Jeremiah 5:6 - Ohiatonhseratokénti

⁶ Né aoríhwa ne kénreks kahráhkon nénhtewe kwáh enhiakononhwahrhiákon; nokwáhos kahenthakeʼkówah néntʼthonʼne nashakothihiatahrahtiónko, tánon ne tá꞉kos iorahkwahrónnions tenwahthawénhrie ne raothináhthakons. Tó꞉ka nonhkweshón꞉ʼa ienhathihiákenʼne kwáh enhonwathihiatharahtiónko tsioríwa tsi nihiawehtowáhnenh ne rahothiriwahneraháktsheras tánon kwáh tiókonte tsi ronwatʼkahrahthénion ne Rawenni꞉io.

Jeremiah 5:6 Referans Kwoze

Zephaniah 3:3

Ne rathirihwakweʼní꞉ios nahonkweʼtashón꞉as kwáh né꞉ne kénreks ronatonhriáien, nahonkweʼtashón꞉as ratirihwéntha kwáh né꞉ne oʼkarasné꞉ha nokwáho rotistsiokánon tsi nió꞉re ienhiórenhne

Habakkuk 1:8

Ne raothitsenenhó꞉kons koshá꞉tens sénha ne tehotí꞉kas tsi ní꞉ioht ne tá꞉kos iorahkwahrónhnions, sénha sakotiteronkwénhnis tsi ní꞉ioht ne okwáho tsi iationsontaienenhátie; ne raothitshenenhó꞉kons ákta ionetonhátie. Ne rothisáten ahinónhson nón꞉we nithonéhnon; kwáh thóh niiót tsi ratítse kwáh ne ne ak꞉kwes iostó꞉reh tsi teiakotahsénhtha nahorió꞉ta.

Jeremiah 4:7

Tsi ní꞉ioht ne kénreks tsi nonhtahiaweʼnonhátie tsi nónhwe niwahthasehthákwa, ne shakorihwahthóntha nonhkweshón꞉ʼa wahahiákenʼne. Táhreh nahathónthe ne Judah. Ne kanahthowáhnenhs ne Judah kwáh íken tsi enkarihwénhthonke, tánon iáh ónhka étho nónhwe tahonsahienáhkerehke.

Ezekiel 22:27

Ne kakorahsehráhkon ronahterihónton thóh nihatihiathótens tsi ní꞉ioht nokwáho ratiwahrahratiónkwas ne kárhio konhwáhrhio. Sakonahséhtha onhnahiáwenhne nahothikwátsene.

Revelation 13:2

Tánon ne kátsi noniowá꞉nen né꞉tho wahí꞉ken ne teshiatiéren ne rorakwarónhnion takós, ne rashì꞉takes kwáh né꞉ne okwá꞉ris, tánon ne tsi rasaká꞉ronhte kwáh né꞉ne kénreks tsi rasaká꞉ronhte. Tánon ne rononwahronhiétha ne kwáh raónha raoshatsténhsera ne tahá꞉wen né꞉tho katsinoniowá꞉nen tánon ne raonitskwá꞉ra tánon ne raokweniá꞉tshera.

Hosea 5:14

Asè꞉ken thóh nentiatoténhake tsi ní꞉ioht ne kénreks tsi nokwáh ne Ephraim, tánon kwáh né꞉ne kenhnitohiónha kénreks tsi nokwáh nonkweshón꞉as ne Judah. Iathenwatsátiste tsi enkhehiaʼtaratiónko tánon ethò꞉ne é꞉ren enskéte; kwáh ienkhehiaʼthénhawe, tánon iáh tahonsaieniá꞉kenhne.

Daniel 7:6

Tsi nikarí꞉wes wakateró꞉ron, ktikarió꞉tate saiokétohte. Ne nenʼné꞉ʼe teshiatié꞉ren ne takoʼskó꞉wa ne iorahkwarónnion, nok ki ne rahshón꞉ne kaié꞉ri naʼtehanerahóntshonte, tsi ní꞉ioht notsiʼtén꞉ʼa tekanerahónstate, tánon ó꞉ni kaié꞉ri nihonontsístonte kwáh eʼtho nihaiaʼtó꞉ten ne ahoʼshatstenhseraiéntake.

Daniel 7:4

Ne takáhente eʼtho nikaiaʼtó꞉ten tsi ní꞉ioht ne kèn꞉reks, nok tekanerahóntshontons tsi ní꞉ioht ne à꞉kweks. Tsi nikarí꞉wes tehiká꞉nere, ne onerahóntsha tsi ní꞉ioht ne ónhkak wahakótion. Thí꞉ken karioʼtowá꞉nen waʼhonwaiaʼtakarátate tánon wahoniónnien tahá꞉taʼne tánon ahattakwaríhsi tsi ní꞉ioht ne rón꞉kwe. Tánon eʼthó꞉ne ó꞉nen ón꞉kwe akoʼnikónra tahónnion.

Ezekiel 23:19

Ónenh sénha wakariwahiatháton, tsi niwahtiérah tsi kenhnitiohiónha, né tsi watʼthonwisenhtsarákʼsenhne ne Egypt nónhwe.

Ezekiel 16:25

Waʼtesehnahwasthóhienthe ne shonkwethihiótshera. Iashatatiáthate ne kwáh tsík ónhka iakothohesthonhátie, tánon iaʼtewenhniseráhke ónenh sénha wahsehriwahiatháton.

Lamentations 1:5

Ne tehontátsʼwens wahonateriwahténtsiase; rahothishastenserákon non nikonwaiéhnen. Ne Roiá꞉ner wahrónnien nakaroniáken kwáh tsi níkon ioriwáneren; Nakohioʼokónha ronwathiʼhiénen tánon iehonwathiʼiaténha.

Jeremiah 49:19

Tsi ní꞉ioht ne kénreks thontaharókʼkaʼwe ne kwáh ioterahtó꞉hon ne kaniataratʼtóntie ne Jordan tsi nieʼiawénonh ne kahentí꞉io konwahtiʼterontákwah, kwáh èntʼke tánon enkhehiónnien ne Edomró꞉nons thentsawénhstsi enhontèko ne rahotiʼnakerahseráhkon. Ethòne enhihiataráhko ne rahnenhrahkweʼní꞉io nashaʼkokkórasʼte nonhkweshón꞉a. Ónhka aiekwéni ne ónhkak tahontahionkateniéntenste? Ónhka áienre nahionkenenhrótʼthaʼse? Nahakorahseróh꞉ten ahakwéni nahatsotátʼtshe tsi niwahkatenikonhríson?

Jeremiah 30:14

Rathiʼkwékon ne sewahtenroshón꞉a; waheshaʼhiathanikónhren; tánon iáh ónenh thènenh thaʼthetiesahteriéntahre. Thóh ní꞉ioht tsi hiakonhiatiathónti tsi ní꞉ioht ne tehiatátʼtions; ne shaʼrehwahtátshera kwáh íken tsi ioníron tioríhwa ne sarihwahneraháktshera tsi niʼiawetowáhnenh tánon ne shaʼrihwahetkénsehras tsi níʼ kowáhnenh.

Jeremiah 25:38

Ne Roiá꞉ner shaʼkotewenhthéton ne rahonkwetaʼshón꞉a thóh nihoiéren tsi ní꞉ioht ne kénreks éhren wáhethe nahoshón꞉wahkon. Tsi naʼtehiothenonhianíton nateriʼiósehra ó꞉ni ne Roiá꞉ner iotʼtheronkówah raoʼnahkwáhtshera karáhkon wahrónniaʼthe ne kanahkeráhsera.

Jeremiah 14:7

“Nakonhkwetashón꞉꞉á í꞉i nòkwah tetthonséntthos, ‘Iáh werohhátien nonhkwahriwaʼnerahákʼtshera tsi ionkwahriwáhrhos, thakwahiénawas, Saiá꞉ner, tsi nishaʼrahrátsʼton. Wéso iorihwáhke kwatkarhathénion; ionkwahrihwáneren tsi nòkwah ní꞉se.

Jeremiah 2:19

Kwáh hiateshiáti sharihwahnerahátʼtshera tsi ensharéwahte, tánon tsi takatʼkahrahthénion ne ensharíhwenhte. Tánon kwáh ensehwehientéthaʼne tsi niwahétʼken ó꞉ni iáh tetʼkarihwahiéri nahionkatewénhthete, ne Roiá꞉ner sahNí꞉io, tánon iáh óhnenh tetsisharihwahtó꞉ken tsi nòkwahʼa ní꞉ih. Í꞉i, ne wahkenonhtí꞉io Watiá꞉ner Keshaststenseroʼwáhnenh, wahkahtáhti.”

Jeremiah 2:17

Israerʼró꞉non kwáh iashatátʼkwahse! Tahkahtewenhthéton, ne Roiá꞉ner SahʼNí꞉io, tsi nikaríhwes konhiashá꞉rihneʼne tsi nihioháhes.

Jeremiah 2:15

Thóh ní꞉ioht tsi ronwahtewenhnhothánis tsi ní꞉ioht ne kénʼreks; tsi rahonhontsiáien karáhkon wahonnónhniaʼte, tánon ne rahonáhthakons iorihwenhthásehrons, kwáh onahtóskon íhken.

Isaiah 59:12

Asèken nonkwaterihwatewaʼtónhtshera ne sahénton tsi niʼiaweʼtowáhne, ó꞉ni nonkwahrihwaʼneraháktsheras né karihwanírats ionkwatʼkónte nontionhá꞉ke. Nonwaterihwaʼtewatón꞉tshera kwáh í꞉ken tsi iakwahkwékon, tánon iakwahriwaʼhientéri nonkwarihwaʼneraháktsheras:

Psalms 104:20

Shónh꞉ni ne tetsókaras, né꞉ne nasóntʼthenhne í꞉ken, thó꞉ne nenhnéʼe ne konhtírios tetkonhrotʼkáwas.

Ezra 10:10

Ne Ezra né꞉ne ratsihénstatsi í꞉ken wathátane tánon washakothá꞉rase. Wahèn꞉ron, “Iáh tetisewethá꞉kwenhne tánon tesewáhawe ne kanítsera hahonhà꞉ke Nisraerró꞉nonke ne tsi watisewathateniákten ne tihiononhontsá꞉tes.

Ezra 9:6

Waʼkí꞉ron, “O Sewenní꞉io, shó꞉tsi katéhens nakatarakétsko ne sahén꞉ton. Nonhkwarihwaneraháktsheras sénha é꞉neken tiotʼthe tsi nitsonkwahtenonhtsísthates; iekaniháras ne karonhiá꞉kes.

Numbers 32:14

Tánon kíʼ ó꞉nen í꞉se thonsaietshinaʼkthakwen ne ietsisotʼthonkonhkénʼen, otsiókwase ne rotirihwanerahákskon ronathateweienhnenhtáhon nahonthahonsnéntʼthakwe ne tehiotenonhianíton rahonakwáhtsera ne Roiá꞉ner roʼnonhàke NʼIsraerʼró꞉nons áre.

Psalms 80:13

Né karakónhas kwískwis enkonhtiratatséʼsons, tánon ne kontíros enkónhneke.

Jeremiah 8:5

Nonhtséren káti, akonhkwetahshón꞉a, tsi tahkwatʼkarahthénion tánon kwáh iáh thathiʼtisehwákthons? Ietʼtsihiatienawásthon ne sehwahiatónʼnis tánon iáh tesehwatʼthóntats ne Í꞉i nòkwah nathahontésehwe.

Jeremiah 30:15

Tó꞉sa ónenh sahserihwahkátat tsi niʼsahkarewáhthon; iáh thènenh teshanonhkwahtsheráien. Kén ní꞉ioht tsi enkonréwahthe tioríhwah tsi nihiawethowáhnenh ne sahrihwahneraháktshera tánon ne sahwehiennakséntshera tsi niʼkowáhnenh.

2 Chronicles 36:14

Né iehiowénhte, ne sakotihenténhse ne Judah nón꞉we, né ratiʼtsihénstatsis, tánon nonhkweʼshón꞉ʼa waʼhatí꞉sehre ne kwáh tkarihwáneren washakonatenonwará꞉kwahse nonhkweʼshón꞉ʼa ne akthatsesónha ratinakeré꞉nion tsi nikonwasénhnaiens ne kahiatonhnisónha, tánon ká꞉ti tsi nathatítionsʼte Nononsatokentiʼkówa, né꞉ne kwáh rahonhatsíwa ne Roiá꞉ner rotokentíston.

Job Tánon ne Raoronhiakensera 10:16

Takató꞉rats tsi ní꞉ioht ne roshatstenhserowá꞉nen nithoiónha kénreks; tánon shé꞉kon entsisahiò꞉then ne iorihwanerá꞉kwat nahontaskatiaʼtón꞉ti.

Isaiah 1:23

Né ieshakoráshons iehonwatsatóntsies ne Ní꞉io tánon ne wahonteroserónhni ne ratinénskwas. Onkwetakwékon ne ienónhwes ne knahótenk tahionthaʼthetsikhetáhroʼse tánon ne ratiriwanóntons athatahwí꞉tsheras ahonwanawíhon. Kwáh iáh tethesakótines ne tehiontonhnakárias, tánon ne ionateréhons ahotirihwashónhas iáh rahotihénton tsewétha.

Jeremiah 2:31

Israerʼró꞉nons, sahtahónshatat tsi nikáton. Tsi kénh ní꞉ioht ne kahráhkon thóh nitsiathótenʼne tsi nòkwah ní꞉se, tsi ní꞉ioht ne tetiókahras ó꞉ni iotonwenhtsiátʼteron? Nonhtséren, káti, tsi sáhton tsi thóh nénhsehre tsi nenhtesehnónhwehʼne, kwáh iáh nonhwénhton íhne nòkwah tahthahóntahse?

Jeremiah 8:7

Séhkon ne kawirahkaʼrénies ioteriéntahre kíʼ nónenh tahónthaʼwe; orítes, kentarakonhá꞉ka, ó꞉ni ne tsiskóko ronahteriéntahre nónenh tahonshahonnáthaʼkwe. Ók nakonhkwetahshón꞉a, iáh tesehwahianerenserahientéris tsi ní꞉ioht tsi tkwaniarotáhron.