Jonah 1:9 - Ohiatonhseratokénti

⁹ “Hebrew nikenekwensó꞉ten,” waʼtharihwaʼserá꞉ko ne Jonah. “Ne ní꞉i rihsénnaiens ne Roiá꞉ner ne Rawenni꞉io tsi karonhiá꞉te, tsi nikáien rohsaʼánion ne onwéntsha ó꞉ni ne kaniataraʼkehkó꞉wa.”

Jonah 1:9 Referans Kwoze

Nehemiah 9:6

“Shonwahaʼkhók, oh Saiá꞉ner, shonhní꞉son ne tsi karonhiá꞉tes, né꞉ne tsi karonhiá꞉tes ne tsi karonhiá꞉tes ne kontikwé꞉kon ratikwé꞉kon ne ratironhiakeró꞉nons; ne tsi ionhontsá꞉tes tánon tsi nahoʼténhsons né꞉tho í꞉wah; ne kaniatarakeʼkó꞉wa tánon tsi nahoʼténhshons neh thóh nón꞉we nikónhnes. Kontikwé꞉kon í꞉se teshehiá꞉wi natónhnhets tánon ne ratironhiakeró꞉nons ne karonhiá꞉ke ieshashén꞉naiens.

Psalms 136:26

Ó tetsisewanonhweráton ne Rawenni꞉io karonhiáke, asèken ne iorihwatóken raonoronhkwáhtshera tsi nénhwe enkátake.

Nehemiah 1:4

Tánon nó꞉nenh shonkaʼthóntene kí꞉ken owenhnashón꞉ahs wakátsien tánon watkaséntʼto tánon wakaktiónhnion tó꞉ka nón꞉ta nikarí꞉wes; tánon onkwentón꞉tiete tánon wakaterén꞉naien raohénton ne Rawenni꞉io tsi karonhiá꞉te.

Ezra 1:2

“Né kí꞉ken ne Cyrus rahorihwisahá꞉tseras, Rakó꞉ra ne Persia. Ne Roiá꞉ner, Rawenni꞉io ne Karonhiá꞉ke, wahatʼkórasthe nohontsakwé꞉kon tánon thaká꞉wi nakaterihwatsté꞉risthe naʼkenonsónhni nononhsatokentihkó꞉wa ne rahorihwà꞉ke ne Jerusalem thóh nón꞉we ne Judah.

2 Kings 17:28

Sók kíʼ ne Israerʼró꞉non ratsihénstatsi ne sonwanakerakwáhton ne Samaria nón꞉we Bethel niahá꞉re thóh nón꞉we ionsahatatíteron, thóh nón꞉we nasakorihónhnien nonkweʼshón꞉ʼas tsi ní꞉ioht nahonwasénhnaien ne Roiá꞉ner.

2 Kings 17:25

Ne sonhtontsérenhte ne thóh nón꞉we sahontenátaien, iáh tehonwasénhnaienskwe ne Roiá꞉ner, káti sók kénreks iasakoténiete, né kíʼ ótsiakes wahonwatinonwariakon.

Genesis 14:13

Eʼthó꞉ne tsi niká꞉ien né shoʼniakén꞉ʼen tontá꞉re tánon sahoró꞉ri ne Hebrew Abram, thóh neʼ nón꞉we nihotatoʼhseró꞉tahkwe ákta tsi iorón꞉tote ne karíhton, ne ne Mamre Amorʼró꞉non raorontaʼkénhen. Mamre tánon ne rontatekenʼokón꞉ʼa ne ne Eshcol tánon né Aner ne ne Abram thonatenrohón꞉ne.

Revelation 16:11

tánon wahonwasenhnaiésate ne rah Ní꞉io Karonhiá꞉ke thèn꞉teron ne waʼkarihón꞉ni raotironhiakénhsera ó꞉ni tsi nihonatkarewathánion, tánon iáh teshonatatʼrehwá꞉ton tsi nihatiweienó꞉tens.

Revelation 15:4

Saiá꞉ner í꞉se ne iáh teshaterónhni tánon aieshasenhnowánate? Asénke iateshiá꞉ti ne sahiatatokénhti. Akahontsakwé꞉kon kwáh éntsien tánon enieshasénhnaien sahén꞉ton, asè꞉ken ne sariwenhtá꞉tsera kwáh kíʼ iotehrihó꞉tashion.”

Revelation 11:13

É꞉tho nikaʼhá꞉wi teiotenonhianì꞉ton tsi watsaontsí꞉shonhkwe, tánon noierí꞉haton niekanónshote ne kaʼná꞉takon wakanonshiénnenhne; tsá꞉ta natehonhnenhniawehetsheráhsen niiá꞉kon wahakononwarhià꞉khon tsi wahatsaontsíshonkwe, tánon ne ronátiaʼkes tsi nahotiʼterónhne tánon taʼhón꞉ion ne kaiatanerakwáhtshera ne Raní꞉io ne karonhiá꞉ke.

Philippians 3:5

Satèkon satewakosheriʼiákon neh sahonkewahrakwétaron, ó꞉ni Israerʼró꞉non nakenekwensóhten ó꞉ni ne neh Benjamin niwakonhontióten. Kwa aʼóskon tsi Hebrew natiatóten. Tsikátiʼ nihiótha ne Pharisee, kwá thokénhen tsi íkʼsere ne Mahís rahoianerénsera.

Acts 27:23

Asèken tiokarása ne Rawenni꞉io raoronʼiakerónon tsi nikáien ne raónha rahonkwéta ni꞉i tánon ó꞉ni tsi nikáien ne risénnaiens wahatiatórenne

Acts 14:15

“Onhnontiéren tsi éhʼtho naisewáiere? Í꞉i kwáh thóh naʼtehiakénonwe tsi kíʼ niseni꞉ióht! Kén꞉en hiákenes nahiakenirihówanaʼte ne kariwí꞉ios, nehne tahonsakwakaraténi tsi nisewasénnaiens ne iáh thènen tekariwástas nók kíʼ neh nahónton neh ahonsahtsisewasénnaien ne ronnhehónwe Ní꞉io, tsi nikáien ne rosahánion ne tsi karonhiátes ó꞉ni tsi ionwentsiáte, kaniatarakekówa, tánon kwáh tsi nahoténsons neh non nikonónnhes.

Hosea 3:5

Onakénhke ne Israerʼró꞉nons rahonhà꞉ke ne Roiá꞉ner Raotiní꞉io niensónhne tánon enhonwaiatísake, tánon ne Táwit raotinontí꞉io í꞉ken; ethò꞉ne enhothiteronhníhake rahonhà꞉ke ne Roiá꞉ner tánon kwáh enhatiié꞉na ne raoianerétsheras noná꞉ken tewenhniséronhte.

Daniel 2:44

Né꞉ʼe nenkahá꞉wike né ratikoráhshon tsi ionhwentsiá꞉te né Rawenni꞉io ne karonhià꞉ke enhanakerahserón꞉ni né ne iáh nonwén꞉ton thiiaontókten. Iáh ó꞉ni nonwén꞉ton thiiakonwaʼshén꞉ni, nok kwáh ienkakóntahkwe tsi eniakotkóntenʼ né ó꞉ia raotinakeráhsera tánon eʼthó꞉ne tsi nén꞉we tsi enkatátie.

Job Tánon ne Raoronhiakensera 1:9

Tánon ne Sakoriwaros watorihwaʼserákwahse ne Roiá꞉ner, “Ne Job ahiasenhnaiénsehke onhtéke tó꞉ka iáh othé꞉non tsatákene ne raorihwà꞉ke?”

Nehemiah 2:4

Tánon ne ronnontí꞉io wahakénhase, “Onhnahó꞉ten shé꞉saks?” Tánon iakaterén꞉naien rahonhà꞉ke ne Rawenni꞉io ne karonhiá꞉ke.

Ezra 5:11

“Wathatirihwaʼserá꞉ko, ‘I꞉i ne shakwahiò꞉tenhse ne Rawenni꞉io ne tsi karonhiá꞉te ó꞉ni ne tsi ionhontsá꞉te, tánon ki tsionhkwanonhsonhnihátie Nononsatokentihkó꞉wa né꞉ne orihwaká꞉ion tsi nitkanonhsón꞉ni tánon tsi iekasonhón꞉ne ne wahón꞉nise tsi náhe tkénhne né꞉ne roshatstenhserowá꞉nen ronhnonhtí꞉io ne Israerró꞉nonke.

Genesis 39:14

iaʼakó꞉nonke ne ronnón꞉kwe aohnhaʼtsheraʼó꞉konʼs tánon waʼakawènhahse, “Sewatkáhtho kí꞉ken! Teiakení꞉teron thoiaʼténha kí꞉ken Hebrew ne kén꞉ʼen kanónhskon nahshonkwaʼnikonhrakaré꞉wahte! Kén꞉ʼen tahataweiáhstahkwe ne ne skátne aiatiá꞉rate, tánon kí tsi niiorakaré꞉ni waʼtewakhén꞉rehte;

Exodus 1:15

Ethòne ne Ronhnonhtíio ne Egypt waʼthatiʼtháren ne Shiphrah ó꞉ni ne Puah, né꞉ne tetiátsnie nenhiaʼkotiʼsnié꞉non ne Hebrew tsionatʼthonwísen nó꞉nen enhiotiʼwiraʼhiéntahne.

Exodus 2:13

Tsi ó꞉ia sahiórenhne thóh sá꞉rethe tánon wasaʼkóken tenihiá꞉se Hebrew ronaterí꞉io. Wahawénhase tsi nikáien ne tehaterienʼtawénhries, “Onhʼnihiotiéren tsi ehʼtsenonhwenhsehrhários né꞉ne sehseniʼhiá꞉tha Hebrew?”

Genesis 1:10

Ne Rawenni꞉io ne iaonhwentsiáthen ohóntsa wahanátonhkwe, tánon nohné꞉ka ne skátne tsi nón꞉we niotnekaró꞉ron kaniatarakehkó꞉wa wahanáhtonhkwe. Tánon ne Rawenni꞉io wahatkáhtho tsi niioiánere.

Genesis 24:7

Ne Roiá꞉ner, ne Rawenni꞉io tsi karonhiá꞉te, tsi ráonha tatshiaʼtinekénhen ne tsi thonónhsote ne rakeʼníha tánon ne tsi tiohontsá꞉ien tsi nón꞉we tewakenakerá꞉ton; tánon tsi ráonha wahaktháhrhahse tánon akonhá꞉ke rorihwahnirá꞉ton, ‘Tsi nienhsathwatsí꞉rine kwáh entekhé꞉ion kíʼ kén꞉ʼen ionhontsá꞉ien.’ Kwáh kíʼ enthoténniehte ne Raoronhiaʼkehró꞉non ne sahén꞉ton, tánon tho nón꞉we ientshenahkwatshénriaʼse ne riién꞉a.