sakoiá꞉ner ne ronterí꞉ios ratironhiakeró꞉nons kwáh kí enhatenontí꞉ioste ne tsi Ionónte ne Zion tánon ne Jerusalem nón꞉we, tánon raotihénton ne rahonkwetashón꞉has ne rotiʼtstenhokónhas kwáh kí enréhneste ne raoʼhiatanerakwáhtshera.

Judges 5:2

Tehonwanonhwerátons ne Roiá꞉ner! NʼIsraerʼró꞉nons iehotinikonhrakonhthákwen nahonterí꞉io; nonhkweshón꞉as kwáh ronatʼtsenhnónhni tsi wahontsátaren.

Joshua 10:11

Tsi nikarì꞉wes ne Amorʼró꞉nons rathitátke sohnanonhtatsnentonhátie ne iohthohétston tsi rathì꞉teron ne Israerʼró꞉nons ronhterí꞉ios, ne Roiá꞉ner kowá꞉nens waronhniá꞉nion nahiowí꞉sonhti nahothí꞉ienthe kwáh tsi nió꞉re ne Azekah. Sénha ne wé꞉so wahakório tsi nahowí꞉sonhti tsi ní꞉ioht ne Israerʼró꞉nons ronterí꞉ios.

Numbers 31:2

“Seréwat ne Midianró꞉nons ne tsi nisakotiʼieràse nonhkweshón꞉as NʼIsraerʼró꞉nonke. Nónen etnénhsehre, enshí꞉heie.”

Revelation 21:23

Tánon ne kanatowanenke iáh othenen thateiotonhontsioni ne kará꞉kwáh khehs nasónt꞉thenhnekha kará꞉kwáh ne takaswát꞉thete, asé꞉ken ne ne raoiá꞉tanerakwahtshera ne Ní꞉io ne nahoswát꞉thetsera í꞉ken, tánon ne wathaseranihionthá꞉kwah ne ne teiotinakaronhtón꞉ha owí꞉ra.

Revelation 8:12

Ne kaierí꞉haton raronhiakeró꞉non wahahonrá꞉wate, tánon énskat náhsen-énkar ne karáhkwa watsiahón꞉ko, tánon énskat náhsen énkar notsistohkwashón꞉as, káti né꞉tho énskat náhsen énkar naoswathétshera taioká꞉rawe; énskat náhsen-énkar nentsekéne iáh thatetsowatsté꞉on, tánon ó꞉ni thóh nahá꞉wenhne noʼkarasné꞉ha.

Revelation 6:12

Nó꞉nen sathanhetsáke ne iaiá꞉khaton, Watkaʼkathónhnionwe, tánon kwáh í꞉ken tsi watewatenonhianí꞉te watsiahontsí꞉shonkwe, ne karáhkwa kwáh kahón꞉tsi nahá꞉wenhne tsi nontaioká꞉rawe, ne iekarakwahié꞉ri nasontenhné꞉kha thóh nonshokoténhne tsi ní꞉iót nonekwénhsa,

Revelation 6:10

tsiathotihén꞉rehte tsi nihatiwén꞉na, “Shasatstenhserowanenhkó꞉wa Saiá꞉ner, saiatatokénhti ó꞉ni oriwihioʼón꞉we í꞉ken, thóh nenhkariwé꞉shonke tsi nió꞉re ní꞉se ienseriwénhte tsi enserewá꞉te ne ronhnonhontsakeró꞉nons tsi ionkhinonwariatkhónnion?”

Acts 2:20

Ne karáhkwa entsiokárawe, tánon nasonhthenhné꞉kha karáhkwa thenwatenekwenhsónhten, raohén꞉ton ne teiotenonhianì꞉ton tánon iothenhniserát꞉teron rawenhní꞉sera ne Roiá꞉ner enwá꞉we.

Matthew 5:45

Aiaȣens iaontoriȣiheȣe ne tokenske etsiseȣaienha aonton ne Etsiseȣaniha Karonhiake tenteron: aseken iah tatehatihas, ok satesakosȣathetenni ne ionkȣetakson tsiniiot ne tionkȣetaieri.

Numbers 21:14

Né aoríhwa ne Ne Roiá꞉ner Rahohiatonhsehrákon ne Ionhteriʼiostákwah iotharáhkwen “Ne tsi kanátaien ne Waheb né꞉ne tsi iokwénhrahre ne Suphah, tánon nahonráhkwahkons; ne Arnon Kaniatarahtátie,

Matthew 24:29

Akȣa neok enȣatenniserohestste neh niȣenniserotens, onȣaterakȣaton, iah oni tataonsnkasȣathete nasonrekha, entkaniserenne ne karonhiake tiotsistokȣaronnion nok tenhiotihentonȣe nahosastensera tsi Tkaronhiate.

Joel 2:31

Ne karáhkwa entsiokárawe, tánon nasonhthenhné꞉kha karáhkwa thenwatenekwenhsónhten, raohén꞉ton ne teiotenonhianì꞉ton tánon iothenhniserát꞉teron rawenhní꞉sera ne Roiá꞉ner enwá꞉we.

2 Kings 20:10

Ne Hezekiah watharihwasehráko, “Waʼtséʼsen nén꞉ne ne tsi iothasátare noiéri nihiokháhaʼke ohénton niáwe! Tsi ní꞉ioht noiéri nihiokháhake nonàken ahonsáwete.”

Job Tánon ne Raoronhiakensera 9:7

ónhka raró꞉ris ne karáhkwa, né tó꞉sa ahontakarakwí꞉nekenhne; ónhka sakoró꞉roks ne tsi iotsistohkwarón꞉nions;