Joel 3:16 - Ohiatonhseratokénti

¹⁶ Tánon ne Roiá꞉ner kwáh enhatonrá꞉ien ne Zion nón꞉we, tánon thethawenhnákare Jerusalem nitewé꞉tha, tánon ne tsi karonhiá꞉te ó꞉ni ne tsi ionhontsá꞉te enhioʼwá꞉ke. Ók kiʼ ne Roiá꞉ner rahónha teshakó꞉nes neʼ rahonkweʼtashón꞉as, rohiataní꞉ron tsi nokwáh nonkweshón꞉as Nisraeró꞉nonke.

Joel 3:16 Referans Kwoze

Amos 1:2

Tánon ne Amos wahén꞉ron: Ne Roiá꞉ner thawennotátieʼs tsi tionón꞉te ne Zion, tánon thotewennóntieʼs Jerusalem nitewéhtha; tánon ne tsi shakotiʼterontáhkhwah ne teiotinaʼkarontón꞉ʼahs natèn꞉rakon iáh oh thé꞉nen tetsókhware, tánon nonontakèn꞉iate ne Carmel akwé꞉kon nenhné꞉eh ionatekhwí꞉son.

Haggai 2:6

Asè꞉ken rá꞉ton ne Sakoiá꞉ner ne ratironhiakeró꞉nons: Kenk nenkarihwésonke, kwáh enkáwake ne tsi karonhiá꞉te óni né tsi ionwenhtsá꞉te ó꞉ni ne kaniatarakeʼkowáhne ó꞉ni ne iahonwenhtsathénhake;

Jeremiah 16:19

Saiá꞉ner, i꞉se ne teskè꞉nhes ó꞉ni teskáwis ne kashastsʼténsera; í꞉se tatienahwáse nónen ne thènen tekanikónhrahre. Nonhkweshón꞉a tsi iotonhontsiokʼthaníhon tsík nonhwéson nenthónne tánon enhiahiéron, “Hiaʼkhisotʼthonkonhkénʼen nék khók rotiʼiénthaʼkwe ne iáh tekonnónhneʼkwe niʼiohokónhas, ne kwáh iáh thènenh tekariwástha kahiatonnisónhas.

Isaiah 42:13

Né Roiá꞉ner iahaténti tsi ní꞉ioht ne raterí꞉ios, tsi ní꞉ioht ne raterí꞉ios tahonakwénhsere; iathohénrete, iorakaréni tsi wathohénrete, teiotenonʼianíton tsi wahathaténesʼte rahotihénton ne ronwáshons.

Proverbs 18:10

Roiá꞉ner ne táhtsheren ne kwáh tioʼnikahtaʼní꞉ron, tsi nón꞉we enwá꞉ton niá꞉ien ne tionkweʼtaié꞉ri ne skén꞉nen aionnonhtonniónhake.

Ezekiel 38:19

Wakatró꞉ri ne kwáh siwakatenahkwawenhráhti nètho wenhnisehráthe kwáh tenwatenonhiániʼthe tenhiahontsísonhkwe tsi ionhontsáien ne Israel.

Isaiah 51:16

Iewakéthen ne tsákon nakewenhnaókons, tánon konhiatashé꞉ton thóh tsi iotasátaʼre ne katshanàke, watʼkatirónhthen ne tsi karonhiátes tánon tewakatenonkónhni ne tsi ionwenhtsàte, tánon kroʼriánionskwe ne Zion, “Í꞉se nakonkwé꞉ta í꞉ken.”

Psalms 61:3

Asèken í꞉seke nón꞉we nikatasehtákwah, né꞉ne kwáh ionikataníron ne iónkshons iáh tsahónhnewe tsi nón꞉we nakésehke.

Revelation 16:18

Tánon thóh ón꞉we tewaninekarawánions, ioritstáre, iorakaré꞉ni tsi niiowé꞉ren, tánon teiotenonhianì꞉ton tsi watsahontsishónkwe, thóh niió꞉re tsi nateiotenonhianì꞉ton tsi watsahontsí꞉shonkwe.

Psalms 18:2

Roiá꞉ner se nakisténhra í꞉ken, nakatenhénhra, tánon ne sahtiathákwen, akeNí꞉io, nakisténhra ne rahonháke nón꞉we nikatasehthákwah, ne nakatʼroʼosthákwah, né꞉ne kashaststénhsera sewatiathákwen, ne nakáwenk iotenhenraníron.

Isaiah 33:16

né꞉ne kwáh éhʼneken nón꞉we nenhatinákereke; ne enhontaséhtaʼkwe né kwáh osténhra wathenhénrote; ne raothí꞉kwah kwáh kí entonhwanatkawenhníheke, ne raoʼtinékanos kwáh kí ronwanaratátstenhni.

Psalms 29:11

Aiáwenhs ne Roiá꞉ner ahontasaká꞉wen ne kashaststénhsera ne rahonkwetashón꞉has! Aiáwenhs ne Roiá꞉ner asakohiathatériste ne rahonkwetashón꞉has né꞉ne skénhnon í꞉ken!

1 Samuel 15:29

Sén꞉ha isiʼnónhwe ne Ronnheʼónwe NÍsraerʼronónke kwáh iáh thatahontahákthate khéhs ne tahonsahoterihwaténien; asèken iáh ne ónkwe thahaiatóten, ne thènen tahonsahoteriwaténien.”

Revelation 11:19

Ethò꞉ne ne Ní꞉io raononsatokentikó꞉wa ne karonhiá꞉ke ontehnhotónhko, tánon ne raoneró꞉kwa nateriwaseronhniá꞉tshera wahontkáto thóh káien kanónskon nononsatokentikó꞉wane; tánon tsi natewaninekarakwáhnion, iowé꞉ren, tentsawénhstsi enkawé꞉re, teniahontsí꞉sonkwe, tánon wé꞉so tsi enhiowisónti.

Revelation 11:13

É꞉tho nikaʼhá꞉wi teiotenonhianì꞉ton tsi watsaontsí꞉shonhkwe, tánon noierí꞉haton niekanónshote ne kaʼná꞉takon wakanonshiénnenhne; tsá꞉ta natehonhnenhniawehetsheráhsen niiá꞉kon wahakononwarhià꞉khon tsi wahatsaontsíshonkwe, tánon ne ronátiaʼkes tsi nahotiʼterónhne tánon taʼhón꞉ion ne kaiatanerakwáhtshera ne Raní꞉io ne karonhiá꞉ke.

Hebrews 12:26

Ne raowénhna né watiahonʼontsíʼshonkwe né shiʼkaháwis, onk ónen rorahrátsʼton, “Shékon énska iesewáhteratsʼthe enskáwahke iáh khók kíʼ onwéntsia thaʼkénhake onk tsi karonhiáte ó꞉ni,”

Zechariah 10:12

Kwáh enkhéhion nahkonhkweʼtashón꞉ʼa nahathishátsteke; kwáh enhiontsén꞉nahien ó꞉ni enhionkewenhnaráhkwake.” Ne Roiá꞉ner rothatí꞉hon.

Amos 3:8

Ne kèn꞉reks wahatonrá꞉ien; ónhka ne iáh thaiakóhteronʼne? Ne Roiá꞉ner Rawenni꞉io rotatí꞉ʼon; ónhka aiekwé꞉ni nek khok kíʼ niaierí꞉wake?

Hosea 11:10

Kwáh Roiá꞉ner enhonwáhsere, raónha ratonhrá꞉iens kwáh né꞉ne kénreks; né nó꞉nen enhatonhráien, ne sakoioʼokón꞉as kwáh enhotiiatisónkwahne tsi iaʼtewatséntos nentónhne.

Zechariah 10:6

“Kwáh enkheshatsténhseron nonhkweshón꞉ʼa ne Judah nón꞉we; Kwáh ensehkheniá꞉kente ne Israerʼró꞉nons. Kwáh tenkhehiaró꞉ton tánon rahthikwé꞉kon thentekhehiaʼténhawe tsi nón꞉we nihothinonhsóhton. Kwáh thonenhʼhiotónhake tsi shí꞉ken ní꞉ioht ne iáh nonhwén꞉ton takhekenronhní꞉onhke. Í꞉i ne Watiá꞉ner ne Raotiní꞉io; kwáh tekheriwahserá꞉kwaʼse ne raonahterén꞉naient.

Isaiah 33:21

Ók thóh nón꞉we ne Roiá꞉ner raoiatanerakwáhtsherakon kwáh enteshonkwahrihwáwaʼse thóh tsi nón꞉we ne tekaniataraʼkáron ó꞉ni né kahionhatátie, thóh nón꞉we ne wathénhnios kahonhiowá꞉nen ne ratikáwes iáh thaʼhónton né nón꞉we niá꞉we, khés ne kwáh kahonhiowanenkówa iáh thaʼhónton né thóh nón꞉we nahontó꞉hetste.

Jeremiah 17:17

Tó꞉sa ní꞉se tatʼterónkwen; isèhke nónhwe nikathasehtáhkwah nónen énwahwe ne kariwahetkénsehra.

Nahum 1:7

Ne Roiá꞉ner tsi thoriwaié꞉ri, kwáh roiataní꞉ron tsi nitesakones ne wenhniserontákwen ne tekanikòn꞉rare; teshá꞉kones tsi niiá꞉kon ne raonhà꞉ke ienhiontekwáhsen,

Haggai 2:7

tánon kwáh enkheiáwake ratikwé꞉kon ne ronhnonhontsakeró꞉nons, ne káti nakotiohkowátsheras onhkweʼtakwé꞉kon ne ronhnonhontsakeró꞉nons nahontakahióntonhke, tánon Kwáh kí ne thentetrá꞉te kí kén꞉en kanónshote ne kaiatanerakwáhtshera, rá꞉ton ne Sakoiá꞉ner ne ratironhiakeró꞉nons.

Zechariah 9:12

Thontáhsewe, ne ieʼtsinakerahkwáhthon ók ó꞉nen tsi sehwahrarahtierá꞉ien; thontáhsewe ne sewahtená꞉thake tsi nón꞉we ne sakʼthí꞉ken. Ó꞉nen ki enkwahró꞉ri tentiáhsere tsi enskwahkárhiaʼse ne enkenikwekónhake tsi ni wé꞉so sewahronhiakén꞉en.