Joel 3:21 - Ohiatonhseratokénti

²¹ Tánon kwáh kí Í꞉ih enshekheiatotarí꞉shi ne iakoní꞉kon ne raotinekwénhsa né꞉tho ne iáh teshekhenikonrénhse, asè꞉ken ne Roiá꞉ner Zion nón꞉we nihèn꞉teron.

Joel 3:21 Referans Kwoze

Revelation 21:3

Tánon onkathón꞉teʼne iowenhnakaré꞉ni thóh nontá꞉we tsi tewanitskwarahtseró꞉te watón꞉nions, “Satkáto, ne tsi ronónshote ne Ní꞉io thóh skátne nonkweʼó꞉kons. Ne Raónha thóh enhenterón꞉take skátne ne ronón꞉ha tsi ne raó꞉ti Ní꞉io enkénhake; ne ronón꞉ha raón꞉ha raonkweʼtashón꞉as enkénhake, tánon kwáh ne Ní꞉io raonhatsí꞉wa tsi enhatikweʼkónhake;

Ezekiel 36:25

Kwáh tenhkonhiatsʼtaróhkwahthe ne kanhekí꞉io tánon enskonhiató꞉hare tsi naʼtehiesahiatatsiónston ne sahiatonhnishónhas tánon ne oiásonhs naorihoténsonhs ne tehiesahiathatiónston.

Isaiah 4:4

ne nó꞉nen ne Roiá꞉ner sakoiatohétston tiókonte ne wískʼkháton iehónhnete nahoiatasetsherashónhas ne Zion tánon shonóhare ne ionekwenhsarónhnionkwe ne Jerusalem thóh kanenhríhen nahoshastsʼtenhserákon ne karihwenhtátshera tánon ne kashastsʼténhsera ne tsi iotétkha.

Ezekiel 36:29

Kwáh enkonhiatanónhsthaʼte entkonhiatónhneke oriwahkwékonh nahó꞉ten ne teshahiatatsiónhstha. Kwáh enkénhane onátsia ne wéso ahontakáhawe, ne káti ne tó꞉sa shé꞉kon ahonsehsaiénthaʼke ne atonhkerhiákon.

Ezekiel 48:35

Ne tkakwékton tsi nihiónsons nashontasónhas ne kaiéri níkon ne skatísons ne kanatowánen 30,000 niwashì꞉take. Nahosénhna ne kanatowánen ne kénhen ienwatásahwen “Ne Roiá꞉ner Kénʼen Ires!”

Joel 3:17

Káti kwáh ní꞉se ensaterientá꞉rane tsi Í꞉ih, ne Watiá꞉ner Saní꞉io í꞉ken, thóh Zion nón꞉we nikená꞉kere, nakenontatokenhtí꞉ke. Tánon ne Jerusalem kwáh kí enhiotokenhtí꞉ke, tánon ne thihiakahontsá꞉te kwáh iáh nonhwén꞉ton thóh nón꞉we tahonsahontohestà꞉ke.

Matthew 27:25

Akȣehon ok tahonniron ii iakȣateriȣaketat, oni ne iakhiienhokonha!

Joel 2:27

Ní꞉se kwáh ensaterienʼtá꞉rane né꞉tho tsi kwáh satekanenhrí꞉hen nón꞉we níkes Nisraeró꞉nonke, tánon ne tsi Í꞉ih ne Watiá꞉ner í꞉ken, né꞉ne Saní꞉io í꞉ken tánon iáh ónhka nakó꞉ren akénhake. Tánon nakonkweʼtashón꞉as kwáh iáh shé꞉kon nonhwén꞉ton tahonsahonwanatehá꞉te.