John 10:3 - Ohiatonhseratokénti

³ Enhonnhotonkȣase ne tehonnhohaien, ronȣaȣennaienteri ne teiotinakarontonha; akȣa oni entesakohnatonhnion tsi iensakohnonke ne raotsenenhokon nok astste niienshakoiatenhaȣe.

Ne Saint John 1804

³ Nene ranhohanonghne raonhage enhanhodongon, ok ne werha ronwawennathonde, oni washakoronghyehha ne raotséna-ogon, shakonadonyon, ok tahhanenghrinnegenwe.

Neh Nase Tsi Shokȣatakȣen 1880 (4 Gospels by Joseph Onasakenrat)

³ Enhonnhotonkȣase ne tehonnhohaien, ronȣaȣen-naienteri ne teiotinakarontonha; akȣa oni entesako-hnatonhnion tsi iensakohnonke ne raotsenen hokon nok astste niienshakoiatenhaȣe.

John 10:3 Referans Kwoze

2 Timothy 2:19

Nók ne ioníron thekenstenrotákwen nètho ne Rawenni꞉io rohkéron iáh tahónton ne tahiowéntonwe; tánon thóh ken nikawennótens kahiáton: “Ne Roiá꞉ner rohtheriéntare ónhka ne rahonkwetaʼsónhas” tánon “tsi nihiákon ne iónton Roiá꞉ner rahonkwéta íken ónenk tsi tentionkʼkarathéni tsi nihiontiéra ne iáh tetkaiéri.”

John 10:4

Nok nonen sakoiatinekenhon ne rahotsenenhokon, ohentonson ȣare, nok ronȣanonteraties ne rahotsenenhokon aseken ronȣaienteri.

John 10:16

Sekon eso ȣakenaskȣaien nareko akatehenrakon teiohnataȣeiaton, teiotonȣentsiohon kati oni neneh aontakheiatenhaȣe, nok enhionkeȣennarakȣake, enskat ok enkentiokȣaientake saiatat oni nensakoststeristake.

John 10:14

Kehnonnhatseriio nʼii, keienteris naketsenen, oni ionkienteri nʼononha.

Revelation 3:20

Satahón꞉satat! Thóh í꞉kete tsi kanonkáronhte, wakenhoháien; tó꞉ka ensathón꞉teʼne nakewén꞉na tánon tensanonhónti, Kwáh ní꞉i ienkoniatawehiáten tánon tentiatónhte, ó꞉ni ní꞉se skátne ní꞉i.

Revelation 7:17

séken ne teiotinaʼkarontón꞉a owí꞉ra ne thóh í꞉res nashén꞉non tsi niwanitskwaratseró꞉te kwáh raónha enshekonónhna, tánon raónha kwáh iensakohéntenhse ne tsi tioné꞉kote ne iónhne, tánon Ní꞉io kwáh enshakokaseró꞉kewe ne niatekakahserá꞉ke ne ratiká꞉rakes.”

Romans 8:30

Éhʼtho káti tsi niháti ne Rawenni꞉io sakohiatarákwen, iesakonáton; tánon tsi niháti ne iesakonáton, sahsakoriwakwathákwaʼse tsi natehóntere, tánon ó꞉ni tasakáwen neh rahohiatanerakwátsera.

John 6:45

Ȣaton tsi rotiiaton ne Rotitokensehakȣe: Niio ne entkaientakȣe tsi enhonȣatirihonnien. Neh kati nonka kiok enhoȣennarakȣen ne Rakeniha, Raonha oni enhorihonnienni, neh tohiken enhakiatorenne.

John 6:37

Tsinikon rakaȣis ne Rakeniha, akȣekon enȣakrane, nok iah tahonsahiiatinekenȣe nenhakeniahese:

Isaiah 42:16

Kwáh enkhehéntenhse ne teieronhwèkon né tsi iohatátie ne iáh tehatihaientéri nakohianaken ioháte ne iah tehatiʼientérihkwe Kwáh í꞉i enkeiatenhnikonráren. Kwáh tentʼkaraténi ne tetsiókaras thóh rahotihénton tahioswát꞉thene, ne watenatáʼshens nahontonhontsakwahrísi. Né kí꞉ken nahorihoténshons tsi thóh nénhtiere, tánon iáh takheiatewénhtethe.

Song of Songs 8:13

O í꞉se ne sateriwasterítsta ne kahétakon; ne iakwekonháies iesatahónsate; ánion wakatʼtónhtet.

Exodus 33:17

Ne Roiá꞉ner wahawénhase ne Mahís, “Kwáh thóh nèntiere tsi niseriwanónhtons, tsioríwa tsi nikonhientéri tánon wakerientíios tsi nókwah níse.”

Revelation 20:15

tánon ón꞉ka nakoshén꞉na iáh tekaktsénhrion nakahiátonke ne kahiatonserá꞉kon ne iónhnhe thóh iahonwatiiatónhti tsi kanià꞉taro nótsire.

Colossians 4:3

Ne ikénet takwaterennaiénhas nonkwatià꞉kes, ne káti ne Rawenni꞉io nahontashóntion nahionkwatesenní꞉ioháke naitewahteriwahnó꞉ten ne rahoterihwatothátshera tsi nitkarihwahsehtón꞉ne tsi nokwáh ne Kerístos. Asè꞉ken ne aorì꞉wa nón꞉wa ó꞉nen kehnó꞉ton.

Philippians 4:3

Tánon, neh kwá tehionkwariwaʼienawákon, kwá ne kénnis ne aietsiʼiénawhase. Nètho tionatʼthonwísens skátne ionkwahioténhen tánon ne Clement ó꞉ni neh ronatiakhésons ne wathonteriwaréniaʼte ne kariwí꞉ios. Thónon ónen nihathisénnare ne kahiatonserákon ne hionʼnehónwe.

Isaiah 40:11

Kwáh ensakónonʼte ne raotsiókwas tsi ní꞉ioht ne teotinakarontónha sakónonʼne; kwáh ensakoiataʼróhroʼke ne teotinakarontónhas owiraʼsónhas tsi ensakokitároʼke, tánon ensakohiaʼthenhawíson thóh ranáskwahkon, tánon kwáh skén꞉nonk tsi enhahéntenhse ne teiotinakarontónha kanisténsera.

Psalms 80:1

Satahónsatat, Ó sehnón꞉ne nʼIsraerʼró꞉nons, í꞉se ne waʼtsiasárihne ne Só꞉se tsi ní꞉ioht ne teiotinakaronhtónha! Sítskote ne sanitskwáhrane éhʼneken ne tsi tehanerahontiónhtons ne raronhiakerononʼkówa,

1 Tiér 1:12

Rawenni꞉io wasakorihotáshiase kí꞉ken rothitókense nètho rahothihioténsera tsi iáh ronónha tehotihiatakenhátsera, nók í꞉se sewáwenk, tsi nihonatáti kí꞉ken nahorihoténsons ne tsi ónen ietʼtsiwennarónken ne ronteriwanótʼthas rononhá꞉a rothirihowanáton ne kariwí꞉ios thóh rahosatsʼtenserákon ne Ronikonratokénti tsi nitohtheniéton ne karonhiáke. Neh kíʼ nahorihothénsons séhkon ne kwá ratironhiakerónons enhatinónwene nahothinikonraiéntane.

1 Corinthians 16:9

Kwáh íken tsi wahtesénnahien ne kén꞉en ne kowáhʼne ó꞉ni iorihʼwí꞉io nahkaiotén꞉en, iawehrohátien tsi iakotiokowáhnen iontiotátis.

Proverbs 27:23

Tehshéhshnieʼn ne satshenenʼó꞉kon, teiotinaʼkarontón꞉ʼa tánon ne tiohnhónskwaron tsi nisakwénion,

John 10:9

Ii ne tsi kannhokaronte; onka iihne enhiontaȣeiate neh enhieniakenne, enhiontaȣeiate oni entsieiakenne nok enhiestsenri ne kakkȣiio.

1 Sawátis 4:6

Nók Ni꞉io ní꞉i rahonkwetaʼsónhas. Tsi niʼiákon ne iakoteriéntare neh ní꞉ioht sonkwatahónshatats ne Rawenni꞉io; ónka ne iáh Rawenni꞉io tehaʼonkwetasónha kwá iáh thènen teionkihʼiatahónsate. Kén káti ní꞉ioht tsi entewakwéni nahitewatróri tsi natetsatʼthíhen ne onikonróskon nʼoriwí꞉io tánon ne onikónra ne tewaterientawénrhie.

3 Sawátis 1:14

Aiá꞉wens kwáh iostó꞉re ahonsakónken, eʼthò꞉ne kwáh iatheteniʼiati tsi entenikará꞉ton.