Joel 2:27 - Ohiatonhseratokénti

²⁷ Ní꞉se kwáh ensaterienʼtá꞉rane né꞉tho tsi kwáh satekanenhrí꞉hen nón꞉we níkes Nisraeró꞉nonke, tánon ne tsi Í꞉ih ne Watiá꞉ner í꞉ken, né꞉ne Saní꞉io í꞉ken tánon iáh ónhka nakó꞉ren akénhake. Tánon nakonkweʼtashón꞉as kwáh iáh shé꞉kon nonhwén꞉ton tahonsahonwanatehá꞉te.

Joel 2:27 Referans Kwoze

Zephaniah 3:17

Né Roiá꞉ner sah Ní꞉io sewanenrí꞉hen í꞉res; roshatstenhserowá꞉nen tánon énthion natesenhniétshera; kwáh shonhà꞉ke nón꞉we nenhatonhnáren, kwáh atsenhnonhniatsherá꞉kon tsi á꞉se enshiónhni ne raonoronhkwahtsherá꞉kon, tenhohénrehte tsi nihotsenhnón꞉ni ne shonhà꞉ke tsi natehorihwákwen,

Isaiah 45:5

I꞉i ne Watiá꞉ner, tánon iah ónhka nakó꞉ren né꞉ne akénhake; né tsiaʼtákʼta iáh nó꞉ia tekáien ne Ní꞉io akénhake. I꞉i konshatstenhseráwi, iawerohátsien tsi iáh testsientérihkwe,

Joel 3:17

Káti kwáh ní꞉se ensaterientá꞉rane tsi Í꞉ih, ne Watiá꞉ner Saní꞉io í꞉ken, thóh Zion nón꞉we nikená꞉kere, nakenontatokenhtí꞉ke. Tánon ne Jerusalem kwáh kí enhiotokenhtí꞉ke, tánon ne thihiakahontsá꞉te kwáh iáh nonhwén꞉ton thóh nón꞉we tahonsahontohestà꞉ke.

Ezekiel 39:28

Ethòne nakonhkwetashón꞉ʼas enhonateriéntahrahne tsi Í꞉ih, ne Watiá꞉ner raotiní꞉io. Kwáh enhonahteriéntharahne kí꞉ken, tioríhwa tsi iekhehiateniéton nahowahtinhóton tánon ónenh nónhwa ensehkhehiataróhroʼke tánon thetekhehiaténhawe ne roʼnónha rahononhontsáke, iáh shé꞉kon ne saiáta eh tahontaréhsehke.

Joel 2:26

Ní꞉se kwáh wé꞉so thenshatskà꞉hon tsi nió꞉re iathensaié꞉rise, tánon thensatenonwerá꞉ton ne raoshén꞉na ne Roiá꞉ner Saní꞉io í꞉ken, rahónha rohiothénhen ne iorihwanerakwahténions ne sarihwá꞉ke. Tánon nakonkweʼtashón꞉as kwáh iáh shé꞉kon nonhwén꞉ton tahonsahonwanateháte.

Psalms 46:5

Né Rawenni꞉io kwáh satekanatíhen nón꞉we nihénteron; tánon kwáh iáh nonwéton tsakonwáʼtonte; Rawenni꞉io kwáh enhahiatakèna nó꞉nen entewénhtenhne noronhkéne.

Deuteronomy 23:14

Shakwenienstónhak ne tsi satená꞉taien, tiorì꞉wa ne Roiá꞉ner saNí꞉io tsi senikwé꞉kon ne tsi satená꞉taien ne nahonthahiane tánon ahontáhion naʼteseniéntshera tsi nokwáh ne tetsatà꞉tsons. Tó꞉sa othé꞉nen ne shateriwaténtiat ne iáh tehiotkwé꞉niens né꞉ne akarihón꞉ni ne Roiá꞉ner ahiatswaʼténien.

Isaiah 12:6

Teshahénret iorakareníhak tánon tesehríh꞉wak natonhnarátshera Ó nètho sewanákere Zion, asèken tehotenonhianíton ne sewanenhríhen rénhteron ne Rohiatatokénti Saiáta khók í꞉ken ne Israerʼronónke.

Revelation 21:3

Tánon onkathón꞉teʼne iowenhnakaré꞉ni thóh nontá꞉we tsi tewanitskwarahtseró꞉te watón꞉nions, “Satkáto, ne tsi ronónshote ne Ní꞉io thóh skátne nonkweʼó꞉kons. Ne Raónha thóh enhenterón꞉take skátne ne ronón꞉ha tsi ne raó꞉ti Ní꞉io enkénhake; ne ronón꞉ha raón꞉ha raonkweʼtashón꞉as enkénhake, tánon kwáh ne Ní꞉io raonhatsí꞉wa tsi enhatikweʼkónhake;

1 Tiér 2:6

Asèken noriwatokénti wáton, “Satkátho, wakerákwen ne kanenianóron, watsiéntatse thóh nón꞉we Zion nehne takaiosaiéntakwe; tánon onhkakíʼok nenthonwétakwe iáh tahonsahiontateriwásten.”

Psalms 68:18

Onotoharakénhiaʼte niahá꞉re, ronatsokowánen sakohiatenháwi ne ratinótonkwe; waʼhaienásehron nathatawítseras tsi nahonwahwí꞉hon ne ronhnerhiasanírons, né nahónton nètho Roiá꞉ner Rawenni꞉io thóh nón꞉we nahenterónhtake.

2 Corinthians 6:16

Thó: ónhte kenʼ tiónakte ne Rawenni꞉io raononhsatokenhtí꞉ke ne kaiaʼtonniʼshón꞉ʼa? Onnonhsatokénhti ne wáhi tsi tiónhnhe ó꞉ni otionhà꞉ke nón꞉we nihèn꞉teron ne ronhnheʼón꞉we Rawenni꞉io. Ne seʼ aorì꞉wa rá꞉ton: “Eniakwakwekonhatié꞉sheke Iʼi ne raotiní꞉io enkénhake tánon akwé꞉kon I꞉ʼí akonkwé꞉ta enkénhake.”

Ezekiel 39:22

Ne Israerʼró꞉non kwáh kénʼen iewahtásawenh enhonahteriéntarahne tsi Í꞉i ne Watiá꞉ner raotiní꞉io.

Isaiah 53:6

Tewaʼkwékon thóh nitewahiató꞉tens tsi ní꞉ioht ne teiotinakaronhtónhas ne kénk tsehionénon; tewaʼkwékon thóh nihionkwahierenhátie tsi nitionkwahnikonró꞉ten, tánon ne Roiá꞉ner rahónha wahoterihwahkerónhaʼse ne karihwanerahát꞉tshera ne tewakwékon onkwahrihwàke.

Isaiah 45:18

Asèken ne aoríhwa rá꞉ton ne Roiá꞉ner, tsi rahónha ró꞉son ne tsi karonhiá꞉tes (rahónha ne Ní꞉io í꞉ken!) rahónha raieronhtón꞉ni ne tsi ionwenhtsáte tánon rahónhni (rorihwanirá꞉ton; iáh né teosahá꞉ton ne tsikʼtsaiawénhon, né rahonhniá꞉ton naienákereke!): I꞉i ne Watiá꞉ner, tánon iáh ónhka nakó꞉ren né꞉ne akénhake.

Isaiah 44:8

Tó꞉sa sewáteron, khés nahiʼsewatʼtsániʼke; iáh ken tekwahrorihánions tsi nahó꞉tens noriwakáions tánon tewakerihwakwát꞉ton? Í꞉se nakerihwanirát꞉tshera í꞉ken! Ónhka kén ne thiʼkaniʼioseràte ahatàke ne tiaták꞉ta? Iáh kén nó꞉ia tekensténhraien; kwáh iáh nénska tewakateriéntaʼre.

Isaiah 45:6

né ká꞉ti nahónton aonateriéntaraʼne, kwáh tsi nentkarakwínekenhne tánon kwáh tsi nió꞉re iatewatʼtséntʼthos iéken, iáh ónhka ne tiaʼtákʼta tèrate; I꞉i ne Watiá꞉ner í꞉ken, tánon iáh tekáien nakó꞉ren né꞉ne akénhake.

Isaiah 49:23

Rontinontí꞉ios kwáh né thensakotísnieʼne ne kanísera enhónton, tánon né iotinonhtí꞉ios né thenkóntsniene né kanisténhsera enkónton. Onhwenhtsáke nienhontserá꞉te tsi thenhontʼtsakéte ne sewahénton, tánon eniesasitakànonte tsi enhonkenrarónhko ne sasitàke. Ethó꞉ne ensateriéntarane tsi I꞉i ne Watiá꞉ner í꞉ken; tsi niʼiákon ne ionkerá꞉re kwáh kí iah tahonwanatéhate.

Ezekiel 37:6

Kwáh entkónion nohtsinhonhiátons óni oserennátas, tánon kanéhonk entkonrórokste. Kwáh enkonionhniserátha, tánon tentkonháwe naonsasónnheke. Ethóhne ensateriéntarane tsi Í꞉i ne Watiá꞉ner í꞉ken.”

Joel 3:21

Tánon kwáh kí Í꞉ih enshekheiatotarí꞉shi ne iakoní꞉kon ne raotinekwénhsa né꞉tho ne iáh teshekhenikonrénhse, asè꞉ken ne Roiá꞉ner Zion nón꞉we nihèn꞉teron.

Zephaniah 3:11

Ne é꞉tho enwenhniserá꞉teke, kwáh iáh tesatehénsehke nakwé꞉kon tsi nisahiothénhen ne tsi thóh nitsawéhnon tsi wasehrihwanérake ne tsi naskatkónten; asè꞉ken ethò꞉ne kwáh é꞉ren enkheiathenháwite ne sewanenhrí꞉hen ne ionhtatón꞉ni ne iontaʼtsenhnakaráhtats, tánon iáh shé꞉kon nahonsashatatkowánenhke nakenonhtatokentíke.

Numbers 11:29

Ne Mahís waʼtharihwasehráko, “Teshaʼthatenikónhrahre kén nakerihwasónhas? Kaská꞉neks nètho Roiá꞉ner ahontasakáwenh ratiʼkwékon nonhkweshón꞉ʼas ne rahonikónhra tánon ratiʼkwékon thóh ní꞉ioht tsi tahotihénrethe tsi ní꞉ioht ne rotitokénhse!”

Numbers 23:21

Tsi iekatkáthos nètho Isaraerʼró꞉nons tsi niahonenonhátie Kwáh iáh othènen tahonateraskwakʼsenhne khès ne tahonhnikonhráren. Ne Roiá꞉ner Raotiní꞉io tsi ratiʼkwékon; Rontró꞉ris tsi rahónha Sakonontí꞉io í꞉ken.

Proverbs 1:23

Sewatahónhsatat nó꞉nen enkwattéhten; entkwá꞉ion ne karihwí꞉io, entkáhtkaʼwe tsi ní꞉kon wakaterién꞉tare.

Isaiah 44:3

Asèken entewatnekónti ne ioniatʼtátʼtens ohóntsa, tánon enkahionhaténionhne thóh ne tsi iahontsiát꞉ten; Kwáh entkáweron nakenikónra rononhàke ne sehiohokónhas, tánon natiaʼtaterítsheras rononhàke tsi iensatʼwatsiríne.

Isaiah 46:9

sewehiá꞉re ne tsiotserenhtánions norihwakáions; asèken I꞉i ne Ní꞉io í꞉ken, tánon iáh tekáien nó꞉ia akénhake; I꞉i ne Ní꞉io í꞉ken, tánon iáh tekáien nón꞉ka tahonsahiatsatiérenhke,

Ezekiel 39:29

Kwáh entkáweronh nakenikónhra nonhkwétahke ne Israerʼró꞉nonhke tánon iáh ské꞉kon nonhwénton tahonshakhehiatswathénien. Í꞉i, ne Wakenonhtí꞉io Watiá꞉ner wakatáti.”

Zechariah 2:9

“Ne Roiá꞉ner iatenhohiátisthe tsi ensehwaterí꞉io, tánon kwáh ronónha entieshanénhsko tsi niká꞉ien ne shanhatserahkén꞉en kénʼne.” Nó꞉nen kí꞉ken é꞉tho nenhiá꞉wenhne, kwáh onhkweʼtakwé꞉kon tsi enhiakoterienʼtá꞉rahʼne né꞉tho Roiá꞉ner Roshatstenhserowá꞉nen thakható꞉rion.