John 3:2 - Ohiatonhseratokénti

² Asonthenne ȣahoiatorenne ne Iesos, nok ȣahenron: Seȣenniio, ionkȣaterientare tsi Niio thiatennieton neh nasiere tsi askȣarihonnien tsiniiot ne Sakotatis: aseken iah onka takakȣeni neh nakaiere tsi nisierha ne iah tanikȣekon ne Niio.

Ne Saint John 1804

² Ne sagat egh wareght Jesusne Aghsenthenge, ok wahhawenhaghse, Rabbi, wakwayènderene scrighhonyèní Niyoghne tesyenghtaghkwe, iken yagh onghka nʼongwe tʼayegweni etho ne éyere tsiniyo-righwaneghragwaghte ne satyerha, togat yagh Niyoh tʼaghncseke.

Neh Nase Tsi Shokȣatakȣen 1880 (4 Gospels by Joseph Onasakenrat)

² Asonthenne ȣahoiatoronne ne Iesos, nok ȣahenron: Seȣenniio, ionkȣaterientare tsi Niio thiatennieton neh nasiere tsi askȣarihonnien tsiniiot ne Sakotatis: aseken iah onka takakȣeni neh nakaiere tsi nisierha ne iah tanikȣekon no Niio.

John 3:2 Referans Kwoze

John 5:36

Senha tanon ii iorihoȣanens ȣakeriȣanirati tsiniiot ne Saȣatis: aseken tsi nikaiotenserotens ne Rakeniha rakkȣeniatseraȣi tsi nakiere, neh kati tsi eh nikierha, neh ȣakeriȣanirati tsi Rakeniha takatorion.

Acts 10:38

Sewateriéntare tsi nókwa ne Ié꞉sos Kerístos ne Nazarethro꞉non, tánon ó꞉ni ne Rawenni꞉io tsi nihohiatanorónston nikwékon ne Ronikonrarokén꞉ti ó꞉ni ne kaʼsatsténsera. Kwák tsikʼnonwéson niehawénon, ioʼiánere tsi nihotieránion ó꞉ni akwékon sesakotsientonhátie tsi nihiákon nehne iakotsenawáston nonesonrónon rahosatsténsera, Asèken nikwekón꞉ne ne Rawenni꞉io.

Acts 2:22

“Sewatahónsatat kí꞉ken owennasónhas, neh sewahʼIsraerónons! Ié꞉sos ne Nazarethʼronon nahahiathótenʼne neh Rawenni꞉io kwáh tehióskwatʼte tsiʼsewenestén꞉ni ne ioriwanerakwathénions ó꞉ni sewatʼkáton, tsi rahonháke ne Ié꞉sos non nihohiotátiesʼkwe. Kwáh hiatesewahiá꞉ti sewateriéntare kí꞉ken nahorihótens, asèken kwáh kén꞉en tsi natesewátere éhʼtho niʼiawén꞉en.

John 9:16

Nese ȣaonni otiake ne Pharisian ȣaonniron: thohiken ronkȣe iah Niio tothotennieton aseken iah tehentanoronsta ne Niiohne: Nok rontonhakȣe notiake: aonton ken neronkȣetaksen neh niioriȣanerakȣat tsi nahaiere? neseȣaonni ȣattonteriȣatihanion.

John 12:37

Nok saetho sane eso ne ioriȣanerakȣatenion tsini hoieranion rahotihenton, iah ki othenon tetiorakȣen tsi iah tethonetakȣen ne raosennakon.

John 1:38

Nok ne Iesos tontahatkarhateni, ȣahonikonraientane tsi ronȣanonteratie, ȣasakaȣenhase: Nahoten Seniniente? tontahonȣaȣennaȣeron ȣaniron: Rabbi! (neh sakat naiahiron, Saianer) kah nonȣe Tesiteron?

Matthew 22:16

Iasakonatori kati ne raohnonkȣeta, ȣahonniron: Seȣenniio! ionkȣaterientare tsi tisariȣaieri, oriȣiio oni tsi neh sherihonnienni ne Niio raoriȣasonha, iah oni tatesonkȣetaiestasions: Aseken iah ki neh teskahenhions tsiniieiatotens.

John 7:31

Nok kentiokoȣanen nonkȣeokon tahonȣetakȣe, nok iontonhakȣe: nonen henraȣe ne Keristos senha onte kenh isinonȣe tsinenhaiere nioriȣanerakȣatenion tsinihoieren ne kenh kaien?

John 20:16

Sarenhase ne Iesos: ȣari! nok tonsontkarhateni, ȣahaȣenhase: Rabbonni!

John 15:24

Ne ne iah eh taontieranionke rahotihenton tsinahoten ne iah onka nakoren eh teioieren, iah tahotiriȣaneraakseraientake; onen sane nonȣa ronatkathon nok sane sekon niionkhisȣens, ii nok oni ne Rakeniha.

John 3:26

Etho sahonneȣe tsi, renteron ne Saȣatis, shontonne: Saianer, Sakohnekȣahesta se ken oni neneh onen thohiken tiseneskȣe ihsi nakaihionhati Jourdan neh oni ne hetseriȣanirati, akȣa oni ihken tsi raonkȣetanakerens.

St. Mark 12:14

Ȣahonniron, tsi ȣahonȣaiatorenne: Saianer! ionkȣaterientare tsi sariȣakȣarision, nok oni tsi iah tatesonkȣetaiestasions tsi ȣheriȣakȣariȣiennis ne Niio raoriȣasonha: takȣarori kati: ioteriȣison kenh nahonȣakariakse ne Cesar, katenh iah? enhiakȣakariake kenh? katenh iah taiakȣakariake?

Judges 6:27

Káti ne Gideon iashakohiaténhawe ne oiéri niháti rahonhatsherasónhas tánon thóh naháiere tsi nahó꞉ten ne Roiá꞉ner roróhri. Sóh꞉tsi kíʼ shakotsániskwe ne rahowátsire tánon nonhkweshón꞉as ne thóh nahá꞉iere ne tsi niwenhnísehres, káti okarasné꞉ha thóh nahá꞉iere.

Isaiah 51:7

Takwahtahónsatat, tsi nítsion ne sewateriéntare ne karihwakwarihshíonhtsheras; í꞉se ne tsiónkwe né sewáhawe nakerihonhnienʼnítsheras ne seweʼriá꞉nes; tó꞉sa ietsitshániset nonkweʼshónhas tsi nisakotiʼkenhrenhserón꞉nis nakorénshons, tánon tó꞉sa tasewanikónren nó꞉nenh enietsikenrenhserónhni ní꞉se.

Philippians 1:14

Nón꞉wa thówa ratikwénon tsi nihá꞉ti neh Kerístos ronwanonteráties wahothinikonrahtsianíʼthaʼne tánon kwá iáh othènen thesathitsánis nahontheriwhanóten.

1 Kings 17:24

Watʼkarihwaseráko, “Ónenh kíʼ onhkateriénhtharaʼne ní꞉se tsi Rawenni꞉io rahonkwéta íken tánon nètho Roiá꞉ner kwáh orihwí꞉io tsi sonháke nónhwe nihathátis!”

Jeremiah 38:16

Sók kíʼ ne Ronnonhtí꞉io Zedekiah otsionʼhónskwahkon tsi wahakaráhratsʼthe, “Wahkerihwahníraʼthe raohénton ne ronhnhehónwe Ní꞉io, ne Ní꞉io tsi nikáien teshonkwáhwi natónhnhets, tsi iáh thakonhnonhwahrhiákon iáh ó꞉ni tsiakonhiatsakwahrísi tsi nikáien ne írehre ahianonhwahrhiákon.”

Matthew 23:7

Tahonȣatinonȣeratonseke nʼonkȣeokon tsi ionkȣene, nok ahonȣatinatonkȣake nʼonkȣeokon, Sonkȣaȣenniio!

Matthew 23:8

Tosa tanon nise aietsinatonkȣake: Sonkȣaȣenniio! Aseken Keristos ok raonhaa hetsiseȣarihonnienni nok nise akȣekon tiieseȣatatekenha.

John 2:11

Nehne tontierente ioriȣanerakȣat tsinahaiere ne Iesos Cana-Galile nonȣe, nok ȣehne ȣaronni ne raoiatanerakȣatsera, nok taonȣetakȣe ne raotiokȣa.

John 4:31

Onen nehne ne raotiokȣa ronȣasteronȣi ronton: Saianer! tesastskaon niha.

John 6:2

Kentiokoȣanen ronȣanonteratiene; ne tsi iontkatoskȣe ne ioriȣanerakȣatenions tsinisakotierasehakȣe ne iakohnonȣaktanionni.

John 10:38

Kenh kaien neh nenȣakierenhatie, nok iah taontaskȣetakȣane, taseȣetak neh nikaȣeiennoten; eh naontaȣe aeseȣaterientarane oni aonteseȣetakȣe tsi iakehnikȣekon ne Rakeniha.

John 14:10

Iah kenh tetisetakȣen tsi iakenikȣekon ne Rakeniha? tsini ioȣennake konrori iah ii teȣakatennikonra; nese ne Rakeniha iakenikȣekon eh nihoteȣeiennisonhonhaties.