Jonah 2:4 - Ohiatonhseratokénti

⁴ Eʼthoʼne waʼkí꞉ron, Ó Saiá꞉ner, takwateʼkwáhton ne tsaʼtà꞉kta, oh ní꞉ioht tsi shé꞉kon aonsakatkátho ne Sanonhsatokénhti?

Jonah 2:4 Referans Kwoze

Psalms 31:22

Wátʼteronskwe tánon waʼnanonhtón꞉hnionwe, “Waʼhakónhnien nahí꞉nonh nió꞉re niáke tsi nón꞉we níres.” Ók wesatʼthónhtene nakaterénhnaien nó꞉nen shonháke iathenkaséntʼtho nastiénawase.

Psalms 5:7

Ók Ní꞉i ne tsi nikanánon ne kwáh iorihwató꞉ken sanoronhkwáhtshera, ienkatáwehiate ne sanonshatokentikówane, kwáh tenkatiákete ohénton ne iotokénti sanonsatokentiʼkówa tsi nenkonsénhnaien ne tsi kontsánis.

Isaiah 38:17

Oriwiʼiohónwe né natiaʼtakenáhtshera kènhne né꞉ne teiotenonhianíton tsi kí wakenikonhráksenhskwe; ók thontasónhneke ne tsi kónnhe ne tsi tsiosónwaien ne atkaronhniátshera, asèken akwékon í꞉she ieshá꞉tion nakerihwaneraháktsheras tshónnhe nón꞉we nisáien.

2 Chronicles 6:38

Tó꞉ka ne thóh nón꞉we tionhontsáien kwáh thó꞉kenske tánon orihwihiohónwe enshontatréwaʼte tánon shonháke enhonterénhnaien tsi natenhontkánerenh kí꞉ken ionhontsáien tsi nitesehiáwi nonhkwahsoktsheraʼokonhkénʼen, kíʼ kénʼen kanatowanénhke né saráhkwen, tánon kíʼ kénʼen Ononsatokentiʼkówa ne konhnonsonhniénhni,

Daniel 6:10

Ó꞉nen káti shahotókenhse ne Daniel ne ronnontí꞉io tsi rotatshén꞉nare ne kaianerénhsera ne kiʼk shá꞉ka ionsaharáthen tsi thanonhwéhtstha nionsáre, tánon ne ionahstonhkwakáronte kwáh teiotitokénhton ne Jerusalem. Eʼtho nón꞉we, tió꞉konte tsi nihaiérhakwe, tenhatentshó꞉ten onahstonhkwákta ó꞉ni ienhaterénnaien ne Rawenniió꞉ke, né ne áhsen nienká꞉iente ne sewenhnísera.

Jeremiah 7:15

Kwáh éhren enkonhiatenháwite nakʼkénton tsi nikhehiathinekénʼen ne sehwahthátenonhkwe, né꞉ne Israerʼró꞉nons. Í꞉i, ne Watiá꞉ner, wakatáti.”

Ezekiel 37:11

Ne Rawenni꞉io wahakénhase, “Rónhkwe iaiénha, nonhkweshón꞉has nIsraeró꞉nonhke né teshontiérens tsi ní꞉ioht kí꞉ken ostsiensónhas. Rónhton kwáh ratikwékon rotihiatatʼténhen, kwáh iáh othènenh teshonahrahratʼtsheráien iáh ó꞉ni tsi niahonenonhátie.

Jeremiah 15:1

Ethóhʼne ne Roiá꞉ner wahakénhase, “Shé꞉kon ne Mahís o꞉ni ne Samuel né kénʼen aníthake ahionkanitenthaséheke, kwáh iáh thaʼkhenatónhase kí꞉ken onhkweshón꞉a thènen ne kenténron. Sehiónnien ne ahéren ahónnhethe; sehiónnien ne éhren rónnhek tsi nónwe níhkes.

Isaiah 49:14

Ók Zion wakénron, “Né Roiá꞉ner rakatewentéton, natiá꞉ner ratiaʼtanikonrénhʼen.”

1 Kings 9:7

ethòne kíʼ é꞉ren ensekhehiathenháwiʼte nonhkweshón꞉as Israerʼró꞉nons ne tsi ionhontsáien né tekhehiáwi. Kwáh ó꞉ni enkatewénhtheʼte kí꞉ken Ononsatokentiʼkówa né wakenonsatokentíston né꞉ne tsi nónhwe nahiontsenhnaienthákwahke. Kwáh tsikʼnónhwe nonhkweshón꞉as tsi thenhonwatiʼierónhseke Nisraerʼró꞉nonke tánon tsi nenhkonhwaiéraʼse iáh taʼhonsakonhwakweniénsthaʼke.

1 Kings 8:48

Tó꞉ka thóh ne tsi ionhontsáien kwáh orihwihiohónwe tánon thoʼnethákwen enshontatréwaʼthe tsi nòkwah kí꞉ken ionhontsáien tsi nithesehiáwi ne hionkisotʼthonkonhkénʼen, kí꞉ken kanatowanénhke ne saráhkwen, tánon kí꞉ken Ononhsatokentiʼkówa ne konhnonhsonhniénhni,

Jonah 2:7

Nó꞉nen orihwakwé꞉kon shakaʼnikonhrókten, shé꞉kon énskaʼ ionsónteratste Roiá꞉ner ionsahiianonhtónnionhwe. Kwáh wakeriahsanòn꞉waks tsi iaʼkaténniehte ne akaterénnaien ne Iʼsè꞉ke eʼtho nón꞉we ne Sanonhsatokenhtí꞉ke tánon wahskewenná꞉ronke.

Psalms 42:8

Aiáwenhs tsi niwenhnísehres ne Roiá꞉ner ahakeʼnatónhase ne iorihwaʼtó꞉ken raonoronkwáhtshera, tánon nokarasnéha thenhirihwáʼkwahse, ienkaterénhnaien rahonháke ne Rawenni꞉io rahónha takáwís tsi kónnhe.

Psalms 88:6

Thóh iestsiatón꞉tion tsi teweheiontakéron ne ronenhéion, tsi nón꞉we ne kwáh tetsiókaras tánon tsioshón꞉wes.

Psalms 88:7

Né sanhakwáhtshera tsi nihióks꞉te tsi ní꞉ioht tsi wakráʼhon, tsi niskenákwahse thóh ní꞉ioht tsi shí꞉ken ní꞉ioht ne kaniatarakhekówa ionnontakwaronhtáties ne tewakniotákwas. Selah

Lamentations 3:54

Nonékanos thontásawen nahonthonkeróhroʼke, tánon né wakanonthónʼnionwe ne kenhéion ó꞉nen áktha íwes.