Joel 2:10 - Ohiatonhseratokénti

¹⁰ Watsahontsíshonkwe ne raotihén꞉ton, asè꞉ken ne tsi Rawenni꞉io wahá꞉wake ne tsi karonhiá꞉te. Ne karáhkwa tánon nasonthenhné꞉kha karáhkwa enwaterakwáhton, tánon ne tsi iotsistohkwarón꞉nion iáh ó꞉nen thatahonsakaswát꞉thete.

Joel 2:10 Referans Kwoze

Matthew 24:29

Akȣa neok enȣatenniserohestste neh niȣenniserotens, onȣaterakȣaton, iah oni tataonsnkasȣathete nasonrekha, entkaniserenne ne karonhiake tiotsistokȣaronnion nok tenhiotihentonȣe nahosastensera tsi Tkaronhiate.

Isaiah 13:10

Asèken tsi niʼiotsistokwahrónhnions ne tsi karonhiáʼte tánon tsi niʼiotitsiókwahkes kwáh kí iáh thatakontiswát꞉theʼte; ne entiekhenékha karákwah kwáh ekʼthentsiokárawe tsi nènk karakwínekenhne, tánon nasonthenhnékha karákwah kwáh kí iáh thataioswát꞉thene.

Psalms 18:7

Ehʼthóhʼne waʼtsahonhontsíshonkwe tánon waʼhó꞉wake; ne tsitkenskwáʼhere ne tsi iohnonténion waʼtsowí꞉sonhkwe tánon waʼtiaonwentsíshonkwe, tsioríhwa tsi nihonakwénhen.

Acts 2:20

Ne karáhkwa entsiokárawe, tánon nasonhthenhné꞉kha karáhkwa thenwatenekwenhsónhten, raohén꞉ton ne teiotenonhianì꞉ton tánon iothenhniserát꞉teron rawenhní꞉sera ne Roiá꞉ner enwá꞉we.

Revelation 6:12

Nó꞉nen sathanhetsáke ne iaiá꞉khaton, Watkaʼkathónhnionwe, tánon kwáh í꞉ken tsi watewatenonhianí꞉te watsiahontsí꞉shonkwe, ne karáhkwa kwáh kahón꞉tsi nahá꞉wenhne tsi nontaioká꞉rawe, ne iekarakwahié꞉ri nasontenhné꞉kha thóh nonshokoténhne tsi ní꞉iót nonekwénhsa,

Jeremiah 4:23

Iakatʼkáhtho nonwenhtsiáke—kwáh iáh thaʼhóten tekáien káiase íken; tsi iotsikerahrónnion—kwáh iáh thaʼteioswátʼthe.

Revelation 8:12

Ne kaierí꞉haton raronhiakeró꞉non wahahonrá꞉wate, tánon énskat náhsen-énkar ne karáhkwa watsiahón꞉ko, tánon énskat náhsen énkar notsistohkwashón꞉as, káti né꞉tho énskat náhsen énkar naoswathétshera taioká꞉rawe; énskat náhsen-énkar nentsekéne iáh thatetsowatsté꞉on, tánon ó꞉ni thóh nahá꞉wenhne noʼkarasné꞉ha.

Nahum 1:5

Watsionontishonkwánion ne raohénton, tánon ne tsi ionhniarónhnions wakawistanawénhseron; watsiahontsíshonkwe ne raohén꞉ton, ne tsi ionwenhtsá꞉te ó꞉ni ratikwé꞉kon ne thóh nón꞉we niiená꞉kere.

Joel 2:31

Ne karáhkwa entsiokárawe, tánon nasonhthenhné꞉kha karáhkwa thenwatenekwenhsónhten, raohén꞉ton ne teiotenonhianì꞉ton tánon iothenhniserát꞉teron rawenhní꞉sera ne Roiá꞉ner enwá꞉we.

Isaiah 34:4

Akwékon tsi nihioteriwatiéren ne tsi karonhiáke kwáh enhiotishatstenhserónhti, tánon ne tsi karonhiáte kwáh enwatʼwenónhni tsi ní꞉ioht nohorótha. Akwékon nahoshatsténhsera kwáh enhiotistatáse kwáh tsi ní꞉ioht nónerate iostatʼtenhenhátie ne tsi watenenharíseres, khés ne káhik iostatʼthenhénhase ne tionnionwarontonhakówa tsi kérite.

Psalms 114:7

Tesawí꞉sont, Ó ionhontsáte, tsi nenhatotháshi ne Roiá꞉ner, tsi nenhatotháshi ne Raoní꞉io ne Jacob,

Matthew 27:51

Eh nikahaȣi Ononsatokentike ioniatarenton asennon ȣateȣatoren, ehneken tontasaȣen tsiniiore netake; nok ȣatiaonȣentsishonkȣe ȣateȣatenenhiorenseron oni.

Amos 5:8

Né꞉ne tsi niká꞉ien ne rotsistokonhniánion ne iohshónte ienekaráhkwa tánon ne ratórats, tánon ne kwáh tetiò꞉karas tetsoswát꞉tes noronhkè꞉ne, tánon nenhtieʼkè꞉ne oʼkaráhsa iesewá꞉tons, tánon kaniatarakeʼkowáhne iehanekákwas, tánon è꞉neken ne tsi ionhontsá꞉te tanekawé꞉rons, né raoshén꞉na né꞉ne Roiá꞉ner í꞉ken,

Joel 2:2

ne enwenhniserá꞉te tsi nathentsiokaráseke tánon kwáh thentsoká꞉rawe, ne enwenhniserá꞉teke enhiotsatarónhnionke tánon iáh shó꞉tsi tahonsahionkentónke! Kwáh né꞉ne tahiorenhenhátie thóh tewaʼré꞉ni tsi ionhnontarónhnions ronatiohkowá꞉nen tánon ratiʼshátstes onkweshón꞉as; ne ní꞉ioht iáh nonhwén꞉ton thóh tetsawénhon ne wahón꞉nise tkénhne, iáh ó꞉ni nonhwén꞉ton shé꞉kon thóh tahonsaiá꞉wenhne tsi niahawenonhátie.

Revelation 20:11

Eʼthó꞉ne wakatkáto kowá꞉nen wanitskwaratserará꞉ken tánon tsi niká꞉ien ne thóh renskó꞉te; nohón꞉tsa tánon ne tsi karonhiá꞉te tsiatkontí꞉ten ne raohén꞉ton, tánon iáh ká꞉neka tahonsaiontʼká꞉tho.

Revelation 9:2

wahanonhtón꞉ko ne iosonwaká꞉ronte ne iáh tekanonkwáhre, tánon thóh tsi iosonwakáronhte takaienkwahrinekénhne thóh nikaienkwahró꞉ten tsi ní꞉iot ne karistowá꞉nen, tánon ne karáhkwa ó꞉ni ne tsi ió꞉werare tahiokárawe né꞉ne tsi iosonwahká꞉ronhte tiohʼhawihtonh.

Isaiah 5:30

Kwáh enhontonráien ne thóh enwenhniseráteke, kwáh tsi ní꞉ioht tsi iorákare ne kaniatarakhekowàne. Tánon ne tseiáta iahiontkátho tsi tionhontsá꞉te— kwáh nènhneʼe nek khók tsi wakaronhióroke. Tánon ne teioswát꞉the né꞉ne tahiokarásthen tsi niʼiotsatarónhnions.

Joel 3:4

Onhní꞉se nenskatiérase ní꞉i, O Tyre tánon Sidon, tánon tsi niwatonhóntsa ne Philistia? Tó꞉ka ní꞉se ahonshasetkariakséken thensetkaraté꞉ni ne senihiothénhseras seninontsí꞉ne ensétren enhiostó꞉rehke tánon thenhiokátonhke.