Joshua 1:8 - Ohiatonhseratokénti

⁸ Iorihwiióhak né꞉tho kahiatónhsera ne kaianerénhsera tsi tió꞉konte enwatewenhnanót꞉thake nenhshaterén꞉naien. Shatéweiest tsi niwenhniseréhsons ó꞉ni noʼkarasnéha, tánon orihwí꞉io sónhni tsi enshatewénhnaraʼkwe akwé꞉kon tsi nikahiatónhnion. Ethò꞉ne ki kwáh enshahianerásten tánon enshaterihwaténtiaʼse.

Joshua 1:8 Referans Kwoze

Psalms 119:15

Kateweiénstha ne saianerénhseras; tánon wahkatʼkenhsehátie ne sarihonhnienhnítserah.

Psalms 19:14

Aiáwenhs nakewenhnasónhas ó꞉ni nakanontonnióntsheras ó꞉ni tsi nikatenikonraiéntons nakweriáne aeserientí꞉io, Ó Saiá꞉ner, iséke nón꞉we nikathasehtákwah tánon í꞉se sestsiatákwen.

Colossians 3:16

Ne Kerístos raoteriwanotátshera neh tsi nihió꞉kwats kwáh ioteriwí꞉son ne sewerianéson nón꞉we nakenteróntake; tánon tesewahtaterihónnien tsi natesewáhtere orihwakwé꞉kon isewatst ne kanikonrowanahtshera. Tesewahriwakwánion, ne teieriwahkwataokónhas, ó꞉ni ne orennatihokónhas; thetsisewahriwákwas ne Ní꞉io neh kanonweratontsherá꞉kon ne sehwarianésons.

Proverbs 3:1

Konién꞉ʼa tóhsa sasaʼnikónhrhen tsi nahò꞉ten enkonrihónnien. Tiótkon sehià꞉rak thóh náhshiere tsi nahò꞉ten enkonhró꞉ri.

Deuteronomy 29:9

Iorihwatokénhak tsi sewatewénhnarak kí꞉ken owenhnaʼshón꞉as ne kí꞉ken ateriwaʼseronhniá꞉tshera, ne káti noriwakwé꞉kon ahisahianerásten tsi nenhshá꞉tiere.

John 14:21

Onka enhateȣeienton nakeriȣasonha enhariȣaierite oni, neh tohiken rakenoronkȣa; nok ne rakenoronkȣa, enhonoronkȣe ne Rakeniha, enhinoronkȣe oni nii, nok ȣene enhiiatonnien.

Luke 11:28

Tontahenron: neh tanon naha iakotaskasts niakotaonsate ne Niio raoȣenna nok ronȣaȣennarakȣa.

Matthew 7:24

Onkakiok rothonte tsinahoten katon, nok enhateȣeienton, neh tenthiiatenientenste ne ronkȣe oststenrake rotenonsonni;

Psalms 119:11

Akweriá꞉ne nón꞉we niwahkatewenhiénton ne sawénhna, ne natkwéni ne tó꞉sa akerihwánerake tsi nòkwah ní꞉se.

Psalms 119:97

Óh, tsi nikenorónhkwah ne saianerénhsera! Niahtewenhniseráke ne kanonhtonhniónkwas.

Matthew 7:21

Tsiniiakon ne ionkennis: Seȣenniio! Seȣenniio! iah tehontaȣeiatane ne Karonhiake; neok tanon ne ronikonraieriton ne kakeniha karonhiakon thenteron.

John 13:17

Toka seȣaterientare neh nikarihotens, enseȣaiatateri neh nenseȣaiere.

Joshua 1:7

Kwáh ne khók ne tashaʼnikonrakonhthaʼkwénhak, ó꞉ni shaʼnikonhranirónhak; tánon orihwí꞉io sónhni tsi kwáh orihwakwé꞉kon enshatewénhnaraʼkwe ne kaianerénhsera né꞉tho akenhátshera Mahís thiá꞉wi. Kwáh tó꞉sa thé꞉nen ne kák tsi ní꞉kon ne iáh karíhwa thasonhnià꞉ne tánon kwáh enshaterihwaʼténtiaʼse ne tsik nón꞉we nienhénse.

Deuteronomy 30:14

Iáh, nowén꞉na kwáh í꞉ken tsi tsaʼták꞉ta ká꞉ien, tsá꞉kon í꞉wa tánon seriáhsakon káti ó꞉nen sewariwanó꞉ronk.

Deuteronomy 5:29

Tó꞉ka shí꞉ken tió꞉konte ki é꞉tho nahonhnonhoténhseke! Tó꞉ka shí꞉ken tió꞉konte aiontkweniénstake tánon akwé꞉kon ahontewenhnaráhkwake nakeriwatà꞉tsheras, káti norihwakwé꞉kon tsiahioiánerenhne ne raotirì꞉wake ó꞉ni tsi nienhontwatsí꞉rine tsi nénhwe.

Psalms 119:99

Sénha ishinónhwe niwahkenikonrahiéntas tsi ní꞉ioht ne ratikwékon tsi nihotinikonhraiéntas ne ionkerihonhniénhnis, tsioríhwa tiotkonhónwe ne kanontonhniónkwas ne sarihonhnienhnítsera.

Isaiah 59:21

Tánon ní꞉i, né kí꞉ken naʼkaterihwasheʼronhniátshera tsi naʼteiakwáhtere, rá꞉ton ne Roiá꞉ner: nakenikónhra né tionháke káien, tánon nakewenhnaʼshónhas né thóh wakéthen tsi sewasaká꞉ronhtes, kwáh iáh thaʼtahontakaiákenhne né tsi sewahsaká꞉ronhte, iáh ó꞉ni ne tsi ratiʼsakarónhtons ne ietsiʼiohokónhas, iáh ó꞉ni né tsi ratisakaróntons né ietsiʼiatereʼokónhas, rá꞉ton ne Roiá꞉ner, kén ienwatásawen tánon né꞉ne tsi nénhwe enkénhake.

Deuteronomy 5:32

“Israerʼró꞉nons, kwáh orihwí꞉io kénhak tsi akwé꞉kon thóh nenhsewá꞉iere tsi niháwen ne Roiá꞉ner sewaNí꞉io tsiʼnítsi sewahró꞉ri. Tó꞉sa othé꞉nen sewatewenhnónti ne raoianerénhseras.

Deuteronomy 31:11

Sewenhnanótas nonhkweshón꞉as nʼIsraerʼronónke nó꞉nen enʼthónhne nahonwashén꞉naien ne Roiá꞉ner sewaNí꞉io né꞉ne tsi nón꞉we nihionterenhnaientáhkwa.

Ephesians 4:29

Tóhsa ne íhsas nowénna naiakonikonráksate, nók nek khók nowénna ne iakonikonrahnírats, tsi nikáien ne iakokétskwas ó꞉ni tsakówis nahóten tehiothonwentióʼon, neh káti tsi nahóten ensíron eniakohiénawase tsi niháti nen iesatʼthóntene.

Matthew 12:35

Tronkȣetaieri akȣaki neok tatakȣas tsini tioianere tkananon ne raȣeriane; nok ne ronkȣetaksen neh ki tatakȣas tsini teȣahetken ne raȣeriane.

Psalms 40:10

Iáh tewaʼkerihwahséhton ne karihwí꞉io ne senhténhrat nakonháke; kwáh tiókonte tsi waʼkatrórih ne sarihwaʼtokentítsera tánon ne senhténhrat; iáh tewaʼkerihwaséhton ne iorihwaʼtóken sanoronkwáhtshera tánon ne sarihwatokentítshera tsi nòkwah ne iakhotsiokowánen iakokʼkenhníson.

Matthew 28:20

Ietsirihonnien naieriȣanoronkȣake, aionteȣeienton oni tsinikon Kȣarihonte, nok tiotkon enteȣakȣekonhatie tsiniiore ienȣatonȣentsiokton. Amen!

Revelation 22:14

Iakotaskáts ne tsi niiakon ne ienó꞉hares nakotewehiá꞉ra, ne káti ne kwáh enhó꞉tiianerenhserá꞉ièn꞉take nahón꞉hiake tsi iorón꞉tote natón꞉nhets tánon enwá꞉ton niahontá꞉weiate ne kanaʼtowá꞉nenhke thóh enhón꞉toheste tsi iotenhenrá꞉karonhtes.

Genesis 24:63

Tánon né Isaac iahahiá꞉kenʼne ne kenʼk sitioʼkará꞉ʼon kahentà꞉ke waʼthatekhahahkwá꞉na nok wahatahrakétsko tanon wahshakó꞉ken iotiniaʼkwáhere takón꞉ne.

Deuteronomy 31:24

Ne Mahís wahahiatón꞉nion ne Rawenni꞉io raoianerénhseras ne kahiatonhserá꞉kon, kwáh wahatenhnikónhraren ne tó꞉sa othé꞉nen ahonikónhren.

Joshua 8:34

Ethò꞉ne ne Joshua kwáh rowénhthe tsi kahianerenserakwé꞉kon wahawenhnanó꞉ten, skátke ne kaiataterítsheras ó꞉ni ne karewathátsheras, kwáh ki tsi nikahiatónhnions ne kahiatonhserá꞉kon ne kaianerénhsera.

Deuteronomy 5:1

Mahís ratikwé꞉kon washakohiaʼtaró꞉rohke Israerʼró꞉nons tánon washakawénhase, “SewaʼIsraerʼró꞉nonhs, sewatahónshatat akwé꞉kon ne kaianerénseras nentkwawíhon nón꞉wa wenhniserá꞉te. Sewatéweienst tánon ioriwihióhak tsi sewatewén꞉narak.

Deuteronomy 29:8

wetewatié꞉nawatste ne rahononhóntsas, tánon wahithihiakhónhase ne tsi ratiʼtaraiéntons ne Reuben ó꞉ni ne Gad, tánon ne satekanenhrí꞉hen ne Manasseh.

2 Chronicles 26:5

Tsi kíʼ nikaríhweskwe ne Zechariah, né rahonkwé꞉ta rorihwihiostóntaʼkwe roʼtenikonhráwisʼkwe, shiʼrónhnekwe, iorihwatókenhne tsi wahohiótenhse ne Roiá꞉ner, tánon ne Rawenni꞉io wahohiatatériste.